புலிகளிடம் இழந்த நகைகளை மக்கள் மீளப்பெறும் வாய்ப்பு

புலிகளிடமிருந்து மீட்கப்பட்ட தங்க நகைகளை உரியவர்களி டம் கையளிக்கும் நடவடிக்கைகள் ஆரம்பிக்கப்பட்டுள்ளன. பாதுகாப்புப் படையினர் இதற்கான பணிகளை தீவிரமாக முன்னெடுத்து வருகின்றனரென தெரிய வருகிறது. கடந்த 12 ஆம் திகதி (12.10.2014) கிளிநொச்சிக்கு விஜயம் செய்த ஜனாதிபதி மஹிந்த ராஜபக்ஷ அவர்கள், சுமார் 20 ஆயிரம் பேருக்குக் காணி உறுதிகளை வழங்கினார். இங்கு சகலரையும் திகைப்படையச் செய்யும் வகையில் ஒரு நிகழ்வு இடம்பெற்றது. புலிகளிடம் நகைகளைப் பறிகொடுத்து அடையாளம் காணப்பட்ட சிலருக்கு ஜனாதிபதி நகைகளை மீளக்கையளித்தார். ஜனாதி பதியிடம் மேடையில் நகைகளைப் பெற்றுக் கொண்டவர்கள் மிக வும் மகிழ்ச்சி பொங்கியவர்களாக ஜனாதிபதியின் கரங்களை இறுகப்பற்றி உணர்வுகளை வெளிப்படுத்தினர். புலிகள், வன்னிப்பிரதேசத்தை தங்களது கட்டுப்பாட்டின் கீழ் வைத் துக்கொண்டு நிழல் அரசாங்கமொன்றை சட்டவிரோதமாக நடத்தி னர். இங்கு சட்டவிரோதமாகச் செயற்படுத்தப்பட்ட தமிழீழ வங்கி களிலும் அடகு நகை நிலையங்களிலும் ஏராளமான நகைகள் வைக்கப்பட்டிருந்தன.

பாதுகாப்புப் படையினர் மேற்கொண்ட மனி தாபிமான நடவடிக்கையின் போது பாதுகாப்புப் படையினரால் பாதுகாப்பாக மீட்கப்பட்ட அந்த நகைகள் அடகு வைக்கப்பட்டி ருந்த ஆவணங்களுடன் அட்டவணைப்படுத்தப்பட்டு பாதுகாப் புப் படையினரால் மிகவும் பக்குவமாக களஞ்சியப்படுத்தப்பட்டு வைக்கப்பட்டிருந்ததாக உத்தியோகபூர்வமாக அறிவிக்கப்பட்டுள் ளது. ஜனாதிபதி மஹிந்த ராஜபக்ஷ அவர்களின் பணிப்பின் பேரில் படை யினரால் மீட்கப்பட்ட தமிழ் மக்களின் நகைகளை உரியவர்களி டம் மீளக் கையளிக்கும் நடவடிக்கைகள் இப்போது துரிதமாக்கப் பட்டிருக்கின்றன. எல். ரீ. ரீ. ஈ.யின் கட்டுப்பாட்டுப் பிரதேசங்களி னுள் இருந்த மக்கள் கடும் அடக்குமுறைக்கு உட்பட்ட நிலையில் வசித்தனர்.

வெளித்தொடர்புகள் துண்டிக்கப்பட்டு பூட்டிய அறைக் குள் வைக்கப்பட்டிருந்தவர்கள் போலவே அந்த மக்கள் இருந்தார் கள் என்பது உண்மை. மனிதாபிமான நடவடிக்கையின் மூலம் மக்கள் பாதுகாப்பாக மீட்கப்பட்டதோடு, புலிகளின் சொத்துக்க ளும் முடக்கப்பட்டன. 2009 ஆம் ஆண்டு படையினரின் மனிதாபிமான நடவடிக்கை வெற் றிகரமாக நிறைவடைந்ததோடு, புலிகளின் பிடியினுள் சிக்கியிரு ந்து மீட்கப்பட்ட மக்களின் மீள்குடியேற்ற நடவடிக்கைகளுக் கான அனைத்து பணிகளும் முன்னெடுக்கப்பட்டன. மனிதாபிமான நடவடிக்கையின் பின்னர் மக்கள் மீள்குடியேற்றப் பட்டிருந்தாலும் தங்க நகைகளின் உரிமையாளர்களை அடை யாளங் கண்டுகொள்வதில் பாதுகாப்புப் படையினர் விசேட நடவடிக்கைகளில் ஈடுபட்டனர். ஜனாதிபதியின் பணிப்பின் பேரில் இதற்கான பணிகள் முன்னெடுக்கப்பட்டிருந்ததோடு சுமார் 2,377 பேர் அடையாளங் காணப்பட்டனர்.

