நொக்கியா விண்டோஸ் கையடக்கத்தொலைபேசிகள் அறிமுகம்: மாற்றம் கைகொடுக்குமா?

கையடக்கத்தொலைபேசிகளின் ஜாம்பவானாக வர்ணிக்கப்பட்ட நிறுவனம் நொக்கியா. எனினும் அப்பிளின் ஐ போன் மற்றும் அண்ட்ரோயிட் கையடக்கத்தொலைபேசிகளின் வருகைக்கு பின்னர் இது வீழ்ச்சியடைந்தது. தன்னை சந்தையில் நிலைநிறுத்திக் கொள்ளும் பொருட்டு பல்வேறு முயற்சிகளை இது மேற்கொண்ட போதும் பயனளிக்கவில்லை. 'சிம்பியன்' இயங்குதளத்தினை பெரும்பாலும் சார்ந்திருந்தமையும்,பாவனையாளர்கள் அப்பிளின் ஐ போன் மற்றும் அண்ட்ரோயிட் கையடக்கத்தொலைபேசிகளை நோக்கி கவர்ந்திழுக்கப்பட்டமையும் நொக்கியாவின் வீழ்ச்சிக்கு பிரதான காரணங்களாகக் கருதப்பட்டன.

தனது மொபைல் விண்டோஸ் இயங்குதளத்திற்கு சரியான ஒரு ஜோடியைத் தேடிக் கொண்டிருந்தது மைக்ரோசொப்ட். இந்நிலையில் வீழ்ச்சியிலிருந்து மீள்வதற்காக மைக்ரோசொப்டுடன் கைகோர்த்தது நொக்கியா.மைக்ரோசொப்டும் இதற்கு உடன்பட்டது. மிக நீண்ட நாட்களாகப் பேசப்பட்டு வந்த இவ் ஒப்பந்தத்தின் முதல் கட்டமாக நொக்கியா விண்டோஸ் கையடக்கத்தொலைபேசியானது நேற்று அறிமுகப்படுத்தப்பட்டது. இதன் போது 2 நொக்கியா விண்டோஸ் கையடக்கத்தொலைபேசிகள் அறிமுகப்படுத்தப்பட்டன.

அதில் ஒன்று நொக்கியா 'லுமியா 800'. இது தொடர்பான சில விபரங்கள்:

Microsoft Windows Phone 7.5 Mango

AMOLED capacitive touchscreen

8 MP, 3264x2448 pixels, Carl Zeiss optics, autofocus, dual-LED flash

1.4 GHz processor, Qualcomm MSM8255 chipset, 3D Graphics HW Accelerator

MicroSIM card support only

Nokia ClearBlack display

மற்றையது நொக்கியா 'லுமியா 710'. இது தொடர்பான சில விபரங்கள்

Microsoft Windows Phone 7.5 Mango

1.4 GHz processor, Qualcomm MSM8255 chipset, 3D Graphics HW Accelerator

8 GB storage, 512 MB RAM

5 MP, 2592х1944 pixels, autofocus, LED flash

MicroSIM card support only

மிகவும் எதிர்பார்ப்பை ஏற்படுத்தியுள்ள இவை இரண்டும் டிசம்பர் மாதமளவில் ஐரோப்பிய சந்தைகளில் விற்பனைக்கு வருமென எதிர்பார்க்கப்படுகின்றது. இதனை விட மேம்பட்ட நொக்கியா விண்டோஸ் கையடக்கத்தொலைபேசிகள் அடுத்த வருடமளவில் வெளியாகுமென எதிர்பார்க்கப்படுகின்றது. இழந்த இடத்தைப் பிடிப்பதற்குத் துடிக்கும் நொக்கியாவிற்கும், சந்தையில் தன்னை நிலைநிறுத்திக்கொள்ளத் துடிக்கும் மைக்ரோசொப்டிற்கும் இக்கையடக்கத்தொலைபேசிகள் கைகொடுக்குமா எனப் பொறுத்திருந்துதான் பார்க்க வேண்டும்.

(ச.கவிந்தன்)