தொழில் புரட்சியினால் மனிதகுல வரலாற்றில் ஏற்பட்ட திருப்புமுனை

தொழில் புரட்சி (Indus trial Revolution) என்பது 1750 - 1850 ஆம் ஆண்டுகளுக்கு இடைப்பட்ட காலத்தில் உலகளவில் ஏற்பட்ட மிகப்பெரிய தொழில்நுட்ப, பொருளாதார, நாகரிக மாற்றங்களைக் குறிக்கும்.

தொழில் புரட்சி முதலில் இங்கிலாந்தில் தோன்றியது. பின் னர் 19ம் நூற்றாண்டில் ஐரோப்பா எங்கும், வட அமெரிக்காவிலும் பரவியது. ஜெர்மனியில் 1871 இல் பேரரசு நிறுவப்பட்ட பின்னரும், அமெரிக்காவில் உள்நாட்டுப் போருக்குப் பின்னரும், ரஷ்யாவில் 1917 ஆம் ஆண்டுக்குப் பின்னரும் தொழில் புரட்சி தொடங்கியது. இந்தியா, சீனா போன்ற ஆசிய நாடுகளில் 20 ஆம் நூற்றாண்டில் தொழில் புரட்சி தொடங்கியது. இரண்டாம் உலகப் போருக்குப் பின்னரே உலகெங்கும் தொழிற்சாலை முறை தோன்றியது.

தொழில் புரட்சி மனித சமுதாயத் தின் பெரும் திருப்புமுனையாக அமைந்ததுடன் மனிதர்களின் அன்றாட வாழ்க்கையின் எல்லா கூறுகளிலும் ஏதாவது ஒரு வகையில் தாக்கத்தை ஏற்படுத்தியது. தொழில் புரட்சியின் காரணமாக ஒரு நாட்டின் பொரு ளாதாரம் வேளாண்மையை மட்டுமே சார்ந்து இருந்த நிலை மாறி, தொழிலகப் படைப்புகளின் பங்களிப்பும் கூடத் தொடங்கியது.

தொழில் புரட்சியின் விளைவாக தொழில்நுட்பக் கல்வி விரிவடைந்தது. பஞ்சு நூற்பாலைகளில் தொடங்கி மாந்தர்கள் கைகளால் செய்த பற்பல பணிகளை இயந்திரமயமாக்கி, பெரும் எண்ணிக்கையிலும் மலிவாகவும் பொருட்களைப் படைக்க புதுமுறைகள் உருவாக்கினார்கள். உற்பத்தித் துறை மட்டுமல்லாது அச்சுத் தொழில், வெகுஜன தொடர்பு ஊடகங்கள், போக்குவரத்து, கல்வி, மருத்துவம் முதலான பல துறைகள் பெருகி சேவை என்பது தொழில் என்ற நிலைக்கு மாறியுள்ளது.

இங்கிலாந்தில் தோன்றிய தொழில் புரட்சி மேற்கத்திய நாடுகளில் அரசியல் பொருளாதாரம், வாழ்வியல் மற்றும் தொழிற்சாலை, வர்த்தகம் ஆகியவற்றில் அடிப்படை மாற்றத்தை ஏற்படுத்தியது. தொழில் புரட்சி என்ற சொல் விவசாயம் சார்ந்த கைவினைத் தொழில் சார்ந்த உழைப்பாளிகளை மையப்படுத்திய பொருளாதார அமைப்பிலிருந்து இயந்திர உற்பத்தி, தொழிற்சாலைகள், மூலதனம், பரிவர்த்தனை போன்றவற்றை மையப்படுத்திய முறைக்கு மாறுவதைக் குறிப்ப தாகும்.

