அபிவிருத்திக் காலகட்டம்

ஜனாதிபதியின் இரண்டாவது பதவிக்காலம் நவம் பர் மாதம் பத்தொன்பதாம் திகதி ஆரம்பமாகி ன்றது. இது நாட்டை முன்னெடுத்துச் செல்வதற் கான புதிய காலகட்டத்தின் ஆரம்பமாக அமையும் என்ற நம்பிக்கை நாட்டில் பரவலாக நிலவுகின்றது. அலரி மாளிகையில் நேற்று முன்தினம் தொழிற்சங்கப் பிரதிநிதிகளுடன் இடம்பெற்ற விசேட சந்திப்பின் போது இந்த நம்பிக்கையை ஜனாதிபதி உறுதிப்படுத்தி யிருக்கின்றார். தனது இரண்டாவது பதவிக் காலத்தில் இலங்கையைத் துரித அபிவிருத்திப் பாதையில் இட் டுச் செல்லும் இலக்குடன் செயற்படப் போவதாக அச் சந்திப்பின் போது அவர் கூறினார்.

ஜனாதிபதியின் முதலாவது பதவிக்காலம் நெருக்கடியான காலகட்டத்தில் ஆரம்பமாகியது. புலிகள் இயக்கத்தின் பயங்கரவாத செயற்பாடுகள் அக்காலப்பகுதியில் நாளு க்கு நாள் அதிகரித்தன. ஏற்குறைய ஒவ்வொரு நாளும் படையினரின் வாகனங்கள் புலிகளின் கண்ணிவெடி யில் சிக்கின. ஏராளம் படைவீரர்கள் உயிரிழந்தனர். நாட் டில் அமைதியை ஏற்படுத்த வேண்டும் என்ற ஒரே நோக்கத்துடன், இந்த நிலையிலும் புலிகள் இயக்கத்து டன் பேச்சுவார்த்தை நடத்துவதையே ஜனாதிபதி விரு ம்பினார். ஆனால் ஜனாதிபதியின் அழைப்புகளுக்குப் புலிகள் சரியான பிரதிபலிப்பை வெளிப்படுத்தவி ல்லை. மாவிலாறு துருசை மூடி நெருக்கடியைத் தோற் றுவித்ததால் அவர்களுக்கு எதிரான இராணுவ நடவடி க்கைக்கு உத்தரவிட வேண்டிய நிர்ப்பந்தம் ஜனாதிப திக்கு ஏற்பட்டது. அதன் பின்னர் என்ன நடந்தது என்பதை முழு நாடும் அறியும்.

புலிகள் இயக்கத்தைத் தோற்கடித்ததுடன் நாட்டில் அமை திக்கான அத்திவாரம் பலமாக இடப்பட்டுள்ளது. யுத்த காலப் பாதிப்புகளை நிவர்த்திக்கும் பணி இப்போது துரி தமாக முன்னெடுக்கப்படுகின்றது. இவ்வாறாக, ஜனாதி பதியின் முதலாவது பதவிக் காலம் நாட்டில் அமை தியை ஏற்படுத்தும் காலகட்டமாக அமைந்தது.

இரண்டாவது பதவிக் காலம் அபிவிருத்திக் கட்டம். நாட் டில் அமைதி நிலவுவது மாத்திரம் போதாது. அமை திச் சூழலைப் பயன்படுத்தி அபிவிருத்தியை முன்னெ டுப்பதே மக்களின் வாழ்க்கைத் தரத்தை உயர்த்துவதற் கான வழி. எல்லா நாடுகளிலும் அபிவிருத்திப் பயண த்துக்குத் தடையாக இரண்டு பிரதான காரணிகளை இனங்காணலாம். ஒன்று எதிரணியினரின் எதிர்ப்பு நட வடிக்கை. மற்றது தொழிற்சங்கப் போராட்டங்கள்.

தொழிலாளர்களின் அடிப்படை உரிமைகளுக்காகப் போரா ட்டம் நடத்த வேண்டிய தேவை இருப்பதை நிராகரிப் பதற்கில்லை. ஆனால் அப்போராட்டங்கள் நாட்டின் பொதுவான முன்னேற்றத்தைத் தடைப்படுத்துவதாகவோ தாமதப் படுத்துவதாகவோ இருப்பது தொழிலாளர்கள் உட்பட அனைத்து மக்களுக்கும் பாதிப்பை மாத்திரம ன்றிப் பின்னடைவையும் ஏற்படுத்தும்.

இலங்கையில் இவ்வாறான நிகழ்வுகள் கடந்த காலங்களில் இடம் பெற்றிருக்கின்றன. இதனாலேயே நேற்று முன்தினம் இடம்பெற்ற சந்திப்பின் போது அபிவிருத்தி நடவடிக் கைகளுக்குத் தொழிலாளி வர்க்கத்தின் ஆதரவை ஜனாதிபதி கோரினார்.

அபிவிருத்தியின் முக்கியத்துவத்தை உணர்ந்து எதிரணி யினர் சீர்குலைவு நடவடிக்கைகளில் ஈடுபடாதிருக்க வேண்டும். நாட்டின் முன்னேற்றத்துக்குத் தடையாகச் செயற்படுபவர்களை மக்கள் ஒருபோதும் மன்னிக்க மாட்டார்கள்.

இப்போது ஏற்பட்டிருக்கும் அமைதி நிரந்தரமாக நிலைப் பதற்கு அபிவிருத்தி அத்தியாவசியமானது என்பதால் ஜனாதிபதியின் அபிவிருத்திப் பயணத்தில் இன, மத பேதமின்றி அனைத்து மக்களும் பங்காளிகளாக முன் வருவார்களென நம்புகின்றோம்.

(தினகரன்)