போலிச் சித்தாந்தமும் கலையரசனும்

(இரகு கதிரவேலு)

{இரகு கதிரவேலு, கலையரசன் என்ற தனி நபர்கள் கருத்தியலுக்கு அப்பால் இக் கட்டுரையில் ஒரு சமூகப் பார்வை புதைந்துள்ள. இதன் அடிப்படையில் இந்தக் கட்டுரையை பிரசுரிக்கின்றது சூத்திரம் இணையத் தளம் – சாகரன்}

கலையரசன் தான் ஒருகொம்மியூனிச வாதியாகக் காட்டிக்கொண்டு அதற்கு முரணாக எழுதிக்கொண்டிருக்கிறார்.. தனது.தந்தையார் புலிகளின் அரசியல் ஆர்வலராக வன்னியில் செயற்பட்டதாகவும் குறிப்பிட்டிருக்கிறார். தொடர்ந்து முள்ளிவாய்க்காலில் தமிழினப்படுகொலை, பேரினவாத அரசு.பாசிச அரசு என்றெல்லாம் சிங்கள மக்களையும் அரசாங்கத்தையும் விமர்சித்து எழுதிக்கொண்டிருக்கிறர். தமிழர்கள் தமிழர்களால் நசுக்கப்பட்டதும், நசுக்கப்பட்டுக்கொண்டு வருவதும் இவருக்குப் புலப்படவில்லை.

இவருடைய தந்தையாரின் பெயர் “சின்னர் தருமலிங்கம்” சின்னர் என்பது தாழ்த்தப்பட்ட சாதிகளுக்கு வேளாளத் தேசியவாதிகளால் அன்றைய காலத்தில் வழங்கப்பட்ட இடுகுறிப்பெயர். அன்றைய காலத்தில் விதானைமார்களாக சாதிவெறிபிடித்த வேளாளர்கள் மட்டும்தான் இருந்தனர். தாழ்த்தப்பட்ட மக்களை அடிமைகளாகவும் அவர்களைக் கல்வி கற்க விடாமல் தங்களுக்குச் சேவகம் புரிய மட்டும் வைத்துக் கொண்டனர். தாழ்த்தப்பட்ட சமூகத்தில் பிள்ளைகள் பிறந்தால் வேளாள விதானைமார்களே அவர்களூக்குப் பெயர்களையும் சூட்டினர். நாகன், பூதன், செல்லன் ,வேலன்,கந்தன்,கதிரன், சின்னன், பொன்னன்,சின்னான், வையிரவன், வைரவி,முத்தன்,ராமன், என்று ஆண்களுக்கும் பெண்களூக்கு வள்ளி, பொன்னி, நாகி, முத்தி, செல்லி, லச்சுமி, கதிரி, சீதவி, ராமி,வள்ளி, என்று இடுகுறிப் பெயர்களைச் சூட்டி அவர்கள் தழ்த்தப்பட்ட சாதிகள் என்று அடையாளம் காணக்கூடியதாக அழைத்துக் கொண்டனர். காலப்போக்கில் அன்றைய சிங்களத் தலைவர்கள் தாழ்த்தப்பட்ட மக்களை விழிப்புறச் செய்தனர். பல தமிழர்களும் போராட்டம் செய்தனர். பஸ்களில் கீழே இருந்து பிரயாணம் செய்த தாழ்த்தப்பட்டவர்கள் சிங்களத் தலைவர்களின் நடவடிக்கையினால் பஸ்களில் ஆசனங்களில் இருந்து இருந்து பயணம் செய்ய முடிந்தது. தேனீர்க்கடைகளில் தாழ்த்தப்பட்டவர்கள் போத்தல்களில் தேனீர் குடித்த நிலைமையும் மாறியது. இப்படி பல வரலாறுகளை எழுதிக் கொண்டே போகலாம்.

சின்னர் தருமலிங்கம் கலையரசனின் தந்தையார் பெயர். ஆனால் கலையரசனுக்கு தந்தையார் காலத்து வரலாறு தெரியவில்லை. சிங்களப் பேரினவாதம் என்று எழுதிக்கொண்டிருக்கிறார். உதயன் பத்திரிகையில் கலையரசனின் தந்தையாரின் 31ம் நாள் அஞ்சலியில் அவரின் தந்தையாரின் பெயர் சின்னையா தருமலிங்கம் என்று எழுதப்படிருக்கிறது. காரணம் சின்னர் என்று எழுதினால் தாங்கள் தாழ்த்தப்பட்டவர்கள் என்று தெரிந்துவிடும் என்ற அச்சத்திலேயே சின்னர் என்பதற்குப் பதிலாக சின்னையா என்று குறிப்பிட்டுள்ளனர். அவர்களைச் சொல்லிக் குறையில்லை. அப்படி எழுத வேண்டிய நிலைமையில் அவர்கள் இருக்கிறார்கள்.இந்த அனுபவம் பலருக்கு உண்டு. ஏன் எனக்கும் உண்டு. எனது பேரனாரின் பெயர் வயிரவன் ஆனால் விண்ணப்பங்கள் நிரப்பும்போது வயிரவன் என்று எழுதாமல் வைரவப்பிள்ளை என்று எழுதும் நிலைக்கு ஆளானோம். எனது அயல் வீட்டுப் பிள்ளைகளும் இந்த நிலைக்கு ஆளானார்கள். சின்னார் என்ற பேரனாரின் பெயரை சின்னையா என்றே எழுதினார்கள்.

