இந்தியா, சீனா, பாகிஸ்தான் ஆகிய நாடுகளின் துணையுடன் எதிர்ப்புக்களுக்கு நாம் வெற்றிகரமாக முகம் கொடுக்க முடியும்

இலங்கைக்கு எதிராக சர்வதேச ரீதியில் ஏகாதிபத்தியவாதிகளும் எல். ரி.ரி.ஈ. பயங்கரவாதிகளுக்கு துணை புரியும் சில அடிவருடிகளும் மேற்கொண்டு வரும் துஷ்பிரசாரங்களுக்கு தக்கபதிலடி கொடுக்கக் கூடிய வகையில் இலங்கையின் நட்பு நாடுகளான இந்தியா, சீனா, பாகி ஸ்தான் ஆகியன உதவியும் உறுதுணையும் புரிந்து வருவது பாராட்டுக் குரிய ஒரு விடயமாகும்.

பொதுநலவாய நாடுகளின் அரசாங்கத் தலைவர்கள் கலந்து கொள்ளும் அடு த்த உச்சிமாநாட்டை 2013ல் இலங்கையில் நடத்துவதற்கு முன்னர் இல ங்கை அரசாங்கம் தனது மனித உரிமை செயற்பாடுகள் தொடர்பான உண்மை நிலையை ஒழிவுமறைவற்ற முறையில் முழு உலகத்திற்கும் காண்பிக்கக்கூடிய வகையில் விசாரணைகளை மேற்கொள்ள வேண்டு மென்றும், அதுவரை அந்த உச்சிமாநாட்டை இலங்கையில் நடத்துவது என்ற தீர்மானத்தை ஒத்தி வைக்க வேண்டுமென்றும், அவுஸ்திரேலியா வின் சில அரசியல் பிரிவுகளும், கனடாவும் கருத்து தெரிவித்திருப்பது தொடர்பாக அவுஸ்திரேலியாவில் வைத்து இந்திய வெளியுறவு செயலா ளர் ரஞ்சன் மதாயிடம் ஊடகவியலாளர்கள் வினா எழுப்பிய போது அவர் இலங்கையில் 2013ம் ஆண்டில் பொதுநல அமைப்பு நாடுகளின் அரசாங்கத் தலைவர்களின் உச்சிமாநாட்டை நடத்துவதில் எவ்வித மாற்ற மும் ஏற்படுத்தப்பட மாட்டாது என்று திட்டவட்டமாக அறிவித்துள்ளார்.

பொதுநலவாய நாடுகளின் அடுத்த உச்சிமாநாட்டை இலங்கையில் நடத்து வது என்ற தீர்மானம் 2009ம் ஆண்டில் அதாவது ஈராண்டுகளுக்கு முன் னரே முடிவெடுக்கப்பட்டிருப்பதாகவும் இப்போதைக்கு அடுத்த உச்சிமா நாடு நடத்தும் இடம் பற்றிய சர்ச்சைக்கு இடம் இல்லையென்றும் இந்திய வெளிவிவகார அமைச்சின் செயலாளர் ரஞ்சன் மதாய் மேலும் தெரிவித் தார்.

நாம் ஜனநாயக தாற்பரியங்களுக்கு முக்கியத்துவம் அளிக்கும் அதே வேளை யில் சட்டபூர்வமான ஆட்சி மற்றும் மனித உரிமைகள் ஆகியவற்றுக்கு முன்னுரிமை அளிக்க வேண்டுமென்பதில் அக்கறை கொண்டுள்ளோம். எனவே பொதுநலவாய நாடுகள் ஏற்கனவே உள்ள அமைப்புகளை பலப் படுத்த வேண்டுமே ஒழிய அவற்றுக்கு பதில் புதிய அமைப்புகள் ஏற் படுத்துவது அவசியமில்லை என்று ரஞ்சன் மதாய் தெரிவித்தார்.

அவுஸ்திரேலியாவில் நடைபெறும் பொதுநல அமைப்பு நாடுகளின் அரசாங் கத் தலைவர்கள் கலந்து கொள்ளும் உச்சிமாநாட்டில் இலங்கைக்கு அப கீர்த்தி ஏற்படுத்தக்கூடிய வகையில் இலங்கைக்கு எதிரான சில சக்திகள் எடுத்த முயற்சிகளுக்கு அவுஸ்திரேலிய அரசாங்கமும், இந்தியாவும் தங் கள் நடுநிலையான கொள்கையின் மூலம் தக்கபதிலடி கொடுத்து, அவற் றின் வாயை அடக்கி இருப்பது குறித்து நாம் உண்மையிலேயே பெரு மைப்பட வேண்டியிருக்கிறது.

அவுஸ்திரேலிய பிரதம மந்திரி ஜூலியாட் கில்லாட்டை சந்தித்து உரையாற் றிய ஜனாதிபதி மஹிந்த ராஜபக்ஷ இலங்கையின் தற்போதைய நிலை தொடர்பில் அறிந்து கொள்ள முற்படும் எந்தத் தரப்புடனும் பேச்சுவார் த்தை நடத்துவதற்கு எந்த நேரத்திலும் தான் தயாராக இருப்பதாக அறி வித்துள்ளார்.

