வியப்பூட்டும் இந்திய - சீன பாரம்பரியம்

(டி.ஞானையா)

சீன மக்களின் நீண்ட பாரம்பரிய கலாச் சாரத்திலும் நாகரீகத்திலும் இந்தியாவின் ஆழமான தாக்கம் இன்றும் பசுமையாக தைத்து நிற்கின்றது. இத்தகைய தாக்கம் சீனா பற்றி இந்திய மக்களிடம் இடம்பெற்றிருக்க வில்லை. 20ம் நூற்றாண்டில் இந்தியாவில் சுதந்திரப் போராட்டம் வெடித்த கட்டத்தில் சீனாவிலும் வெடித்ததால் சீனா மீது நல்லு ணர்வும் நட்பும் இயல்பாகவே உருவானது. ஏகாதிபத்திய எதிர்ப்பில் இருநாடுகளும் கை கோர்த்தன. நேரு மற்றும் சூ - என் - லாய் 1954ல் வெளியிட்ட பஞ்சசீல கோட்பாடு உலகப்பிரசித்தி பெற்றது. ஆனால் இந்திய பிற் போக்கு சக்திகளுக்கும் அமெரிக்க ஏகாதிபத் தியத்திற்கும் வேப்பங்காயாய் கசந்தது.

ஆனால் 1959ல் தலாய்லாமா சோசலிச மாற்றத்தை எதிர்த்து போர்க்கொடி தூக்கி இந்தியாவிற்கு ஓடிவந்த பொழுது அவரை இந்திய அரசாங்கமே வரவேற்றது. அனைத்து வசதிகளையும் செய்து கொடுத்து எழில்மிகு இமயமலைச் சாரலில் திபெத்திற்கு அரு காமையில் உள்ள நகரமான தரம்சாலாவை தமது சொந்த செலவிலேயே தலைமை நகரமாகக் கட்டிக் கொடுத்தனர். ஒருவகையான “போட்டி திபெத் அரசு” எனவும் தரம் சாலாவை “குட்டி லாகா” எனவும் அமைத்துக் கொண்டனர். இவை நட்புறவை கடுமையாக பாதித்தது. காஷ்மீர், அசாம், நாகாலாந்து, மணிப்பூர், மிசோரம் ஆகியவைகளில் விடு தலைகோரும் ஒரு தலைவருக்கு இது போன்று ரத்தினக் கம்பள வரவேற்பளித்து இதே வசதிகளை சீனா செய்து கொடுத்தால் அதை இந்தியாவிற்கு எதிரான சதி வேலை என்று நாம் சொல்லமாட்டோமா? ஆதலின் இது 1962ல் எல்லை மோதல்களுக்கு இட்டுச் சென்று, இருநாட்டு உறவுகளையும் சீரழித்தது. ஆனால் கடந்த சில பத்தாண்டுகளில் இந்தியாவும் சீனாவும் பரஸ்பரம் எடுத்து வந்த நன்முயற்சிகளால் உறவுகள் படிப்படியாக சீரடைந்து எல்லைப் பிரச்சனைகளுக்கு தீர்வு காணும் முயற்சியையும் உருவாக்கியுள்ளது.

ஆயினும் இந்தியாவின் பிற்போக்காளர் களும் அமெரிக்க ஏகாதிபத்தியமும் இன்றும் பிரச்சனைகளை கிளப்பிவிட்டுக்கொண்டு தான் உள்ளனர். இப்பின்னணியில் அண்மை யில் பிரபல பெண் எழுத்தாளர் பூனம்சூரி எழு திய “சீனா - அதன் ஆன்மாவைத் தேடுதல் - பெய்ஜிங் டைரியிலிருந்து சில பத்திகள்” என்ற நூலில் இருநாடுகளின் நீண்ட பாரம் பரிய உறவு பற்றி வியப்பூட்டும் தகவல்கள் கொடுத்துள்ளார். இவர் மூன்று ஆண்டுகள் தொடர்ந்து சீனாவில் தங்கி தொலைதூரப் பகுதிகளுக்குக் கூட சுற்றுப் பயணம் மேற் கொண்டு தகவல்களை மிகச் சிரமப்பட்டு சேகரித்து வெளியிட்டுள்ளார்.

கி.பி. 5ம் நூற்றாண்டின் கல்வெட்டுகளில் ஹூனான் மாகாணத்தில் சமஸ்கிருத சூராக் கள் பதியப்பட்டு இன்றுவரை பாதுகாப்பாக உள்ளன. சீனர்கள் சமஸ்கிருத மொழியை ஃபான்யு என்றழைக்கின்றனர். இதனுடைய அர்த்தம் பிரம்மதேவனின் மொழி. தெய்வமொழி, பிராமணமொழி. ஆன்ஷிகாவ் என்ற சீன இளவரசன் பவுத்த மதத்தைத் தழுவி பவுத்த துறவியாக மாறி 176 சமஸ்கிருத கிரந்தங்களை மிகத் துல்லியமான சீனமொழியில் மொழியாக்கம் செய்தார். நூல் அச்சடிப்பது சீனாவில்தான் துவங் கியதாம். கி.பி. 757லேயே சமஸ்கிருத மந்திரங் கள் சீனாவில்தான் முதன் முதலில் அச்சடிக் கப்பட்டதாம். வால்மீகி இராமாயணத்திற்கு முன்னதாக எழுதப்பட்ட ஜடகா எண் 461 என்ற “தசரத ஜடகா” பாலிமொழியிலிருந்து சீனத்தில் மொழியாக்கம் செய்யப்பட்டதாம்.

