யாழ். மாவட்டத்தில் உற்பத்தி செய்யப்படும் பழங்களின் இழப்புகளும் அவற்றை நிவர்த்திப்பதற்கான வழிமுறைகளும்

பழங்கள் சந்தைப்படுத்தலின் தற்போதைய நிலை

உலர் வலயப் பழங்களிற்குச் சிறப்புப் பெற்ற யாழ்ப்பாணத்தில் மாம்பழம், வாழைப் பழம், பலாப் பழம், பப்பாசிப் பழம், திரட்சைப் பழம் போன்ற பழ மரங்கள் பெருமளவில் காணப்படுகின்றன. இப்பழங்களின் சுவைக்கு சர்வதேச சந்தைவரை நல்ல கேள்வி உண்டு. இப்பழங்கள் யாவும் தரமானவையாக உற்பத்தி செய்யப்பட்டுச் சந்தைப்படுத்தப்பட்டால் மாத்திரமே விவசாயிகள் நியாயமான சந்தை விலையை தமது உற்பத்திகளுக்கு பெற கூடியதாக விருக்கும்.

பழ உற்பத்தியாளர்களால் உற்பத்தி செய்யப்படும் பழங்கள் அறுவடையின் பின் தவறான முறையில் கையாளப்படுவதனால் பழங்களில் 30% - 40% வரை இழப்புகள் ஏற்படுவது அவதானிக்கப்பட்டுள்ளது. யாழ்ப்பாணத்தில் உற்பத்தி செய்ப்படும் முக்கியமான பழங்களின் வருடாந்த உற்பத்தி, அறுவடையின் பின்னரான இழப்புகள் பற்றிய விபரம் கீழே அட்டவணைப்படுத்தப்பட்டுள்ளது.

அட்டவணையினை நோக்கும் போது யாழ் மாவட்டத்தில் உற்பத்தி செய்யும் பழங்களில் 189289 மில்லியன் ரூபா பெறுமதியான வருமானத்தை அறுவடையின் பின்னான முகாமைத்துவங்களில் நாம் கவனயீனமாக இருப்பதால் இழக்க வேண்டியதாவுள்ளது. இவ்விழப்புகள் ஏற்படுகின்றன என்பதை ஆராய்ந்து அதனை நிவர்த்திப்பதற்கான நடவடிக்கைகளை மேற்கொள்வோ மேயானால் பழ உற்பத்தியிலிருந்து கணிசமான வருமானத்தை பெற்றுக்கொள்ள முடியும்.

அறுவடையின் பின்னான இழப்புக்கான காரணங்களும் அதனை நிவர்த்திப்பதற்கனா வழிமுறைகளும்

1. உரிய பருவத்தில் அறுவடை செய்யாமை
2. தவறான கொண்டு செல்லல்
3. சீரற்ற சந்தை உட்கட்டமைப்பு
4. பழுக்க வைக்கும் முறைகள்
5. களஞ்சியப்படுத்தும் முறைகள்

உரிய பருவத்தில் அறுவடை செய்யாமை

யாழ்ப்பாணத்தில் உள்ள பழ உற்பத்தியாளர்கள் சிலர் உரிய பருவத்திற்கு முன்பதாகவே பழங்களை அறுவடை செய்கின்றனர். அவ்வாறு அறுவடை செய்யப்படும் பழங்களை பழுக்க வைப்பதற்கு பிழையான பழக்க வைக்கும் முறைகளை உற்பத்தி யாளர்களாலும் விற்பனையாளர்களாலும் கையாளப்படுகின்றது. சிலர் அக்கறையின்மையால் காலம் தாழ்த்தியே பழங்களை அறுவடை செய்கின்றனர். காலம் தாழ்த்தி பழங்களை அறுவடை செய்யும் போது பறவைகளால் 10% - 15% பழங்கள் சேதமாக்கப்படுகின்றன.

திர்ச்சியடைந்த பழங்களே அறுவடை செய்யப்பட்டு சந்தைப்படுத்தப்படல் வேண்டும். பழ உற்பத்தியாளர்களுக்கு பழங்களின் அறுவடைச்சுட்டி நியமங்கள் தொடர்பான தெளிவான அறிவு இருத்தல் வேண்டும். மாம்பழங்களின் முதிர்ச்சியை பின்வரும் நியமங்களின் மூலம் அறிந்து கொள்ளலாம்.

