உயர்கல்வித்துறையில் கேரளத்தின் சாதனைகள்

(கி. இலக்குவன்)

உயர்கல்வித்துறையில் முரண் பாடற்றதும் பல விதங்களிலும் வெற்றி பெற்றுள்ளதுமான ஒரு உயர்கல்விக் கொள்கையைக் கடைப்பிடிக்கும் ஒரே மாநிலமாக இந்திய மாநிலங்கள் அனைத்திலும் கேரளமாநிலமே திகழ் கிறது. அம்மாநிலத்தின் இளைஞர்கள் மற்றும் யுவதிகளில் 18 சதம் பேருக்கு அது உயர்கல்வியை அளித்து வருகி றது. இது தேசிய சராசரியைப்போல இரண்டு மடங்காகும். நூறு விழுக் காடு எழுத்தறிவின்மையைப்பெற்ற மாநிலமும் இதுவே. கேரள மாதிரி என்று அழைக்கத்தக்கஅதன் உயர் கல்விக் கொள்கையானது வேறு மாநி லங்களுக்கு எந்த அளவு பொருந்தக் கூடியது என்பதைப் பரிசீலிக்க வேண்டியுள்ளது.

இந்திய சூழலில் உயர்கல்வி குறித்த கேரள அணுகுமுறை தனிச்சிறப்பு வாய்ந்தது. மாநிலத்தின் உயர்கல்வி அமைப்புக்கான முழுசெலவும் மேற் பார்வையும் ஒருகட்டத்தில் மாநில அரசாலேயே செய்யப்பட்டு வந்தது. கடந்த பத்தாண்டுகளில் குறிப்பாக இதில் மாற்றம் ஏற்பட்டு வருகிறது. நிதித்தட்டுப்பாடும், ஆண்டு வரவு-செலவில் ஏற்பட்ட இடையூறுகளும் பல்கலைக்கழகங்களின் முன்னுரி மைகளில் மாற்றங்களைச் செய்ய வேண்டிய கட்டாயத்தை ஏற்படுத்தி யுள்ளன. இத்துறையில் மத்திய அர சாங்கம் விதிவிலக்கான சில அம்சங் களைத்தவிர கேரளத்தை புறக்க ணித்தே வந்துள்ளது. ஆனால் ஒவ் வொரு மாநிலத்திலும் ஒரு மத்திய பல் கலைக்கழகத்தை அமைப்போம் என்று அளிக்கப்பட்ட உறுதிமொழிக் கேற்ப மாநிலத்தின் வடபகுதியில் ஒரு ஒதுக்குப்புறமான இடத்தில் மத்திய பல்கலைக்கழகம் ஒன்றை அமைக்க மத்திய அரசு திட்டமிட்டுள்ளது. அந்த இடம் ஏன் தேர்ந்தெடுக்கப்பட்டது என்பது உயர்கல்வித்துறை வல்லுநர் களுக்கு புரியாத புதிராக உள்ளது. கல்வி மற்றும் நகர்ப்புற மையங்களிலிருந்து வெகு தொலைவிலுள்ள இந்த நிறுவனம் வெற்றி பெறுவதற்கான சாத்தியம் இல்லை.

