உருக்கமான ஒரு வேண்டுகோள்!

இலங்கைப் பணிப்பெண்ணான ரிஷானா சவூதி அரேபியாவில் உயிருக்காகப் போராடிக் கொண்டிருக்கிறார். வாழ்வா அல் லது மரணமா என்பதே இந்த இளம்பெண் இன்று எதிர் கொண்டுள்ள தலையாய பிரச்சினை. தனக்கு உயிர்ப்பிச்சை கிடை க்குமா என்று ஏங்கிக்கொண்டிருக்கும் ரிஷானாவின் இப்போதைய மனோநிலையானது எவரையுமே கழிவிரக்கம் கொள்ளச் செய்யும்.

ரிஷானா நபீக் என்ற இந்த யுவதி திருகோணமலை மாவட்டத்திலு ள்ள மூதூரைச் சேர்ந்தவர். மிகவும் இளம் பராயத்தில் குடும்ப வறுமையைப் போக்கிக் கொள்வதற்காக சவூதி அரேபியாவுக்குப் பணிப்பெண்ணாக தொழிலுக்குச் சென்றவர். அத்தகைய இளவயதில் அப்பெண் பணிப்பெண் தொழிலுக்கு எவ்வாறு அனு ப்பப்பட்டாரென்பது வினாவுக்குரிய விடயம் ஆகும். அத்தனை தவறுகளுக்கும் குடும்ப வறுமையே காரணமாக இருந்திருக்கிறது.

அவ்விவகாரத்தை ஆராய்ந்து கொண்டிருப்பதற்கு இப்போது அவ காசமில்லை. அந்த யுவதி தனது உயிரைக் காப்பாற்றப் போராடிக் கொண்டிருப்பதனால், அவரது உயிரைக் காப்பாற்றும் விடயத்தில் சகல தரப்பினரும் கவனம் செலுத்துவதே இப்போதைக்கு அவ சியமாகிறது.

சவூதியின் ரியாத் நகரில் உள்ள வீடொன்றில் பணிபுரிந்து கொண்டி ருந்த ரிஷானா மீது கொலைக் குற்றம் சுமத்தப்பட்டுள்ளது. அவ் வீட்டின் எஜமானர்களின் குழந்தையொன்று மரணமானமை தொட ர்பாக ரிஷானா மீது கொலைக்குற்றச்சாட்டு சுமத்தப்பட்டு, அங்கு ள்ள தவடாமி நீதிமன்றத்தினால் மரணதண்டனை தீர்ப்பு வழங் கப்பட்டுள்ளது.

அத்தண்டனையிலிருந்து இப்பெண்ணைக் காப்பாற்றுவதற்காக எமது நாட்டின் வெளிவிவகார அமைச்சு இதுவரை மேற்கொண்ட முய ற்சிகள் கொஞ்ச நஞ்சமல்ல... அந்நாட்டின் சட்டத்துறை சார்ந்தோ ரின் உதவியுடன் அங்குள்ள நீதிமன்றம் ஊடாக எமது வெளி விவகார அமைச்சு பெரும் முயற்சிகளை மேற்கொண்டது. மற் றொரு புறத்தில் ரிஷானா பணி புரிந்த வீட்டு எஜமானரின் கோத் திரத்தைச் சேர்ந்த மூத்த பிரஜைகளின் தொடர்புகளைப் பெற்று மன்னிப்புக் கோரும் வேண்டுகோள் விடுக்கப்பட்டது.

இலங்கை வெளிவிவகார அமைச்சிடமிருந்து மட்டுமன்றி ரிஷானா வின் குடும்பத்தினராலும் இவ்வேண்டுகோள் முன்வைக்கப்பட் டது. இதனையடுத்து, மேற்படி மரணதண்டனைத் தீர்ப்புக்கு எதி ராக ரியாத் உச்ச நீதிமன்றத்தில் மேன்முறையீடு செய்யப்பட்டது. எனினும் இம்முயற்சிகளுக்கெல்லாம் எதுவித பலனும் கிட்டாத நிலையில், அம்மரண தண்டனைத் தீர்ப்பை ரியாத் உச்ச நீதிமன் றம் உறுதி செய்திருக்கிறது. ரிஷானா இப்போது மரணத்தின் விளி ம்பில் ஊசலாடிக் கொண்டிருக்கிறார்.

