இரண்டு தீர்ப்புகள்;  படிப்பினை ஒன்றுதான்!

ஆகஸ்ட் 30ம் தேதி செய்தித்தாள் களில் இரண்டு விதத் தீர்ப்புகள் இருவேறு நீதிமன்றங்களால் வழங்கப்பட்டது செய்தி களாக வெளிவந்துள்ளன. இந்த இரண்டு வித வழக்குகளும் சாராம்சத்தில் மதவெறி சேர்ந்த இனவெறி சம்பந்தமானதுதான். ஆனால் தீர்ப்புகள் இரண்டுமே இந்திய மக்களுக்கு ஆறுதல் அளிக்கக்கூடிய, நம் பிக்கையளிக்கக்கூடிய தீர்ப்புகள்தான். ஒரு வழக்கு, நம் அண்டை நாடான பாகிஸ்தானிலிருந்து பயங்கரவாதிகளின்-மதவெறியர்கள் திட்டமிட்டு நடத்திய தாக்குதல். மற்றொன்று நம் சொந்த நாட்டி லேயே குஜராத் மாநிலத்திலேயே கோத்ரா வில் ரயில் எரிப்பையொட்டி நடந்த கொலை வெறித் தாக்குதல்கள். ஒன்று, பாகிஸ்தான் மதவெறியர்களான முஸ்லிம்கள் - பயங்கர வாதிகள் நடத்திய கொலைவெறி. மற் றொன்று முஸ்லிம் மக்கள் மீது இந்து மத வெறியர்கள் நடத்திய கொலைவெறித் தாக்கு தல். இரண்டு நிகழ்ச்சிகளும் இந்தியாவை அதிர வைத்துவிட்டன.

பாகிஸ்தான் பயங்கரவாதி லஷ்கர்-ஏ-தொய்பா அமைப்பைச் சேர்ந்தவன் - அஜ் மல் காசப் என்பவன். அவனுக்கு உச்சநீதி மன்ற நீதிபதிகள் சி.கே. பிரசாத், அல்டாப்ஃ ஆலம் தூக்குத்தண்டனை தீர்ப்பு வழங்கி யுள்ளார்கள். இது ஒரு சரித்திரப்பூர்வமான தீர்ப்பு. இவனோடு வந்த மற்ற தீவிரவாதிகள் சுடப்பட்டார்கள். இவன் ஒருவன் மட்டும் துக்காராம் ஓம்பலே என்ற போலீஸ்காரரால் உயிரோடு பிடிக்கப்பட்டான். ஆகவே தாக்கு தல்களின் விவரங்கள் தெரிய வந்தன. பாகிஸ்தான் பயங்கரவாதி என்று தெரிந்தது. அல்லாது போயிருந்தால் உச்சநீதிமன்றம் சொன்னதுபோல் இந்திய முஸ்லிம் மக்கள் தான் இந்தக் கொலைவெறிக்கு சம்பந்தப் பட்டவர்கள் என்று பிரச்சாரமாகி திசை திருப்பப்பட்டிருக்கும். இந்தக் கொடியவன் அஜ்மல் காசப், தான் செய்த தவறுக்கு கடைசி வரை வருத்தம் தெரிவிக்கவில்லை. இதில் நமக்கு வியப்பில்லை.

ஆனால் குஜராத் மாநில முதலமைச்சர், நரோடா பாட்டியா இனவெறி கொலையில் ஈடுபட்ட இந்துமதவெறியர்களுக்கு குஜராத் நீதிமன்றம் ஆயுள் தண்டனை வழங்கியுள்ள தற்குப் பிறகாவது, அந்தக் கொடியோர் களால் சிறுபான்மை முஸ்லிம்கள் கொல்லப் பட்டதற்கு வருத்தம் தெரிவிக்க வேண்டும். மறுத்துவிட்டார். கொலைகள் நடந்த நரோடா வில் 97 பேர் அதில் பெரும்பாலும் இஸ்லா மியப் பெண்கள், குழந்தைகள் பதைக்கப் பதைக்க கொல்லப்பட்டார்கள். எரியும் நெருப்பில் வீசியெறியப்பட்டார்கள். இதுவும் திட்டமிட்டு நடத்தப்பட்ட கொலைகள்தான். நான் குற்றவாளியே அல்ல. ஆகவேதான் நான் விடுவிக்கப்பட்டேன். நான் மன்னிப் புக் கோரவோ, வருத்தம் தெரிவிக்கவோ அவ சியம் இல்லை என்கிறார். வருங்கால பிரதம மந்திரியாக வர, அந்தப் பதவியின் மீது கண் வைத்திருக்கும் நபரின் லட்சணம் இது.

