தமிழ் தேசியக் கூட்டமைப்பு பாராளுமன்ற தெரிவுக்குழுவில் கலந்து கொள்வது அவசியம்

30 ஆண்டு கால பயங்கரவாத யுத்தத்தை ஒழித்துக்கட்டி மக்களை பயங்கரவாதிகளின் பிடியில் இருந்து விடுவித்த ஜனாதிபதி மஹிந்த ராஜபக்ஷ அவர்கள் யுத்தத்தினால் பாதிக்கப்பட்ட இந்நாட்டு மக்கள் அனைவரதும் வேதனை வடுக்களை நீக்கி, அவர் களுக்கு மீண்டும் நிரந்தரமான நல்வாழ்வை பெற்றுக் கொடுக்கும் பெரு முயற்சியில் இன்று இறங்கியிருக்கிறார். யுத்தம் முடிவடைந்த பின்னர் அரச படைகள் உள்ளூரில் இடம் பெயர்ந்த மக்களை கொடுமைப்படுத்தியதாகவும், அப்பாவி இளை ஞர்களை மட்டுமன்றி வயது வந்தவர்களை கூட ஈவிரக்கமற்ற முறையில் சுட்டுத்தள்ளியதாகவும் சர்வதேச ரீதியில் இலங்கை அரசாங்கத்திற்கும் அரசாங்க தலைவர்களுக்கும் எதிராக போலிக் குற்றச்சாட்டுகள் சுமத்தப்பட்டன.

இந்த ஆதாரமற்ற குற்றச்சாட்டுகளை வைத்துக் கொண்டு சில சர்வ தேச அமைப்புகளும், ஐக்கிய நாடுகள் மனித உரிமை பேரவை யும் இலங்கையை குற்றவாளி கூண்டில் அமர்த்தி கண்டனக் குரல் எழுப்பி, தண்டிப்பதற்கு எடுத்த முயற்சிகளும் குற்றம் இழைக்காத ஒரு நாட்டையோ அல்லது அந்நாட்டுத் தலைவர்களையோ தண்டி க்க முடியாது என்ற இயற்கை நீதி இலங்கையின் சார்பில் இருந்த காரணத்தினால் நம்நாட்டுக்கு எதிரான சர்வதேச அழுத்தங்கள் பய னளிக்காமல் பிசுபிசுத்து போய்விட்டன.

இதனால் தான் சில மாதங்களுக்கு முன்னர் ஜெனீவா மனித உரிமைப் பேரவை கூட்டத்தொடரில் இலங்கை சம்பந்தமான பிரேரணை நிறை வேற்றப்பட்ட போதிலும் அதனால் எங்கள் நாட்டுக்கு எவ்வித அழுத்தங்களோ, பாதிப்போ ஏற்படவில்லை.

விரைவில் மீண்டும் ஜெனீவாவில் நடைபெறும் மனித உரிமைகள் பேரவையின் மகாநாட்டில் இலங்கையில் யுத்த காலத்தில் நடைபெற்ற தனது நிலையை ஆதாரபூர்வமாக விளக்கிக் கூறி, நாம் மனித உரிமை மீறல்களிலோ, யுத்தக் குற்றச் செயல்களிலோ ஈடுபடவில்லை என் பதை நிரூபிக்கக்கூடிய நிலையில் இருக்கிறதென்று வெளிவிவகார அமைச்சின் செயலாளர் கருணாரத்ன அமுனுகம தெரிவித்திருக்கிறார்.

இன்று எங்கள் நாட்டு மக்களும் அரசியல்கட்சிகளும் அரசியல்வாதி களும் குறிப்பாக ஊடகவியலாளர்களும் நாட்டை மீண்டும் அழிவுப் பாதையில் இட்டுச் செல்வதா? அல்லது கடந்த கால துன்ப துயரங் களை மறந்து, புதியதோர் வாழ்க்கையை ஆரம்பிப்பதற்கான நல்ல தோர் பாதையில் மக்களை அழைத்துச் செல்வதா என்ற அதி முக்கிய தீர்மானத்தை எடுக்க வேண்டிய கடப்பாட்டினை கொண்டி ருப்பது இங்கு அனைவரும் கவனத்தில் எடுத்துக் கொள்ள வேண் டிய விடயமாகும்.

எந்நேரமும் ஒரு சாரார் இன்னொரு சாரார் மீது குற்றங்களை சுமத்திய வண்ணம் அரசியல் இலாபம் திரட்டும் அரசியல் கலாசாரத்திற்கு முற்றுப்புள்ளி வைத்து, நாம் எல்லோரும் இந்நாட்டு மக்கள் என்ற தேசப்பற்று உணர்வுடன் செயற்படுவது அவசியமாகும்.