உச்ச நீதிமன்றத்தின் தீர்ப்புக்கு எதிராக மேன்முறையீடு செய்ய முடி யாது. சவூதி மன்னர் பொதுமன்னிப்பு வழங்கினால் மாத்திரமே அந்த யுவதி இனிமேல் உயிர்பிழைக்க வழியுண்டு. ஆனாலும் அந்நாட்டின் குற்றவியல் சட்டங்கள் முற்றிலும் வேறுபட்டவை. பாதிக்கப்பட்ட நபர் சம்மதம் வழங்கினால் மாத்திரமே சவூதி மன்னர் பொதுமன்னிப்பு அளிக்க முடியும். இவையெல்லாம் சாத் தியமாகி ரிஷானா மரண தண்டனையிலிருந்து தப்பி உயிர்பிழை க்க வேண்டுமென்பதே நம் அனைவரினதும் வேண்டுதல் ஆகும்.

இப்பெண்ணுக்கு ஏற்பட்டுள்ள இக்கட்டான நிலைமை மிகவும் பரி தாபமானது. குழந்தையின் மரணத்துடன் ரிஷானாவுக்கு நேரடி யான சம்பந்தம் இல்லையென்பது இப்பெண்ணின் தரப்பினர் முன் வைக்கும் வாதம். கொலை நோக்கம் ரிஷானாவிடம இருந்ததில் லையெனவும், குழந்தையின் மரணம் தற்செயலாக நிகழ்ந்ததென வும் ரிஷானாவினால் கூறப்பட்டுள்ளது.

சவூதியைப் பொறுத்த வரை வேறு நாட்டவர் வழக்கை எதிர்கொள்வதில் அதிக சிக்கல் கள் உள்ளன. மொழியும் பிரதான பிரச்சினையாகிறது. இலங்கை போன்ற நாடுகளைப் பொறுத்தவரை குற்றமொன்றை நிரூபிப்பதா யின் ருசுப்படுத்தப்பட்ட சான்றுகள் அதிகம் தேவைப்படுகின்றன.

இவையெல்லாம் ரிஷானாவின் இன்றைய நெருக்கடி நிலையில் அப் பாற்பட்ட விடயங்களாகின்றன. சவூதியின் குற்றவியல் சட்டத் தைப் பொறுத்தவரை அப்பெண்ணானவள் மரண தண்டனையை எதிர்நோக்கியுள்ள குற்றவாளியாகிறார். இவர் பொதுமன்னிப்புப் பெற்று விடுதலையாகி வர வேண்டுமென்பதே மனிதாபிமானம் கொண்டோரின் உருக்கமான வேண்டுகோளாகும்.

எமது ஜனாதிபதி மஹிந்த ராஜபக்ஷ சவூதி மன்னருக்கு விண்ணப்ப மொன்றை முன்வைத்திருக்கிறார். மரண தண்டனையிலிருந்து ரிஷா னாவுக்கு பொதுமன்னிப்பு வழங்குமாறு ஜனாதிபதி மஹிந்த ராஜ பக்ஷ விண்ணப்பம் முன்வைத்துள்ளார். ரிஷானாவின் உயிரைக் காக்க ஜனாதிபதி எடுத்துக் கொண்ட இத்தகைய முயற்சி வர லாற்றுப் பதிவாகும்.

இத்தருணத்தில் எமது நாட்டு மக்கள் மாத்திரமன்றி உலகெங்கும் வாழும் மனிதாபிமானிகள் அனைவருமே ஒட்டுமொத்தமாக உரு க்கமான வேண்டுகோளை முன்வைக்கின்றனர்.

‘மன்னிப்பதால் மனிதன் மேலும் புனிதனாகிறான்’ அப்பெண்ணுக்கு உயிர்ப்பிச்சை கொடுங்கள்!

(தினகரன்)