மனித குலத்துக்கு எதிரான குற்றம்!

மருத்துவ விஞ்ஞானமும் புதிய கண்டுபிடிப்புகளும் வேகமாக முன்னேறிக் கொண்டிருக்கும் அதேவேளையில் பயங்கர மான புதிய புதிய வியாதிகளும் மனித குலத்தை அச்சுறுத் தத் தொடங்கியுள்ளன. விஞ்ஞான வளர்ச்சியானது எவ்வளவுதான் உச்சத்தை நோக்கிச் சென்று கொண்டிருப்பினும் சில நோய்களு க்கு இன்னும்தான் உரிய பரிகாரத்தைக் கண்டு கொள்ள மருத்துவ உலகத்தினால் முடியாதிருக்கிறது. மருத்துவத்துறையின் தோல்வி யென்றே இதனைக் கொள்ள வேண்டியுள்ளது. உயிரியல், பெளதிக, இரசாயன, தொழில்நுட்ப விஞ்ஞானத் துறை களில் நாளாந்தம் புதிய கண்டுபிடிப்புகள் உருவாகுவதன் விளை வினாலேயே மனித குலத்துக்கு புதிய வியாதிகளும் அறிமுக மாகின்றன என்ற கண்டனங்களில் உண்மை இல்லாமலில்லை.

இவ் விடயத்தைப் பொறுத்தவரை ‘விஞ்ஞானம்’ என்பதை எங்களால் பாராட்ட முடியாதிருக்கிறது. மனித குலத்தின் அழிவுக்கு மறை முகமாக வழிவகுக்கும் விதத்தில் தான்தோன்றித்தனமாகச் செயற் பட்டுக் கொண்டிருக்கும் ‘விஞ்ஞானம்’ என்ற மாயையை எவ்வாறு தான் பாராட்ட முடியும்! வியாதிகள் இப்போதெல்லாம் புதுவடிவமெடுத்து மனிதனைத் துரத்து கின்றன. இவ்வியாதிகளுக்கு மருத்துவர்களால் நிரந்தரமான தீர்வைத் தர முடியாதிருக்கிறது. ஆயுளை நீடிக்கும் வகையில்தான் இன் றைய மருத்துவம் மக்களுக்குக் கைகொடுத்து உதவுகிறதேயொழிய நிரந்தரத் தீர்வுக்குப் பரிகாரம் இல்லாதிருக்கிறது.

மனித உயிருக்கு அச்சுறுத்தலாகவுள்ள சிறுநீரக செயலிழப்பு, புற்று நோய், ஈரல் அழற்சி போன்ற பலவித நோய்களுக்கும் நச்சு இர சாயனங்களே காரணமாக அமைவதாக நிரூபிக்கப்பட்டுள்ளது. நச்சு இரசாயனப் பதார்த்தங்களை உணவுப் பொருட்கள் வாயிலாகவே நாம் உள்ளெடுக்கிறோம் என்பதில் எதுவித சந்தேகமும் கிடையாது.

நாம் அன்றாடம் உண்ணுகின்ற பழங்கள், கீரைகள், மரக்கறிகள், மீன், இறைச்சி, பொதி செய்யப்பட்ட பதப்படுத்தப்பட்ட உணவுப் பொருட்களில் இரசாயனப் பதார்த்தங்கள் சேர்க்கப்பட்டுள்ளன. வாழைப்பழம், பப்பாசிப் பழம் உட்பட சில பழங்களை துரிதமாகப் பழுக்க வைப்பதற்காகவும், பழுத்த பழங்கள் கெட்டுப் போகாமல் இருப்பதற்காகவும் இரசாயன மருந்து வகைகள் சேர்க்கப்படுவதாக தகவல்கள் வெளியாகின்றன. மீன், இறைச்சி போன்றவை பல நாட்கள் பழுதடையாமலிருக்க ‘போமலின்’ போன்ற நச்சு மருந்து இடப்படுவதாகவும் கூறப்படுகிறது.

எனவே உணவின் ஊடாக அன்றாடம் நாம் பாரதூரமான இரசாயனப் பதார்த்தங்களை உள்ளெடுத்துக் கொண்டிருக்கிறோம். கொடிய வியாதிகள் ஏற்படுவதற்கு இதனை விட வேறு காரணி எதுவுமே தேவைப்படாது. உயிரினங்களின் உடலானது இயற்கையான உணவுகளுக்கென்றே இசைவாக்கமடைந்ததாகும். செயற்கை முறையில் உருவான எந்தவொரு இரசாயனப் பதார்த்தத்தையும் எமது உடல் ஏற்றுக் கொள்வதில்லை. இதனாலேயே கொடிய வியாதிகள் உருவாகின்றன.

தரமற்ற உணவுகள் பெரும்பாலும் நகரங்களிலேயே விற்பனை யாகின்றன. மக்கள் மத்தியில் கொடிய வியாதிகளும் நகரங் களில்தான் அதிகமாக உள்ளன. உணவுப் பொருட்களின் தரத்தை சரிவரப் பேணுமிடத்து வியாதிகள் குறையுமென்பதில் சந்தேக மில்லை. கொழும்பு மாநகர சபை அதிகாரிகள் புறக்கோட்டை மனிங் சந்தையில் மேற்கொண்ட திடீர் சோதனையின் போது தரமற்ற ஏராளமான உணவுப் பொருட்கள் கண்டுபிடிக்கப்பட்டு அழிக் கப்பட்டுள்ளன. சுமார் முந்நூறு கிலோகிராம் பழங்கள் இவ்விதம் கண்டுபிடிக்கப்பட்டு அழிக்கப்பட்டுள்ளன. பழுதடைந்த தேயிலை, மிளகாய்த்தூள், கருவாடு, இறால், நெத்தலி ஆகியனவும் கண்டு பிடிக்கப்பட்டு அழிக்கப்பட்டுள்ளன.

அங்கு கைப்பற்றப்பட்டுள்ளவற்றில் நூற்றைம்பது உணவுப் பொருட் களின் மாதிரிகள் பகுப்பாய்வுக்கு உட்படுத்தப்பட்டு வருவதாகவும் அப்பரிசோதனையின் முடிவுகள் வெளிவந்த பின்னரே சட்ட நட வடிக்கை மேற்கொள்ளப்படுமெனவும் கொழும்பு மாநகர சபை அதிகாரிகள் தெரிவிக்கின்றனர். மாநகர சபையின் இந்நடவடிக்கை பாராட்டுக்குரியது. ஆனாலும் உண வுப் பொருட்களின் தரம் மோசமாக உள்ளதாக பரவலாகக் குற்றச் சாட்டுக்கள் தெரிவிக்கப்பட்டு வருவதனால் மாநகர சபையானது தனது நடவடிக்கையை மேலும் விஸ்தரிப்பது அவசியமாகும்.

உணவுப் பொருட்களில் நச்சுப் பொருட்களைச் சேர்ப்பதென்பது மனித குலத்துக்கு எதிரான மோசமான குற்றமென்பதை சம்பந் தப்பட்ட அதிகாரிகள் புரிந்துகொள்ள வேண்டும். மக்களுக்கு ஏற்படும் எந்தவித ஆபத்தையும் கவனத்தில் கொள் ளாது நச்சு மருந்துகளை உணவில் சேர்க்கும் வியாபாரிகளைக் கண்டுபிடித்து தண்டனை பெற்றுக்கொடுப்பது உரிய அதிகாரி களின் கடமை யாகும். மக்களின் ஆரோக்கியம் உணவிலேயே தங்கியுள்ள தென்று கூறுவதே சாலப் பொருத்தமாகும்.