ஹான் வம்ச பேரரசன் கி.பி. 65ல் ஒரு தெய்வீக உருவம் பளிச்சென்று பொன்னிறத் தில் ஒளிவீசிக்கொண்டு அரண்மனையைச் சுற்றிச்சுற்றி பறந்து கொண்டிருந்ததாக கனவுகண்டு வியப்படைந்தாராம். தனது அமைச்சரிடம் இதைப் பற்றி கூறிய பொழுது, அந்த அமைச்சர் “மேற்கே உள்ள ஒரு தொலை தூர பூமியில் பறக்கத் தெரிந்த துறவியான புத்தர் இருப்பதாக நான் கேள்விப்பட்டிருக் கிறேன்” என்றாராம். உடனே மன்னன் தனது அறிவாளிகளை இந்தியாவிற்கு அனுப்பி வைத்து அவர்கள் 42 சமஸ்கிருத சூத்திரப் பிரதிகளை கொண்டு வந்தனராம்.

வடக்கு திபெத்தை ஒட்டியுள்ள பிராந்தியங் களில் ஒரு புதுமையான மதம் இருந்து வந் துள்ளதாம். இதை யுன் ஷெங் தர்மா என்ற ழைக்கின்றனர். இதன் அர்த்தம் “இரகசிய மதம்” பவுத்தமும் பிராமண மதமும் ஒன்றி ணைக்கப்பட்ட மதமாம். ஃபாடெங்சுன் ஷெங் என்று அழைக்கப்பட்ட புத்தபிரான் இங்கு பிரதான துறவியானாராம்.

ஒரு மிகப்பெரிய வினோதம், சீனாவின் பல பிராந்தியங்களில் சரஸ்வதி என்ற தெய்வம் வழிபடப்படுகின்றாள். கல்வி, ஞானம், போரில் வெற்றி, இயற்கை சீற்றங்களிலிருந்து பாது காப்பு ஆகியவை இந்த சரஸ்வதி தேவதை யின் மகத்துவம் என்று மக்கள் நம்பி வந்தனராம்.  யானைமுகம் தெய்வமான விநாயகர் சில பகுதிகளில் வணங்கப்படுவது உண்டு. கி.பி. 6ம் நூற்றாண்டிலிருந்து புனித யாத்திரை தலங்களில் விநாயகர் உருவ பொம்மைகள் விற்கப்பட்டு வருகின்றனவாம். ஷான்க்ஸி மாகாணத்தில் சிவலிங்கம் போன்ற வடிவில் ஒரு பகோடா (பவுத்த ஆலயம்) காட்சி யளிக்கின்றது. அதை ஒட்டியுள்ள குகை களில் சிவன், இந்திரன், விஷ்ணு ஆகியோ ரின் விக்கிரகங்கள் காணலாம். சிவபெருமான் மூன்று தலைகள், எட்டுகால்களுடன் ஜம் மென்று தனது வாகனமான காளை மாட்டின் மீது சவாரி செய்கிறார்!

காவல் தெய்வமாகக் கருதப்படும் குரங்கு உருவ அனுமானும் திராவிட மன்னர்களான வாலியும், சுக்ரீவனும் கூட காணப்படுகின் றனர்! கி.மு. 5ம் நூற்றாண்டில் (புத்தர் காலம்) ஒரு பிரம்மாண்ட நூலகத்தில் சீன தத்துவ ஞானிகளான கன்ஃபூசியஸ், லாவோட்சே மற்றும் பாரசீகத்தின் ஜொராஸ்டர், ஹோமர், ப்ளாட்டோ, சாக்ரடீஸ்(கிரீஸ்) பாலஸ்தீன எலிஜா, கிரேக்க விஞ்ஞானிகளான துசை டிஸ், ஆர்கிமிடிஸ் ஆகியோரின் நூல்களுடன் பவுத்த நூல்களும், சமஸ்கிருத ஏடுகளும் உள்ளன. இந்தியாவில் வெளிநாட்டு தத்துவ ஞானிகளின் தத்துவ இயல் நுழைய இப்படி அனுமதிக்கப்பட்டதில்லை.

