மாவையின் தலைமையில் மீண்டும் சவடால் அரசியல் ஆரம்பம்

பழைய குருடி கதவைத் திறடி

தமிழரசு கட்சியின் தலைவராக எதிர் பார்த்தவாறு மாவை சேனாதிராஜா கட்சியின் தெரிவு செய்யப்பட்டிருக்கின்றார். கூட்டமைப்பிலுள்ள ஏனைய கட்சிக ளின் தலைவர்களைப் பொறுத்தவரை யில், அவர்கள் மாவையின் தெரிவை மகிழ் ச்சியுடன் நோக்கவில்லை. மாவை தலைவராக தெரிவுசெய்யப்பட்ட உட னேயே, பழைய தமிழரசு கட்சியின் பாணியில் கோஷங்களும் முன் வைக்கப்பட்டிருக்கின்றன. அந்தக் கோஷங்களை பார்த்தால் ‘பழைய குருடி கதவைத் திறடி’ என் னும் பழமொழியே நினைவுக்கு வரு கிறது. அமரர் செல்வநாயகம் 1949இல் தமிழரசு கட்சியை தொடங்கிய காலத் திலிருந்து எத்தனையோ கோஷங்கள் முன்வைக்கப்பட்டிருக்கின்றன. ஆனால் அப்படியான கோஷ ங்கள் கட ந்த அறுபது வரு டங்களாக எதைச் சாதித்ததென்று கோட் டால் பதில் சொல்வார் எவரு மில்லை.

இப்போது மீண்டும் அதே பழைய புராணத்தை ஓதியிருக்கின்றனர். பழைய மொந்தையில் புதிய கள். முன்னர் எழுப்பிய உணர்ச்சிக் கோசங்களால் போதை தலைக் கேறிய இளைஞர்கள் கடந்த நாற்பது வரு டங்களை வீணாக்கினர். இப்போது அடுத்த தலைமுறைக்கு போதையூட்ட முற்படுகின் றனர். எஞ்சியிருக்கும் பழைய தலைகள்.

மீண்டும் அரசாங்கத்திற்கு காலக்கெடு கொடுத்திருக்கின்றனர். ஆறு வாரங்களுக்குள் பிரச்சினைக்கு தீர்வு காணாப்பட வேண்டும். அதென்ன ஆறு வாரம். இவ்வாறு சம்பந்தன் சொன்னதுதான் தாமதம் பலரும் கூட்டமைப் பின் தலைவர்களுடன் தொடர்புகொண்டு அப்படி யென்ன நிகழப்போகிறது என்றவாறு கேட் டிருக்கின்றனர். இந்தியா ஏதும் ரகசியமாக சொல்லிவிட்டதோ என்றெல்லாம் வினவியிரு க்கின்றனர்.

இது குறித்து கூட்டமைப்பில் அங்கம் வகிக்கும் பிறிதொரு கட்சியின் தலைவர் கோபப்பட்டு இவ்வாறு கூறியிருக்கிறார். இந்தியா அங்கொன்றும் கூறவில்லை. நாங்கள் எல்லா சந்திப்புக்க ளிலும் இருந்தனாங்கள். ஐயாவிடம் சொல் வதற்கு ஒன்று மில்லை. அது தான் சும்மா எதையோ தெரி வித்திருக்கின்றார். ஏதாவது சொல்லத்தானே வேண்டும். ஆனால் இவ்வாறு கூறிய சம்பந்தன் மறுபுறத்தில் யதார்த்த பூர்வமாக வும் பேசியிருக்கிறார். கடந்த நாற்பது வரு டங்களில் எந்தவொரு தலைவரும் சொல்லாத விடயம் ஒன்றை சொல்லியிருக்கிறார். அதனை அமைச்சர் டக்ளஸ் தேவானந்தாவும் வரவேற்றிருக்கிறார். அதாவது கற்பனைகளாலும் வெற்று கோஷங்களாலும் கடந்த காலத்தில் பல நல்ல வாய்ப்புக்களை இழந்து போயி ருக்கிறோம்.

எனவே, இனியும் நாம் வெற்று கோஷ ங்களிலும் கற்பனைகளிலும் காலத்தை கழிக்க முடியாது. இவ்வாறு சம்பந்தன் கூறியி ருக்கும் அதே தமிழரசு கட்சியின் மேடை யில்தான் மீண்டும் வெற்று கோசங்களும், கற்பனைகளும் முன்வைக்கப்பட்டிருக்கின்றன. சுயநிர்ணய உரிமையின் அடிப்படையில், இணைந்த வடக்கு கிழக்கில் தன்னாட்சி உரி மைகொண்ட அரசொன்றை வென்றெடுக்கும் வரை சாத்வீத வழியில் போராடுவோம் என்று, எமது மக்களுக்கு உறுதி கூறுகின்றோம். இப்படியொரு உறுதியைத்தான் கடந்த முப்பது வருடங்களாக தமீழ விடுதலைப் புலிகள் அமைப்பின் தலைவராக இருந்த பிரபாகரனும் சொல்லி வந்தார். அவர் சுதந்திர தனியரசு என்றார். தமிழரசு கட்சியோ தன்னாட்சி அரசு என்று தெரிவித்திருக்கிறது. ஐக்கிய இலங்கை என்பது மட்டும்தான் மாறுபாடாக இருக்கிறது. ஆனால் சுயநிர்ணய உரிமையுடன் கூடிய தன்னாட்சி அரசு என்பது விரும்பினால் பிரிந்தும் செல்ல முடியுமென்னும் வாதமும் இருக்கிறதல்லவா! உண்மையில் தமிழரசு கட்சி இங்கு என்னதான் கூற வருகிறது?