வேறுபட்ட பல்வேறு இடங்களில் புதிய கண்டுபிடிப்புகள் தோன் றியதால் இயந்திரங்கள் உருவாயின. தொழிற்புரட்சி என்ற சொல் புதிய அறிவியல் தொழில்நுட்ப மாற் றங்களை ஏற்றுக்கொண்டு செயல்பட்டு ஆலைகளில் பொருட்கள் பேரளவில் உற்பத்தி செய்ததை விளக்குவதற்குப் பயன்பட்டது. இயந்திரங்கள் உற்பத்தி முறையை முழுவதுமாக மாற்றியமைத்தன. இப்புரட்சி முழுவதுமாக பொருள் உற்பத்தியை அடிப்படையாகக் கொண்டிருந்தது. வன்முறையின்றி இரத்தமின்றி அமைதியான முறையில் தொழில் உற்பத்தியில் மாற்றத்தை ஏற்படுத்தியது. தொழில் புரட்சி என்ற சொல்லை முதன் முதலில் பிளாங்கூ என்ற பிரெஞ்சு எழுத்தாளர் உருவாக்கினார்.

தோற்றுவாய்

18ம் நூற்றாண்டின் இடைக்காலம் வரை மக்கள் தங்கள் வீடுகளிலும் பட்டறைகளிலும் தங்கள் உள்ளூர் தேவைக்கேற்ற முறையில் பொருட் களை உற்பத்தி செய்தனர். இங்கி லாந்தில் 18ம் நூற்றாண்டில் தொழில் புரட்சிக்குச் சாதகமான சூழ்நிலை நிலவியது. இங்கிலாந்து கடல் போக்குவரத்திலும் காலனியாதிக் கத்திலும் முதன்மையான உலக நாடாக விளங்கியது.

அதனுடைய கடல் வலிமையும், குடியேற்ற ஆதி க்கமும் அந்நாட்டின் தொழில் மற் றும் தொழிற்சாலைகளின் தீவிர வளர்ச்சிக்குத் தேவையான மூலப் பொருட்களையும், புதிய சந்தைகளையும் பெற்றுத்தந்தன. மேலும் கனிம வளம் போன்ற பல இயற்கை வள ங்களை பிரித்தானியா கொண்டிருந்தது. அதனுடைய கடற்கரையமைப்பு மற் றும் பருவநிலை ஆகியவை தொழிற் சாலைகளுக்குச் சாதகமாக இருந்தன.

இங்கிலாந்தின் பொருளாதார முன்னேற்றத்திற்கு தனியார்களது பெரும்பங்கும் தனிச்சிறப்பளித்தது. தொழில் புரட்சியின்போது இங்கிலாந் தில் செய்யப்பட்ட இயந்திரங்கள் தரமானதாகவும், வலிமை வாய்ந்த தாகவும் இருந்தன. ஸ்பெயின் மற் றும் பிரான்ஸிலிருந்து வெளியேறிய புராட்டஸ்தாந்து கைவினைஞர்கள் இங்கிலாந்திற்குக் குடியேறினர்.

இங்கிலாந்து அரசாங்கம் அவர்களுக்கு அடைக்கலமும் பண உதவியும் தந்து அதற்குப் பதிலாக அவர்களின் திற மையை முழுமையாகப் பயன்படுத்திக் கொண்டது. இதனால் இங்கி லாந்தில் தொழிற்சாலைகளுக்குப் புத்துணர்ச்சி ஏற்பட்டது. தேவைப் பெருக்கத்தை ஈடுகட்ட உற்பத்தியின் வேகத்தைப் பெருக்கக் கூடிய வழிவகைகள் நாடப்பட்டன. எனவே பிரித்தானியாவில் பல்வேறு இடங்களில் பெருமளவில் தொழிற் சாலைகள் ஏற்பட்டு வளர்ச்சி யடைந்தன.