* காம்பை சுற்றியுள்ள பகுதி உயர்ந்து காணப்படுதல்
* காம்பிலிருந்து பிரித்து எடுக்கையில் வெளியாகும் பாலின் அளவு குறைந்திருத்தல்
* மேற்தோலின் மினுங்கும் தன்மை இல்லாமல் போதல்
* நீரில் அமிழ்தும் போது முதிர்ச்சியடைந்த காய் அமிழ்ந்து பின் மிதக்கும்
* சதைப் பகுதி மஞ்சளாகும்
* இனிப்பு பெறுமானத்தை (Brix Value) அறிவதன் மூலம்

அத்துடன் சரியான நேரத்தில் அறுவடை செய்தல் வேண்டும். உதாரணமாக காலை 9 மணி தொடக்கம் மாலை 3 மணி வரை அறுவடையை மேற்கொள்ளும் போது பழங்களின் வீக்க அழுக்கம் குறைவாக இருப்பதால் அறுவடையின் போது பால் வெளியேற்றம் குறைவாதலால் போசணை இழப்பு குறைவாகவிருக்கும்.

இதனால் அறுவடை செய் யப்படும் பழங்களின் தரம் உயர்வாகவிருக்கும்.

2. தவறான கொண்டு செல்லல்

அறுவடை செய்யப்படும் பழங்கள் முறையாகப் பொதி செய்யப்படாது அளவுக்கதிகமாக ஏற்றப்பட்டு இரண்டு சில்லு உழவு இயந்திரம், சைக்கிள், பார ஊர்தி போன்றவற்றில் ஏற்றப்பட்டு சந்தைக்கு கொண்டு செல்லப்படுகின் றன. இதனால் பழங்கள் பொறிமுறைச் சேதத்திற்குள்ளாக்கப்படுகின்றன.

இதனைத் தவிர்ப்பதற்கு கொண்டு செல்லலில் திருந்திய தொழில் நுட்ப முறைகள் அறிமுகப்படுத்தப்பட வேண்டும். பழங்களைச் சேதமின்றிக் கொண்டு செல்வதற்கு வாழைப்பழங்களைத் தோட்டத்திலேயே சீப்புகளாக்கி தரம் பிரித்து கடதாசிப் பெட்டி, பிளாஸ்ரிக் கிறேற், பிரம்புக்கூடை போன்றவற்றில் ஒன்றில் சரியான முறையில் அடுக்கிக் கொண்டு செல்லல் வேண்டும்.

அறுவடை செய்யப்படும் பப்பாசி, மாம்பழம் போன்றனவும் முறையான கொண்டு செல்லல் நியமங்களுக்கு ஏற்றவகையில் கொண்டு செல்லப்படுவதில்லை. இப்பழங்கள் யாவும் கடதாசியால் சுற்றப்பட்டு கடதாசிப் பெட்டி, பிளாஸ்ரிக் கிறேற், பிரம்புக்கூடை போன்றவற்றில் ஒன்றில் சரியான முறையில் அடுக்கிக் கொண்டு செல்லல் வேண்டும்.

3. சீரற்ற சந்தை உட்கட்டமைப்பு

யாழ்ப்பாணச் சந்தைகளில் விவசாயிகளால் கொண்டுவரப்படும் வாழைக் குலைகள் வெறும் சரளைக்கல் தரைகளிலேயே விற்பனைக்காக வைக்கப்படும் போது பொறிமுறைச் சேதத்திற்குள்ளாவதுடன் நேரடி வெயிலினால் சூடாவதன் மூலம் எரித்தல் (Scorching) தாக்கத்துக்குட் படுகின்றது

யாழ்ப்பாணத்திலுள்ள எந்தவொரு சந்தையிலும் பழ விற்பனை நியமங்களுக்குட்பட்ட சந்தை உட்கட்டமைப்பு காணப்படுவதில்லை. இதனால் பழ விற்பனையில் பெருமளவு இழப்பு ஏற்படுகின்றது.

நியமத்திற்கு ஏற்ற வகையில் குறைந்த மூலதனத்துடன் பழ விற் பனை நிலையங்கள் அமைக்கப்படின் சந்தையில் ஏற்படும் இழப்புகளை இழிவுபடுத்தக்கூடியதாகவிருக்கும்.

4. களஞ்சியப்படுத்தும் முறைகள்

பழ விற்பனையாளர்கள் விற்பனை செய்யும் பழங்களை சேதமடையா தவாறு களஞ்சியப்படுத்துவதில் கவனம் எடுப்பதில்லை. பிரதான சந்தைகள், மற்றும் வாழை உற்பத்தி யாளர் சங்கம் ஆகியவற்றில் ஒழுங்கான களஞ்சியப்படுத்தல் வசதியின்மையால் பழங்கள் பொறிமுறைச் சேதத்திற்கும் விலங்குகளினால் சேதப்படுத்தப் படுவதற்கும் உள்ளாதல் அவதானிக்கப் பட்டுள்ளது. ஆகவே களஞ்சியப்படுத்தல் வசதிகள் மேம்படுத்தப்படின் பழங்களின் அறுவடைக்குப் பின்னான இழப்பின் 50% வரை குறைத்துக்கொள்ள முடியும்.

(தொடரும்)

(நன்றி: தினகரன்)