இலங்கைக்கு எதிராக அவதூறான தகவல்களை அடிப்படையாக வைத்து ஆதாரமற்ற குற்றச்சாட்டுகள் சுமத்தப்பட்டிருப்பதாகவும் அவுஸ்திரேலிய பிரதம மந்திரிக்கு விளக்கிக் கூறினார். ஜனாதிபதி அவர்கள் இந்த சந்தர் ப்பத்தில் இலங்கை மேற்கொண்டு வரும் இடம்பெயர்ந்த மக்களின் மீள் குடியேற்ற நடவடிக்கைகள் மற்றும் வடக்கு கிழக்கில் அரசாங்கம் மேற் கொண்டு வரும் அபிவிருத்தி செயற்பாடுகள் குறித்தும் ஆதாரபூர்வமாக விளக்கிக் கூறினார்.

யுத்தக்குற்றச்சாட்டுகள் மற்றும் மனித உரிமை மீறல்கள் செயற்பாடுகளில் யுத்தம் முடிவடையும் கடைசி இரு வாரங்களின் போது இலங்கை அர சாங்கம் ஈடுபட்டதாக பலதரப்பட்ட வட்டாரங்களில் இருந்து ஆதாரமற்ற போலிக் குற்றச்சாட்டுகள் எழுந்துள்ளமை குறித்து பதிலளித்த ஜனாதிபதி மஹிந்த ராஜபக்ஷ, இலங்கையின் மனிதாபிமான நடவடிக்கைகள் பற் றிய உண்மை நிலையை விரைவில் வெளிவரவுள்ள நல்லிணக்க ஆணை க்குழுவின் அறிக்கையின் மூலம் உலக நாடுகள் தெரிந்து கொள்ள முடி யுமென்று கூறினார்.

இவ்வறிக்கை முதலில் பாராளுமன்றத்தில் சமர்ப்பிக்கப்படும். அதன் பின்னர் மக்கள் பார்த்து உண்மை நிலையை அறிந்து கொள்ள முடியுமென்று ஜனாதிபதி தெரிவித்தார். சிலர் வேண்டுமென்றே சர்வதேச சமூகத்தை தவறான வழியில் இட்டுச் செல்வதற்கு முயற்சிகள் செய்கிறார்கள் என்று தெரிவித்த ஜனாதிபதி, பொய்யான கதைகளை கற்பனை செய்து போலிக் குற்றச்சாட்டுகளை இலங்கை மீது சுமத்திவரும் சில தீய சக்திகளுக்கு நல்லிணக்க ஆணைக்குழுவின் அறிக்கை தக்க பதில் கொடுக்குமென் றும் ஜனாதிபதி நம்பிக்கை தெரிவித்தார்.

இலங்கை ஒரு சிறிய நாடாக இருந்தாலும் அதன் அயலிலுள்ள நட்பு நாடு களான இந்தியா, சீனா, பாகிஸ்தான் ஆகியன எங்கள் நாட்டுக்கு அரசி யல் ரீதியிலும், பொருளாதார ரீதியிலும், இயற்கை அனர்த்தங்கள் மூலம் அச்சுறுத்தல்கள் ஏற்படும் போதும் உடனடியாக மனமுவந்து உதவிகளை செய்து வருகின்றன.

சீனாவும், இந்தியாவும் வடக்கின் வசந்தம், கிழக்கின் உதயம் அபிவிருத்தி நட வடிக்கைகளுக்கு பெருமளவு பண உதவிகளை செய்து வீடுகளை நிர்மா ணிப்பதற்கும், ரயில் பாதையை விஸ்தரிப்பதற்கும், வீதிகளை புனர்நிர்மா ணம் செய்வதற்கும், ஆஸ்பத்திரிகள், பாடசாலைகள் போன்ற கட்டமை ப்பு வசதிகளை மேம்படுத்துவதற்கும் பொருளாதார ரீதியில் உதவிகளை செய்து வருகின்றன.

பயங்கரவாத அச்சுறுத்தலினால் பெரும் பாதிப்புக்குள்ளான நாடான பாகிஸ் தான் கூட வடபகுதியில் மண்ணில் புதைக்கப்பட்டிருக்கும் கண்ணிவெடி களை அகற்றுவதற்கு தங்கள் நாட்டின் நல்ல பயிற்சி பெற்ற இராணுவ உத்தியோகத்தர்களை சமீபத்தில் அனுப்பி வைத்திருப்பதும் குறிப்பிடத் தக்க ஒரு விடயமாகும்.

எத்தகைய பலம்வாய்ந்த சக்திகள் இலங்கைக்கு எதிராக செயற்பட்டாலும் அயல் நாடுகளான இந்தியா, சீனா, பாகிஸ்தான் ஆகியன எங்கள் சார் பில் குரல் கொடுக்க தயாராக இருக்கும் போது, நாம் எதற்கும் அஞ்சா மல் அபிவிருத்தி நடவடிக்கைகளை முன்னெடுத்துச் செல்ல முடியும்.

(தினகரன்)