உச்சநீதிமன்றத்தின் உத்தரவுப்படி முன் னாள் இயக்குநர் ஆர்.கே. ராகவன் தலைமை யில் சிறப்பு புலன் விசாரணைக்குழு அமைக்கப்பட்டுதான், அது இந்தக் கொலை வெறி தாக்குதல்களை விசாரணை நடத்தி உச்சநீதிமன்றத்தில் இந்த விரிவான விவரங் களைத் தந்தது. காரணம், குஜராத் போலீஸ் கோத்ரா ரயில் எரிப்புக்குப் பிறகு நடந்த இனவெறிப் படுகொலைச் சம்பவங்கள் தொடர்பாக சரியாக ஆய்வு நடத்தவில்லை. இந்த சிறப்பு புலன் விசாரணைக்குழு செவ் வனே செயல்பட்டது. ஆனாலும், முதல மைச்சர் மோடி இந்த மதவெறி படுகொலை யில் நேரிடையாகவோ மறைமுகமாகவோ சம்பந்தப்படவில்லை என்று அவரை குற்றப் பத்திரிகையிலிருந்து விடுவித்துவிட்டது. இது ஒரு சோகம். அதனால்தான் மோடி, தான் குற்றம் ஏதும் செய்யாதவன். எனவே நான் ஏன் மன்னிப்புக் கோரவேண்டும் என்று சொன்னதோடு, படுகொலைகளுக்கு வருத்தம் தெரிவிக்கவும் மறுத்துவிட்டார். எனினும் அவர் சிறப்பு புலன் விசாரணைக் குழுவால் விடுவிக்கப் பட்டது இன்னமும் சர்ச்சைக்கு உரியதாகத்தான் உள்ளது.

குஜராத் சிறப்பு நீதிமன்றம் 29 பேரை போதிய சாட்சியங்கள் இல்லாத காரணத் தால் விடுதலை செய்துவிட்டது. ஆனாலும், அவர்கள் அப்பாவிகள் என நீதிமன்றம் சொல்லவில்லை.

சட்டமன்ற உறுப்பினரும் முன்னாள் அமைச்சருமான மாயாபென் கோத்னானி யும் தண்டிக்கப்பட்டுள்ளதால் முதலமைச் சர் மோடி ராஜினாமா செய்ய வேண்டும் என்ற குரல் வந்தபோது, படுகொலைகள் நடந்த நேரத்தில் கோட்னானி அமைச்சர் பதவியில் இல்லை என்ற வாதம் முன் வைக்கப்படுகிறது. கொலை நடந்தபோது அவர் அமைச்சராக இல்லை என்றாலும், கொலை குற்றப்பத்திரிகையில் உள்ள அவர் - விசாரணையில் உள்ள அவர் எப்படி அமைச்சராக ஆக்கப்பட்டார் என்ற கேள் விக்கு பதில் இல்லை. இந்தப் பெண், மோடிக்கு மிக நெருக்கமானவர் என்பதை யாரே மறுக்கவல்லார்?

சிவசேனா தலைவர், மகிழ்வோடு காலம் தாழ்த்தாது உடனடியாக காசப் தூக்கில் போடப்படவேண்டும் என்கிறார். பாரதிய ஜனதா கட்சித் தலைவரும் காசப் பிற்கு வழங்கப்பட்ட தூக்குத்தண்டனையை வரவேற்றதோடு, அவன் உடனடியாக தூக் கில் போடப்பட வேண்டும் என்கிறார். ஆனால், குஜராத் சிறப்பு நீதிமன்றத்தின் தீர்ப்பு, இந்தக் கும்பலை வாய் அடைக்க வைத்துவிட்டது.

கோத்ரா ரயில் எரிப்பிற்குப் பிறகு குஜ ராத்தில் அரசின் ஆதரவோடு நடந்த இன வெறி - மதவெறிப் படுகொலைகளில் பலி யானவர்கள் பல நூறு பேர். எரிந்த வீடுகள், உயிரோடு எரிக்கப்பட்டோர் ஏராளம். அதி லும் அந்த மாநிலத்தில் நரோடாவில் இஸ் லாமிய பெண்கள் 97 பேர் கொல்லப்பட்டதும் (குழந்தைகள் உட்பட) எரிக்கப்பட்டதும், பாலியல் பலாத்காரம் செய்யப்பட்டதும், மிகக் கொடுமையானது, அதீதமானது. இந்தக் கொடுமைகளுக்கு நியாயம் கிடைக்க வேண்டும் என்று ஜனநாயகவாதிகளும், மனிதநேய வல்லுநர்களும், மத நல்லிணக் கம் வேண்டுவோரும், மதச்சார்பற்ற கொள் கையாளர்களும் தொடர்ந்து குரல் கொடுத்து வந்தார்கள். ஓரளவு அவர்களின் வேண்டு கோள் இந்தத் தீர்ப்பின் மூலம் நிறைவேறி யுள்ளது.

ஒரே நாளில் இரண்டு தீர்ப்புகள் வந் துள்ளதன் பாடம், சிறுபான்மை பயங்கரவாத மானாலும், பெரும்பான்மை பயங்கரவாத மானாலும் இரண்டுமே எதிர்க்கப்பட வேண்டிய கொடுமைகள். ஒதுக்கப்பட வேண்டிய ஆபத்து.

(தே. லட்சுமணன்)