இந்த நல்ல தோர் முடிவை எடுப்பதற்கு அரசியல்வாதிகளுக்கும் அரசியல் கட்சிகளுக்கும் சமூகத்தலைவர்களுக்கும் சிறந்த முன்னோடிகளாக ஊடகவியலாளர்கள் விளங்கி அவர்களுக்கு உண்மையை எடுத்து ரைத்து தங்கள் தவறான சுயநலப் போக்கை கைவிடச் செய்வதற்கு தங்களாலான சகல முயற்சிகளையும் எடுப்பது அவசியமாகும்.

இந்த சந்தர்ப்பத்தில்தான் இந்நாட்டுத் தமிழர்களின் பேராதரவு தங்களு க்கே இருக்கிறது என்ற மனப்பான்மையுடன் தாங்கள் செய்வதெல் லாம் சரி என்று நினைத்துக் கொண்டிருக்கும் தமிழ் தேசிய கூட்ட மைப்பினரும் இன்றைய நிலையில் எது அவசியம் என்பதை புரிந்து கொண்டு நல்லதோர் முடிவை எடுப்பது அவசியமாகும்.

எடுத்ததற்கெல்லாம் எதிர்ப்பு, பகிஷ்கரிப்பு, நீதிமன்றத்தில் எதிர்ப்பு மனுத்தாக்கல் செய்தல் போன்ற செயற்பாடுகளை தவிர்த்துக் கொண்டு இந்நாட்டு மக்களின் நல்வாழ்வுக்காக தமிழ் தேசிய கூட்டமைப் பினர் மதி நுட்பத்துடனும் தீர்க்க தரிசனத்துடனும் நடந்து கொள்ள வேண்டும்.

இந்நாட்டில் பெரும்பான்மையான தமிழ் மக்கள் யுத்தத்தையோ, சண்டை சச்சரவுகளையோ, இனப்பூசல்களையோ மனப்பூர்வமாக எதிர்த்து வெறுக்கிறார்கள். தமிழ் மக்களின் ஒரே விருப்பம் சமாதானமும் நிம்மதியான வாழ்க்கையுமேயாகும்.

எனவே, மக்களின் உணர்வு களை புரிந்து கொண்டு தமிழ் தேசிய கூட்டமைப்பினர் நாட்டின் இனப்பிரச்சினைக்கு தீர்வு காண்பதற்காக நியமிக்கப்பட்டுள்ள பாராளு மன்ற தெரிவுக்குழு கூட்டத்தில் கலந்து கொண்டு தங்கள் நிலைப் பாட்டை எடுத்துரைத்து தங்கள் கருத்துக்களுக்கு ஆதரவாக வாதங்களை முன்வைக்க வேண்டும்.

இதுவே ஜனநாயக பாராளுமன்றத்தின் சிறப்பம்சமாகும். இவ்விதம் தமிழ் தேசியக் கூட்டமைப்பினர் பாராளுமன்ற தெரிவுக்குழு கூட் டத்தில் கலந்து கொண்டால் தமிழர் பிரச்சினைக்கு கூடிய விரை வில் தீர்வொன்றை ஏற்படுத்துவதற்கான வாய்ப்பும் இருக்கும்.

பாராளுமன்ற தெரிவுக்குழு எடுக்கும் எந்த முடிவையும் நான் நிறை வேற்ற தயக்கம் காட்ட மாட்டேன் என்று ஜனாதிபதி மஹிந்த ராஜபக்ஷ அவர்கள் தெரிவித்த உறுதி மொழியை தமிழ் தேசிய கூட்டமைப்பினரும், ஹெல உறுமய போன்ற ஒருதலைப் பட்ச கொள்கையை கடைப்பிடிக்கும் கட்சிகளும் ஜே.வி.பியும் நம்பி பாராளு மன்ற தெரிவுக்குழு கூட்டத்தில் கலந்து கொள்ள வேண்டும்.

நம் நாட்டு அரசியல் கட்சிகள் அனைத்தும் இவ்விதம் நாட்டின் நன்மை க்கு முக்கியத்துவம் அளித்து செயற்பட்டால் நிச்சயம் எங்களுக்கு இனப்பிரச்சினை மட்டுமல்ல, மேலும் தீர்க்க முடியாத பல பிரச்சினை களை தீர்த்துக் கொள்வதற்கு ஒரு சாதகமான சூழ்நிலை உருவாகும்.

(தினகரன்)