ஐக்கிய தேசிய கட்சி அகங்காரத்தை தவிர்த்துக்கொள்ள வேண்டும்

நடந்து முடிந்த உள்ளூராட்சிமன்ற தேர்தல் முடிவுகளை நாம் அமை தியாக இருந்து பகுப்பாய்வு செய்தால் எங்களுக்கு கடலாமையும், வீட்டுக்கோழியும் ஞாபகத்திற்கு வரும். ஐக்கிய மக்கள் சுதந்திர முன்னணியை நாம் கடலாமையாகவும், ஐக்கிய தேசியக் கட்சியை ஒரு வீட்டுக் கோழியாகவும் தான் பார்க்கக் கூடியதாக இருக்கிறது. ஆயிரம் முட்டைகளை இடும் கடலாமை அமைதியாக இருக்கும் போது, ஒரே யொரு முட்டையிட்ட கோழி கொக்கரிப்பதைப் போன்று ஐக்கிய தேசி யக் கட்சி இன்று நடந்து கொள்வது அக்கட்சிக்கே அவமானத்தை தேடிக் கொடுக்கிறது. முடிந்த 23 உள்ளூராட்சி மன்ற தேர்தல்களில் 22 உள்ளூராட்சி மன்றங்க ளில் படுதோல்வியடைந்துள்ள ஐக்கிய தேசியக் கட்சி ஒரேயொரு உள் ளூராட்சி மன்றத்தில் மாத்திரம் வெற்றியடைந்ததை வைத்துக் கொண்டு, அக்கட்சியின் பொதுச் செயலாளர் நாட்டையே கைப்பற்றி தாங்கள் அர சாங்கத்தை அமைத்து விட்டோம் என்றது போன்ற மமதையில் இன்று அரசாங்கத்தின் பலத்தை தரக்குறைவாக விமர்சித்துக் கொண்டிருக்கி றார். அரசாங்கத்தின் அழிவு கொழும்பில் ஆரம்பமாகி விட்டது என்று அவர் கொக்கரிக்க ஆரம்பித்து விட்டார்.

ரணில் விக்கிரமசிங்கவும் தனது கட்சி பொதுச் செயலாளருக்கு ஆதரவாக பொதுமேடைகளில் பேசி மக்களை ஏமாற்றும் படலத்தை இப்போது ஆரம்பித்துள்ளார். இந்த உள்ளூராட்சி மன்ற தேர்தல் ஒரு வகையில் ரணில் விக்கிரமசிங்கவுக்கு கிடைத்த ஒரு வெற்றி என்பதை நாம் மறு க்கவில்லை. தன்னுடைய கட்சியின் தலைமைப் பதவியை பறிப்பதற்கு சகல விதமான தில்லுமுல்லுகளில் ஈடுபட்டு வந்த சஜித் பிரேமதாஸவு க்கு அம்பாந்தோட்டையில் அரசாங்க கட்சி படுதோல்வியைப் பெற்றுக் கொடுத்தமையினால் தான், ரணில் விக்கிரமசிங்கவுக்கு இன்று தலை மைத்துவத்திற்கு சஜித் பிரேமதாஸ மூலம் தோற்றியிருந்த அச்சுறுத்தல் நீங்கிவிட்டது என்பதை அவர் மறந்து விடக்கூடாது.

சஜித் பிரேமதாஸவை படுதோல்வியடையச் செய்ததன் மூலம் ரணில் விக் கிரமசிங்கவுக்கு உதவி செய்த ஐக்கிய மக்கள் சுதந்திர முன்னணிக்கும், அரசாங்கத்திற்கும் நன்றி தெரிவிப்பதற்கு பதில், ரணில் விக்கிரமசிங்க இவ்விதம் அரசாங்கத்தை கண்டித்து பேசுவதைப் பார்க்கும்போது, எம க்கு விந்தையாக இருக்கிறது.

பல்லாண்டு காலம் தனது கோட்டைகளாக ஐக்கிய தேசிய கட்சி வைத்திரு ந்த நுவரெலியா மாநகர சபை கண்டி மாநகர சபை, தெஹிவளை, கல் கிசை மாநகர சபை மற்றும் கொலன்னாவ பிரதேச சபை ஆகியவற்றில் ஐக்கிய மக்கள் சுதந்திர முன்னணி வெற்றிவாகை சூடியிருப்பது பற்றி எவ்வித கருத்தையும் தெரிவிக்காமல் கொழும்பு மாநகர சபை வெற்றி யைப் பற்றி மாத்திரம் ரணில் விக்கிரமசிங்கவும் அவரது கட்சியின் பொதுச் செயலாளரும் இன்று பெருமைப்பட்டுக் கொண்டிருக்கிறார்கள். அவர்களுக்கு ஒரு விசயத்தை நாம் ஞாகப்படுத்துவது அவசியமாகும்.

