பாடசாலை வன்முறைகளை தடுப்பதற்கு சம்பந்தப்பட்டோரை தண்டிக்க வேண்டும்

காலி வித்தியாலோக்க வித்தியாலயத்தில் இருந்த பாடசாலை அதி பரை வேறு இடத்திற்கு கல்வித்திணைக்கள அதிகாரிகள் இடமாற்றம் செய்து அவ்விடத்திற்கு புதிய அதிபரை நிய மித்தமைக்கு எதிர்ப்பு தெரிவிக்கும் முகமாக புதிய அதிபர் பாடசா லைக்கு வருகை தந்தபோது அவரை கற்களாலும், தடிகளாலும் அடி த்ததுடன் அவருடைய புத்தம் புதிய காரை அடித்து நொறுக்கும் அள வுக்கு வன்முறைகளை இப்பாடசாலை மாணவர்களும், அவர்களின் சில பெற்றோரும் கட்டவிழ்த்துவிட்ட சம்பவம் கண்டிக்கவும், தண்டி க்கவும் அவசியமான ஒரு நிகழ்வாகும்.

பாடசாலை மாணவர்கள் வன்முறைகளை விடலைப் பருவத்திலேயே ஆரம்பித்துவிட்டால் அவர்கள் பல்கலைக்கழகத்திற்கு சென்ற பின் னர் நாட்டையே தீக்கொளுத்தி எரித்துவிடக்கூடிய பயங்கரமான குற் றச்செயல்களிலும் ஈடுபடுவதை எவரும் தவிர்க்க முடியாதென்று நாட் டுப்பற்றுடைய கல்விமான்கள் வேதனை தெரிவித்துள்ளார்கள்.

பாடசாலைகள் சுமார் 100 ஆண்டுகளுக்கு முன்னர் இந்தியாவில் தளைத் தோங்கியிருந்த குருகுல கல்வியைப் போன்றும் இலங்கையில் பெளத்த பிக்குமார் மற்றும் இந்துமதத் தலைவர்கள், கத்தோலிக்க மதகுருமார் கள் ஆகியோர் ஆரம்பித்த இரண்டாம் நிலை பாடசாலைகளும் நல் ஒழுக்கத்திலும் கல்வியின் தரத்திலும் உயர்ந்து விளங்கின.

ஆனால், காலப்போக்கில் சனத்தொகை அதிகரிக்கும் போது காளான்க ளைப் போன்று நாடெங்கிலும், நகரங்களிலும், கிராமப் பகுதிகளிலும் அரசாங்க மற்றும் தனியார் பாடசாலைகள் தோன்றின. சுமார் 20 ஆண் டுகளுக்கு முன்னர் இலங்கையில் முதல் தடவையாக பல்தேச பாட சாலைகளும் ஆரம்பிக்கப்பட்டன. பல்தேச பாடசாலைகள் இலங்கை யில் ஆரம்பிக்கப்பட்ட பின்னரே இரண்டாம் நிலை பாடசாலைகளில் ஒழுக்கம் படிப்படியாக சீர்குலைய ஆரம்பித்தது.

இத்துடன் ஜே.வி.பி. போன்ற அரசியல் கட்சிகள் 1971ம் ஆண்டிலும் 1987,1988,1989ம் ஆண்டுகளிலும் பாடசாலைப் பிள்ளைகளையும் அர சியலில் ஈடுபட வைக்கும் ஒரு புதிய அரசியல் கலாசாரத்திற்கு வித் திட்டனர்.

அதனால் தான் 1971ம் ஆண்டில் விடலைப் பருவத்தைச் சேர்ந்த சிங்கள மாணவர்களுக்கு 5 பாடங்களைப் புகட்டி, நீங்கள் தேசப்பற்றுடன் நாட்டில் சமதர்மவாதத்தையும், சிங்களவர்களின் ஆட் சியொன்றையும் ஏற்படுத்த வேண்டுமாயின் ஆயுதம் தூக்குவது பிழை யல்ல என்ற கருத்தை பரப்பினார்கள்.

இதனால், ஏமாந்துபோன பல்லாயிரக்கணக்கான சிங்கள இளைஞர்கள் கல்கட்டா என்ற உள்ளூரில் உற்பத்தி செய்யப்பட்ட துப்பாக்கிகளை யும், உள்நாட்டில் தயாரிக்கப்பட்ட குண்டுகளையும் வைத்துக் கொண்டு 1971ம் ஆண்டு ஏப்ரல் 5ம் திகதியன்று சகல பொலிஸ் நிலையங்களை யும் தாக்க ஆரம்பித்தார்கள். இந்த புரட்சி சதியில் ஈடுபட்ட தலைவர் கள் செய்த ஒரு பிழை காரணமாக அன்றிரவே இலங்கையில் உள்ள சகல பொலிஸ் நிலையங்களையும் பிடிக்கும் முயற்சி தோல்வியடை ந்தது.