ரயில் வண்டிகளை இயக்கவும், ரயில் பாதைகளை உருவாக்கவும் ஜோர்ஜ் ஸ்டீவன்சன் எடுத்த முயற்சிகள் தொழில் புரட்சியின் முக்கிய கூறுகளில் ஒன்றாக அமை ந்தன. உற்பத்திக்குத் தேவையான பொருட்களைப் பெறவும், உற்பத்தி செய்யப்பட்ட பொருட்களைப் பெறவும், சந்தைகளில் விற்கவும், தேவையான இடங்களுக்கு விரைந்து இடையூறின்றி பொரு ட்களை அனுப்பவும் இவருடைய கண்டுபிடிப்புகள் பெரிதும் உதவின. நீராவிப் பொறியின் கண்டுபிடிப் பினாலும் அதன் ஆற்றல் முதலில் நெசவு இயந்திரங்களிலும் பின்னர் இரும்பு தயாரித்தல் போன்றவற்றி லும் பயன்படுத்தப்பட்டதன் மூலமும் உற்பத்தி வெகுவாகப் பெருகியது.

முதல் தொழில் புரட்சி 18ம் நூற்றாண்டில் தொடங்கி 1850 ஆம் ஆண்டில் இரண்டாம் தொழில் புரட்சியுடன் இணைந்தது. 1850 ஆம் ஆண்டளவில் நீராவிக் கப்பல், நீராவித் தொடர்வண்டிகள் பின்னர் உள்தகன பொறிகள், மின் உற்பத்தி என்பவற்றின் அறிமுகத்தோடு தொழில் நுட்பமும், பொருளாதாரமும் வீறு கொண்டு வளர்ந்தன.

இயந்திரக் கருவிகள் இல்லாமல் தொழிற்புரட்சி நடந்திருக்க இயலாது. 18ம் நூற்றாண்டில் உருவாக்கப் பட்ட இயந்திரங்கள் இதற்கு மிகவும் உதவின. அதிலும் மரபு சார்ந்த வகைகள் என்று தற்போது வகைப் படுத்தப்படும் இயந்திரங்களான கடைசல் இயந்திரம், அலைவு மைய இயந்திரங்கள் போன்றவை பெரும் பங்கு வகித்தவை. கடைசல் இயந்திரம் தவிர்த்து அகழ் இயந்திரமும் உள் தகன பொறி, நீராவிப் பொறிபோன்ற முக்கிய பொறிகளில் துளையிடுவதற்குப் பயன்படுத்தப்பட்டன.

தொழில் புரட்சியின் தீமைகள்

தொழில் புரட்சியினால் மனிதன் இயந்திரங்களுக்கு அடிமையானான். ஆலைத் தொழிலாளிகள் இரக்கமின்றி முதலாளிகளால் சுரண்டப்பட்டனர். ஆலைகளில் வேலை நேரம் பதினான்கு முதல் பதினாறு மணி நேரம் வேறு பட்டிருந்தது. பெண்களும் சிறுவர்களும் குறைவான ஊதியம் மற்றும் பாதுகாப்பில்லாத அபாயகரமான இயந்திரங்களுக்கு அருகேயும் பணிபுரிய வேண்டியிருந்தது. வேலையில்லாத் திண்டாட்டம் ஒரு தீவிர பிரச்சினையாக ஆனது. மக்கள் செயற்கை வாழ்க்கை வாழ்த்துவங்கினர்.

தொழில் புரட்சியானது நன்மை, தீமை இரண்டையும் உள்ளடக்கியது. ஆனால் அதன் விளைவுகள் நிறைவேற நீண்டகாலம் ஆனது. தொழில் புரட்சி ஒரு வரமல்ல தொழிற்சாலைக ளின் அமைப்பும் செயல்பாடும் பல தொழிலாளர்களின் மகிழ்ச்சியையும் மரியாதையையும் முடிவுக்குக் கொண்டு வந்தது. மனித குலத்திற்கு நல்ல வசதி, வாய்ப்புகளை வழங்கிய குடிசைத் தொழில்களை முடிவுக்குக் கொண்டு வந்தது. சுருக்கமாகக் கூறின். இன்றைய நவீன உலகத்தை தொழில் புரட்சியே உருவாக்கியது எனலாம்.