2002 ஆம் ஆண்டில் நடைபெற்ற கொழும்பு மாநகர சபை தேர்தலில் ஐக் கிய தேசிய கட்சிக்கு ஒரு லட்சத்து 36 ஆயிரம் வாக்குகளுடன் 32 ஆசனங்களை வெற்றியீட்ட முடிந்தது. அன்று, ஐக்கிய மக்கள் சுதந்திர முன்னணி கொழும்பில் 8 ஆசனங்களையே வெற்றியீட்டியது. சமீபத் தில் நடந்து முடிந்த தேர்தலில் கொழும்பு மாநகரில் ஐக்கிய தேசிய கட் சிக்கு அதைவிட மிகவும் குறைந்த அளவிலான வாக்குகளையே பெற முடிந்தது.

ஐக்கிய தேசிய கட்சி 2002 ஆம் ஆண்டு தேர்தலில் பெற்ற 32 ஆசனங்க ளுக்கு பதில், இந்த தடவை 24 ஆசனங்களையே வெற்றியீட்டியது. அதுபோன்று 2002 இல் 8 ஆசனங்களை மாத்திரம் வெற்றியீட்டிய ஐக் கிய மக்கள் சுதந்திர முன்னணி, நடந்து முடிந்த தேர்தலில் 16 ஆச னங்களை வென்றெடுத்தது.

இந்த தேர்தல் முடிவுகள் இரண்டையும், நாம் அவதானிக்கும் போது இந்த தடவை ஐக்கிய தேசியக் கட்சி பெற்ற வெற்றி ஒரு பெரிய வெற்றி என்று எவராலும் கூற முடியாது. தேர்தலில் மக்கள் ஆதரவு யாருக்கு கூடுதலாக இருந்தது என்பதை புரிந்துகொண்டு இனிமேலாவது ஐக்கிய தேசியக் கட்சி தனது அகங்காரப் போக்கை தவிர்த்துக் கொள்வது நல்லது.

ஐக்கிய தேசிய கட்சி இன்று கீழே விழுந்தாலும், மீசையில் மண் ஓட்ட வில்லை என்பது போன்று, மக்களை ஏமாற்றுவதற்கு மேற்கொண்டு வரும் போலி நாடகத்தைப் பார்த்து, மக்கள் அக்கட்சியை ஏளனம் செய்யுமளவுக்கு கட்சி இன்று மக்களின் நம்பிக்கையை இழந்து வருகி றது.

தன்னை ஒரு ஜனநாயகவாதி என்று பறைசாற்றிக் கொண்டிருக்கும் ரணில் விக்கிரசிங்க உண்மையிலேயே ஒரு ஜனநாயகவாதியா என்ற கேள்விக் குறி இன்று எழுந்துள்ளது. கொழும்பு மாநகரில் கட்சி அடைந்த வெற் றியை தனக்கு கிடைத்த தனிப்பட்ட வெற்றியாகவும், பலமாகவும் பயன் படுத்தி வரும் ரணில் விக்கிரமசிங்க கட்சிக்குள் தன்னுடைய ஜனநாயக விரோத அடக்குமுறை நடவடிக்கைகளை இன்று முடுக்கிவிட்டுள்ளார்.

அவர் தென்னிலங்கையிலிருந்து பாராளுமன்றத்திற்கு தெரிவு செய்யப்பட்ட கட்சி உறுப்பினரான புத்திக பத்திரன தன்னை சில காலமாக கண்டித்து பேசி தனது தலைமைத்துவத்திற்கு அச்சுறுத்தலை ஏற்படுத்தி வந்தார் என்ற காரணத்தினால் இப்போது அவருக்கு எதிராக போலி குற்றச்சாட் டுகளை சுமத்தி ஒழுக்காற்று நடவடிக்கைகளை மேற்கொண்டுள்ளார். அதுபோன்று, தன்னை எதிர்த்த மேல் மாகாண சபை உறுப்பினர் சிராஜ் லக்திலக்கவுக்கு எதிராகவும் ஒழுங்கு நடவடிக்கை எடுத்துள்ளார்.

கட்சியின் தலைமைத்துவத்தை நிலையாக வைத்திருப்பதற்கு சகல முயற்சி களையும் எடுத்துக்கொண்டிருக்கும் ரணில் விக்கிரமசிங்க அனாவசிய மாக அரசாங்கத்தைப் பார்த்து, கிண்டல் செய்யும் தனது போக்கை மாற் றிக்கொள்வது அவசியமாகும். இல்லையேல் அவர் நிச்சயம் பொது மக்களின் ஆத்திரத்திற்கு இலக்காவதை தவிர்க்க முடியாது.

(தினகரன்)