தான் கடைப்பிடித்துவரும் சமத்துவக்கோட்பாட்டுக்கு ஏற்ப அனைத்துப் பல்கலைக்கழகங்களுக்கும் சமமான ஆதரவையே கேரள அரசு அளித்துவருகிறது என்பதுடன் எந்த வொருபல்கலைக்கழகத்தையும் முன் மாதிரி பல்கலைக்கழகமாக அது அடையாளம் காட்டவில்லை. இதன் காரணமாக தேசிய அளவிலோ அல்லது சர்வதேசஅளவிலோ புகழ் பெற்ற பல்கலைக்கழகமாக எந்த பல்க லைக்கழகமும் அறியப்படவில்லை. இதில் கொச்சியிலுள்ள அறிவியல் மற்றும் தொழில் நுட்பப் பல்கலைக்கழகத்தை ஒரு விதிவிலக்காகக் குறிப்பிடலாம். இதனை ஒரு மிகச்சிறந்த நிறுவனமாக ஏற்றுக்கொண்ட மத்திய மனித வளத்துறை இதனை ஒரு இந்திய தொழில் நுட்பக்கழகத்தின் (ஐஐடி)அந்தஸ்துக்கு உயர்த்த ஒப்புக் கொண்டது. ஆனால் இதனை அவ்வாறு மாற்றுவதற்கு எதிர்ப்புத்தெரிவித்து நடத்தப்பட்ட இயக்கம் காரணமாக அந்த ஆலோசனையை கிடப்பில் போடும் முடிவை சம்பந்தப்பட்ட அதிகாரிகள் எடுத்துவிட்டனர். மாநிலத் தலைநகரான திருவனந்தபுரத்தில் இந்திய அறிவியல் மற்றும் தொழில் நுட்பக்கழகம் மத்திய அரசாங்கத்தால் நிறுவப்பட்டுள்ளது. ஸ்ரீசித்திரைத் திரு நாள் மருத்துவ அறிவியல் மற்றும் தொழில் நுட்பக்கழகம் மற்றொரு விதி விலக்காகும். பல்கலைக்கழக அந் தஸ்தைக்கொண்ட இப்பல்கலைக் கழகம் சிறப்பு மருத்துவ பிரிவுகளில் முனைவர் பட்ட மேற்படிப்பு, முனை வர்பட்டம் மற்றும் பட்டமேற்படிப்பு பட் டயம் போன்றவற்றை வழங்கி வரு கிறது. இது இந்திய அரசாங்கத்தின் அறிவியல் மற்றும் தொழில் நுட்பத் துறையின் கட்டுப்பாட்டில் உள்ளது. 2008ம் ஆண்டில் திருவனந்த புரத் தில் அமைக்கப்பட்ட இந்திய அறிவி யல் கல்வி மற்றும் ஆராய்ச்சிக் கழகத் தை தேசிய அளவில் முக்கியத்துவம் வாய்ந்த நிறுவனமாக எடுத்துக் கொள் ளலாம். இது மத்திய அரசாங்கத்தின் மனித வளர்ச்சித் துறையுடன் இணைக்கப்பட்ட தன்னாட்சி நிறு வனமாக இயங்கி வருகிறது. உயர்ந்த தரத்தைக் கொண்ட அந்நிறுவனங் களுக்குள் நெருக்கமான பிணைப்பு களை ஏற்படுத்தினாலோ அல்லது அவை ஒன்றிணைக்கப்படுமானாலோ உலகத்தரம் வாய்ந்த ஒரு அறிவியல் நிறுவனத்தை உருவாக்க முடியும்.

அமெரிக்காவின் மோனான் பல் கலைக்கழகப் பேராசிரியர் பிலிப்.ஜி. ஆல்பக் மற்றும் கேரள உயர்கல்வித் துறைக் குழுவைச்சேர்ந்த ஆராய்ச் சித்துறை அதிகாரியான எல்தோ மாத் தியுசும் இணைந்து எழுதி 2-09-2010 நாளிட்ட இந்து நாளிதழில் வெளி யிடப்பட்ட கட்டுரையில் இடம் பெற்ற கருத்துக்களே மேலே மேற்கோள் காட்டப்பட்டுள்ளன.

கேரள கல்வித்துறை பற்றிய ஒரு விரிவான சித்திரத்தை அளிக்கும் அக் கட்டுரையில் வேறு சில தகவல்க ளும் இடம் பெற்றுள்ளன. உயர்கல்விப் பிரச்சனை குறித்து ஆய்வு செய்யவும், அரசாங்கத்துக்கு ஆலோசனை வழங்கவும், உயர்கல்வி குறித்த ஒரு விவாத மேடையாக செயல்படவும் கேரள மாநில உயர்கல்விக்குழு அமைக்கப்பட்டுள்ளதாகக் குறிப்பி டும் அவர்கள் பின்வரும் முக்கிய கருத் தையும் தெரிவித்துள்ளனர். இந்திய தரத்தின் அடிப்படையில் ஏற்றுக் கொள்ளத்தக்க ஒரு தரமான உயர் கல்வியை தனது மக்கள் தொகையின் குறிப்பிடத்தக்க பெரிய பிரிவினருக்கு கேரளமாநிலம் ஆர்ப்பாட்டமற்ற முறை யில் வழங்கியுள்ளது. அரசாங்கமும், பரவலான பகுதி மக்களும் அக்கறை எடுத்துக்கொண்டுள்ள பிரச்சனை யாக உயர்கல்வி இருந்து வருகிறது என்று அவர்கள் குறிப்பிட்டுள்ளனர்

கேரளமாநிலத்தில் காங்கிரஸ் கட்சியும், இடது ஜனநாயக முன்னணி யும் மாறிமாறி ஆட்சியில் இருந்து வந் துள்ளன என்ற போதிலும், உலகமயக் கொள்கையினை கண்மூடித்தன மான முறையில் ஆதரித்துவரும் காங் கிரசின் தலைமையிலான ஐக்கிய ஜன நாயக முன்னணி கல்வியை வணிக மயமாக்கும் விதத்திலேயே செயல்பட் டுள்ளது. ஆனால் சமத்துவக்கொள் கையில் நாட்டமும், ஏழை எளிய மாணவர்களின் கல்வி மேம்பாட்டில் தனிக்கவனமும் செலுத்தி வரும் கேரளமாநிலம், உயர்கல்வித்துறை யில் எட்டியுள்ள சாதனைகளில் இடதுஜனநாயக முன்னணியின் பங் களிப்பே மிகவும் முக்கியத்துவம் வாய்ந்தது என்பதை எவராலும் மறுக்க முடியாது.