இப்படியான சாத்தியமற்ற, யதார்த்தத்திற்கு பொருத்தமற்ற வாதங்களால்தான் கடந்த அறுபது வருடங்கள் வீணாகின. இப்பொழுது மீண்டும் பழைய குருடி, இளைஞர்களின் கதவைத் தட்டுகிறாளா? அன்று முதியவர்கள் தூரநோக்கற்று சொன்ன கோஷங்களை உண்ளைளமயென்று நம்பிய இளைஞர்கள் பலர், அடுத்த பொங்கலுக்கு தமிbழம் வந்து விடுமென்று நம்பி ஆயுத அமைப்புகளில் இணைந்தனர். ஆனால் ஒவ்வொரு பொங் கல்களாக கடந்து சென்ற போதுதான் பலருக்கு விளங்கியது. ஐயோ நாங்கள் தெரியாத்தனமா அகப்பட்டுக் கொண்டோமே! இன்று வாழ்விழந்து கிடக்கும் பல ஆயுத அமைப்புகளின் உறுப்பினர்கள் இப்படியான உணர்ச்சிவசப்பட்ட வாதங்களால் அள்ளுண்டு போனவர்கள்தான்.

ஆனால், இவ்வாறு மற்றவர்களை உசுப் பியேத்தி விட்டவர்கள் இன்று எப்படியான வாழ்க்கை வாழ்ந்து கொண்டிருக்கின்றனர். இன்று போராடப்போவதாகச் சொல்லும் மாவை தன்னுடைய பிள்ளைகளை இழந்தி ருக்கிறாரா? காசி ஆனந்தனை எல்லோருக்கும் தெரியும். ஒரு காலத்தில் தமிழரசு கட்சியின் மேடைகளை ஆக்கிரமித்திருந்த சிம்மக் குரலுக்குச் சொந்தக்காரன். உணர்ச்சிக் கவிஞர் என்றும் அவருக்கு ஒரு பெயருண்டு.

இவரது பேச்சைக் கேட்டு எத்தனையோ இளைஞர்கள் அமிர்தலிங்கத்திற்கு இரத்த திலகமிட்டனர். இன்று இந்த காசி ஆனந்த னின் இரண்டு பெண் பிள்ளைகள் இந்திய அரசின் நிதியுதவியில் படித்து வைத்தியர் களாக இருக்கின்றனர். ஆனால் காசி போன்றவர்களின் உருவேற்றலுக்கு அள்ளு ண்டு போனவர்கள் எப்படி இருக்கின்றனர்? ஒரு வேளை உணவிற்காக அலைந்து திரிகின்றனர். இதுதான் அறுபது வருடகால அரசியல் சவடால்களின் விளைவு.

இன்று மீண்டும் சவடால்கள் என்னும் போது எவ்வாறு சகித்துக் கொள்வதென்று விளங்கவில்லை. இந்தியாவின் உதவியுடன் பிரச்சினைக்கு விரைவில் தீர்வு காணப்பட வேண்டுமென்று சம்பந்தன் கூறுகின்றார். ஆனால் இந்தியாவோ கடந்த 20 வருடங்களாக ஒரு விடயத்தையே மீண்டும், மீண்டும் கூறி வருகிறது. அதாவது 13வது திருத்தச் சட்டத்திற்குள் தீர்வு காணுங்கள். இன்று ஜனாதிபதி 13வது திருத்தச் சட்டத்தின் அடிப்படையில் பேசுவதற்கு தான் தயாரென்று அறிவித்திருக்கிறார்.

ஆனால் கூட்டமைப்புத்தான் வரவில்லை என்றும் கூறியிருக்கின்றார். இப்படியொரு சூழலில் தமிழரசு கட்சி சாத்வீக வழியில் போராடப் போவதாக புதுக் கதை சொல்கிறது. உண்மையில் டக்ளஸ் தேவனாந்தா குறிப்பிடுவது போல கூட்டமைப்பிற்கு உண்மையிலேயே பிரச்சினைகள் இணக்கமாக தீர்க்கப்பட வேண்டும் என்பதில் அக்கறை இல்லையா? அதனால்தான் சவடால்களில் காலத்தை செலவு செய்ய விரும்புகிறதா?

(வாசுதேவன்)