ஒரு தடவை எனது தந்தையாருடன் கல்வி கற்பிக்கும் ஆசிரியரைச் சந்திக்க அவர் வசிக்கும் நவற்கிரி என்ற கிராமத்திற்குச் சென்றேன். அவரின் வீடு தெரியாததால் அங்கு நின்ற ஒருவரிடம் செல்வராசா ஆசிரியரின் வீடு எது என்று கேட்டபோது அவர் தனக்குத் தெரியாது. அப்படி ஒரு ஆள் இங்கு இல்லையே என்றுவிட்டார். அவர் இந்த வீதியில்தான் இருப்ப்பதாகச் சொன்னார் . இன்ன பாடசாலையில் கல்வி கற்பிக்கிறார். என்று சொன்ன போது அட உவன் செல்லன். உதுதான் வீடு என்று காட்டினார். அந்த மனிதருக்குச் செல்வராசா என்ற பெயர் சொல்லி அழைப்பதில் விருப்பமில்லை. அவர் ஒரு சாதி வெறி பிடித்த வெள்ளாளன் என்று பிறகு தெரிந்தது. இதன் காரணமாகத்தான் அக்காலத்தில் வேலுப்பிள்ளைக்குப் பதிலாக வேலன் என்றும் கந்தசாமி என்பதற்குப் பதிலாக கந்தன் என்றும், நாகராசா என்பதற்கு நாகன் என்றும், ராமலிங்கம் என்பதற்குப் பதிலாக ராமன் என்றும் அக்கால வேளாள விதானைமார்கள் தாழ்த்தப்பட்ட மக்களுக்குப் பெயர் சூட்டினார்கள். தாழ்த்தப்பட்ட மக்கள் அன்று விழித்தெழ உதவியவர்கள் பண்டாரநாயக்க, என்.எம். பெரேரா போன்ற சிங்களத் தலைவர்கள் கை கொடுத்தார்கள் என்பதை கலையரசன் உணர்ந்து கொள்ளவேண்டும். கலையரசன் சிங்களப் பேரினவாதம் என்று தொடர்ந்தும் எழுதிக்கொண்டிருக்கிறார்.

மகிந்தவின் அரசால் தாழ்த்தப்பட்ட மக்கள் காப்பாற்றப்பட்டிருக்கிறார்கள். முள்ளி வாய்க்காலில் மகிந்த முடிவு கண்டிராவிட்டால் ஒடுக்கப்பட்ட மக்களின் பிள்ளைகள் மாவீரார்களாக மட்டும்தான் மாறியிருக்க முடியும். இன்று தாழ்த்தப்பட்ட மக்களின் பிள்ளைகள் கல்வியில் முன்னேற்றம் கண்டு பல நல்ல பதவிகளைப் பெற்றுக்கொண்டு வருகிறார்கள். உடுப்பிட்டி மகளிர் கல்லூரியில் தாழ்த்தப்பட்ட சமூகத்தைச் சேர்ந்த பெண் அதிபராக வரத் தடையாக இருப்பது சிங்களவர்கள் அல்ல. தமிழர்களே. அதனால் கலையரசன் அவர்களே உங்களை அவமானப்படுத்தும் நோக்கில் நான் இதை எழுதவில்லை. நீங்கள் தொடர்ந்தும் இலங்கை அரசுக்கு எதிராக எழுதுவது ஏற்புடையதல்ல. தாழ்த்தப்பட்ட மக்களுக்கு தமிழ்த் தேசியமும். ஈழமும் அவசியமில்லை என்பதே என் கருத்து.

கட்டுரை சம்மந்தமாக வாசத்தவர்களின் கருத்துக்கள்:

…..மாவிட்டபுரம் ஆலயப் பிரவேச காலத்தில் தமிழர்களளின் தந்தை செல்வநாயகம் "அது இந்துக்களின் பிரச்சனை" என்று சொல்லி தன்னை கழட்டிக் கொண்டார். அந்தக் கால கட்டத்தில் அமிர்தலிங்கம் அந்த ஆலயப் பிரவேசப் பிரச்னையை "வியட்னாம்" பிரச்சனை என்று பாராளுமன்றத்தில் நையாண்டி செய்தார். கம்யூநிச்ட்டுக்களும், இடதுசாரிகளுமே தாழ்த்தப்பட்ட மக்களின் சமத்துவத்துக்கேதிராக போராடினார்கள். கத்தோலிக்க/கிறிஸ்தவ பாதிரிகள் அந்த நேரத்தில் செல்வநாயகத்தின் பின்னே நின்றார்கள்………

….யாழ்ப்பாணத்து சாதிப் பிரச்சனையே ஒரு விநோதமானது. கிறிஸ்தவனாக மாறிய செல்வநாயகத்தின் மூதாதைகள் "பறையர்கள்" என்பதும் அவர்கள் கல்வி கற்று வசதியாக வந்தவுடன் வெள்ளாளர் ஆகி விட்டனர். அப்படிப் பல தாழ்த்தப்பட்டவர்கள் பணக்காரர்களாகி வெள்ளாளர் ஆகியுள்ளனர். கோவியர் என்ற தாழ்த்தபட்ட சாதியினர் இன்று வெள்ளாளர் ஆகியுள்ளனர். அவர்கள் சிங்களவர்களாக இருந்து தமிழர்களாக மாறியவர்கள்………