மீட்கப்பட்டிருந்த நகைகள் தொடர்பில் அரசாங்கத்தின் மீதும் பாது காப்புப் படையினர் மீதும் பல்வேறு குற்றச்சாட்டுக்கள் முன்வைக் கப்பட்டன. புலிகள் சார்பு அமைப்புக்கள், மேற்குலக ஆதரவு குழுக்கள் மற்றும் எதிர்க் கட்சிகள் இந்தக் குற்றச்சாடுக்களை அரசியலுக்கு பயன்படுத்தின. அத்தனை குற்றச்சாட்டுக்களும் வெறும் பொய்யென்பது கடந்த 12 ஆம் திகதியுடன் நிரூபிக்கப் பட்டுள்ளது. கிளிநொச்சியில் வைத்து நகைகளை ஜனாதிபதி சம்பிரதாய பூர்வமாக உரியவர்களிடம் ஒப்படைத்ததும் முழு உலகமும் அதிர்ச்சி யடைந்ததென்றுதான் கூற வேண்டும். இலங்கை மீது அவ தூறுப் பிரசாரம் செய்தவர்கள் வெட்கித் தலை குனியும் அளவுக்கு ஜனாதிபதியின் செயற்பாடுகள் இருப்பதாக வெளிநாட்டு இராஜதந் திரிகள் கூறுகின்றனர்.

இன்னும் நகைகள் எஞ்சியிருப்பதாக பாதுகாப்புப் படையினர் அறி வித்துள்ளனர். இவைகளையும் மீளக்கையளிக்க பணிக்கப்பட்டுள் ளது. என்றாலும், உரியவர்களை அடையாளம் காண்பதில் சற்று தாமதத்தை ஏற்படுத்தியிருக்கிறது. என்றாலும் யாழ்ப்பாணம், மன் னார். முல்லைத்தீவு. வவுனியா, கிளிநொச்சி ஆகிய ஐந்து மாவட் டங்களிலும் வசிக்கும் மக்களிடம் பாதுகாப்புப் படையினர் பணி வான வேண்டுகோளை விடுத்துள்ளனர்.

புலிகளிடம் நகைகளை வைத்தவர்கள் உரிய ஆவணங்களைச் சமர்ப் பித்தால் மீளக் கையளிப்பதற்கு நடவடிக்கை எடுக்கப்படும் என அறிவிக்கப்பட்டுள்ளது. இதற்காக மேற்கூறிய ஐந்து மாவட்டங் களிலுமுள்ள சிவில் இணைப்பு அலுவலகங்களில் ஆவணங் களைச் சமர்ப்பிக்க ஏற்பாடு செய்யப்பட்டுள்ளது. ஒரு விடயத்தை நாம் இங்கு சுட்டிக் காட்ட வேண்டும். புலிகளிடம் நகைகளைப் பறிகொடுத்தவர்கள் சரியான ஆவணங் களைச் சமர்ப்பித்தால் உரிய நேரத்துக்கு உங்கள் நகைகளை மீளப்பெற முடியும். தாமதித்தால் அல்லது ஆவணங்கள் இல்லாத நகைகள் யாவற்றையும் மத்திய வங்கியிடம் ஒப்படைப்பதற்கு அரசாங்கம் நடவடிக்கை எடுத்துள்ளது. ஆகவே, வட மாகாணத்திலுள்ள மக்கள் அந்த வேண்டுகோளை அலட்சியப்படுத்தாமல் செயற்படுவது தான் நல்லது.

(தினகரன்)