வடமேற்கில் வெகு தொலைதூரத்திலுள்ள பிசாக்லிக் என்ற ஊரில் பிரமிக்கத்தக்க ஆயிரம் புத்தர் உருவங்கள் இயற்கையான குகை பூங்காவில் இன்றும் காணலாம். மற் றொரு பிரம்மாண்டமான குகையில் ஆயிரக் கணக்கான ஆவணங்கள், கைப்பிரதிகள், பழங்கால சுவட்டு சுருள்கள், பட்டுத்துணி ஓவியங்கள், ஜரிகை வேலைப்பாடுகளுடைய ஆடைகள் உள்ளனவாம். அத்துடன் ஆயிரக் கணக்கான சூத்திரங்களின் பதாகைகள், நூல்கள், சமஸ்கிருதம், பிரகிரிதம், பாலி மொழி களில் காணலாம். தொல்பொருள் ஆராய்ச்சி யாளர்கள் அகழ்வாராய்ச்சி தோண்டலின் போது தற்செயலாக வண்ணம் பூசப்பட்ட ஒரு கதவு தென்பட்டு அதை உடைத்து குகைக் குள் சென்ற பொழுது இவைகள் காணப்பட்டன.

பூனம் சூரி சென்றிருந்த ஒரு மேற்கு கடை கோடி நகரமான ஜியோஹாவில் (பழங்கால ஷெஷ்ஷி மாகாண தலைநகரம்) இந்தி திரைப்பட பாடலை தற்செயலாக காதில் விழக் கேட்டு விசாரித்த பொழுது இந்தி திரைப்படங் களை மக்கள் விரும்பிப் பார்க்கின்றனர் என் றனராம். ஒரு கடையின் நுழைவாயிலில் பிரபல இந்தி திரைப்பட நடிகர் ஷாருக்கான் மற்றும் நடிகை ராணி முகர்ஜி படம் ஒட்டப்பட் டிருந்த தாம்! தமிழ் திரைப்படங்கள் கூட சீனா வில் திரையிடப்படுவதாக பூனம் கூறுகிறார். அதனால்தான் சீனர்களுக்கு இந்தியர்கள் மேல் துவேஷ உணர்வு ஏற்படுவதில்லை. துவேஷ உணர்வை, பகைமை உணர்வை தூண்டிவிடுபவர்களும் அங்கில்லை.

இந்தியாவில் வேறுநிலைமை. இந்தியா வின் முதல் எதிரி சீனாதான் என்ற கருத்து பர வலாக நம்பப்படுகின்றது. சீனாவின் ஆபத்தை சமாளிக்க இந்தியாவும் அணுகுண்டு தயாரிக்க வேண்டும் என வலியுறுத்தி வந்த ஆர்எஸ்எஸ் சங்சாலக் குரு கோல்வால்கரின் சிஷ்யர் வாஜ்பாய் 1998ல் ஆட்சிப்பொறுப்பேற்ற ஒரு சில வாரங்களில் பொக்ரானில் அணு குண்டு வெடித்துவிட்டு அன்றே அவர்களின் “இயற்கை” நண்பரான அமெரிக்க ஜனாதிபதி கிளிண்டனுக்கு சீன ஆபத்தை எதிர்கொள் ளவே இது தேவைப்பட்டது என்று விளக்கக் கடிதம் எழுதினார். அவர் மட்டுமல்ல, இன்றும் இந்தியா அணுகுண்டு ஏந்தி 5 ஆயிரம் கிலோ மீட்டர் தொலைவில் பாய்ந்து தாக்கும் ஏவு கணைகளையும் நியூக்கிளியர் நீர் மூழ்கிக் கப்பல்களையும் தயாரிக்க தீவிரமாக முனைந்து வருவது யாரை இலக்காகக் கொண்டது? 5000 கி.மீ. தூர ஏவுகணை மற்றும் நீர் மூழ்கி பாகிஸ்தானைத் தாக்க தேவை இல்லை அல்லவா?

அமெரிக்க அணுகுண்டு இந்துமகா கடலில் திகோ காரிசியாவில் இந்தியாவையும் இலக்காக்கி அமெரிக்கா அமைத்திருப்பது நமது நாட்டிற்கு ஆபத்தில்லையாம். அது போன்றே சீனாவை நமது இயற்கையான நண்பனாக பரம்பரை நல்லெண்ணத்துடன், “இந்தி - சீனி பாய்பாய்” என்ற உறவை மீண் டும் உயிர்ப்பித்துக் கொண்டுவிட்டால் சீனா நமக்கு ஆபத்தில்லை என்றாகிவிடும் அல்லவா? எல்லைத் தகராறையும் நிச்சயமாகத் தீர்த்துக் கொள்ள முடியும். காஷ்மீர் பிரச்சனையையும் தீர்த்துக் கொண்டு பாகிஸ்தான் உடனும் சகோ தர உறவு கொள்வது சாத்தியமே. இயற்கை அமைத்துள்ள இரண்டு மிகப்பெரிய அண்டை நாடுகளுடனும் இயல்பான நட்புறவு, நல்லுற வானது 15,000 கி.மீ. தொலைவில் உள்ள ஏகாதிபத்திய, ஆக்கிரமிப்பு, பயங்கரவாத சுயநல அமெரிக்காவுடன் அமைத்துக் கொள் ளும் நட்பைவிட நமக்கு பேராறுதலும், பாது காப்பு உணர்வும், நிம்மதியையும் கோடானு கோடி பணச்செலவு சிக்கனமும் கிடைக்கும் அல்லவா?