இதனால், அன்றைய பிரதம மந்திரி திருமதி. சிறிமாவோ பண்டாரநாயக்க இந்தியாவின் விமானப்படையின் உதவியை நாடி, ஓரிரு வாரங்களில் ஜே.வி.பி. புரட்சி சதியை முறியடித்தார். ஆயினும் இந்த சதி அடக் கப்பட்ட போது சுமார் 20 ஆயிரம் சிங்கள இளைஞர்கள் அநியாய மாக உயிர்த்துறக்க வேண்டிய நிலை ஏற்பட்டது.

இதையடுத்து, 1987ம் ஆண்டில் இலங்கை இந்திய ஒப்பந்தம் கைச்சாத் திடப்பட்டதை அடுத்து அன்றைய இந்தியப் பிரதம மந்திரி ராஜிவ் காந்தி சுமார் 75ஆயிரம் இந்திய அமைதிகாக்கும் வீரர்களை இங்கு வந்து இறக்கியதை அடுத்து, ஜே.வி.பியினர் மீண்டும் பாரிய மரங் களை வெட்டி வீழ்த்தியும், மின் கம்பங்களை தரைமட்டமாக்கியும் வன் முறைகளை மீண்டும் ஆரம்பித்தனர்.

இந்த வன்முறைகளில் ஜே.வி.பியினர் கொழும்பிலும், ஏனைய நகரங்களி லும் உள்ள பாடசாலைகளின் சிரேஷ்ட மாணவர்களையும் ஒன்றி ணைத்துக் கொண்டு பாடசாலைகளை பல மாதங்களுக்கு மூடிவிடுவ திலும் வெற்றி கண்டனர். அன்றைய ஜனாதிபதி ஜே.ஆர். ஜயவர்தன வின் பாதுகாப்பு அமைச்சராக விளங்கிய ரஞ்சன் விஜேரட்ன இரா ணுவ பலத்தைப் பயன்படுத்தி இந்த வன்முறைகளை அடக்கினார். இதிலும் பாடசாலை மாணவர்கள் உட்பட பல்கலைக்கழக மாணவர்க ளும் மற்றும் சிங்கள இளைஞர்களும் ஆயிரக்கணக்கில் மரணித்த னர்.

கடந்த கால அனுபவங்களில் இருந்து கற்ற பாடங்களில் இருந்து நாம் மீண்டும் பாடசாலை மாணவர்கள் வன்முறைகளில் ஈடுபடுவதற்கு முற் றுப்புள்ளி வைப்பது மிகவும் அவசியமாகும். இன்று பாடசாலை மாண வர்களின் வன்முறைகளை நாம் கட்டுப்படுத்தாவிட்டால் நாளை பாட சாலை பிள்ளைகள் வீதியில் இறங்கி எங்கள் நாட்டின் பாராளுமன்ற ஜனநாயக சுதந்திரத்தையே சீர்குலைக்கக்கூடிய வகையில் நடந்து கொள்வதற்கும் இடமிருக்கும்.

காலி வித்தியாலோக்க வித்தியாலயத்தில் வன்முறைகளுக்கு தூபமிட்ட பெற்றோரையும் மாணவர்களையும் பொலிஸ் விசாரணைகளின் மூலம் இனங்கண்டு பாடசாலைகளில் இருந்து வெளியேற்றுவதுடன் நின்றுவிடாமல் அவர்களுக்கும் சம்பந்தப்பட்ட பெற்றோருக்கும் இந்த வன்முறைகளுக்கு பின்னணியில் இருந்து செயற்பட்ட அனை வருக்கும் எதிராக உடனடி நடவடிக்கை எடுப்பது கல்வி அமைச்சினதும், அரசாங்கத்தினதும் கடமையாகும்.

இந்த சம்பவம் தொடர்பாக கல்வி அமைச்சும், பொலிஸாரும் கடுமை யான நடவடிக்கைகள் எடுத்து அவர்களை சட்டபூர்வமாக தண்டித் தால் தான் இனிமேல் பாடசாலைகளில் இதுபோன்ற வன்முறைகள் ஏற்படுவதற்கு நிரந்தரமாக முற்றுப்புள்ளி வைக்க முடியும்.

(தினகரன்)