'அம்மா'... ஜெயாவின் ஆட்சி தமிழக வரலாற்றில் கரும்புள்ளி

‘அம்மா’.... ஆடிய ஆட்டம் என்ன? படுத்திய பாடு என்ன?... கூடிய கூட்டமென்ன?.......

இந்திய நீதித்துறை அதன் கடமையை சரியாகச் செய்திருக்கிறது. பல் வேறு ஊழல் வழக்குகளில் தப்பிப் பிழைத்த அ. இ. அ. தி. மு. க. தலைவி செல்வி ஜெயலலிதா, இன்று தமிழக முதலமைச் சராக கொடிகட்டிப் பறந்து கொண்டிருக்கும் போதே ஊழலில் மாட்டி யிருக்கின்றார். 1991 ஆம் ஆண்டிலிருந்து 1996 ஆம் ஆண்டு வரை ஆட்சியில் இருந்தவர் ஜெயலலிதா. அந்தக் காலப் பகுதியில் வருமானத் துக்கும் அதிகமான சொத்துக்களைக் குவித்தாரென்ற குற்றச் சாட்டில் தொடரப்பட்ட வழக்கில் குற்றவாளியாகக் காணப்பட்ட தமிழக முதலமைச்சர் செல்வி ஜெயலலிதா ஜெயராமுக்குச் சிறைத் தண்டனை வழங்கப்பட்டுள்ளது. 18 வருடங்களாக விசாரிக்கப்பட்டு வந்த இந்த வழக்கின் தீர்ப்பு கடந்த சனிக்கிழமை (27.09.2014) வழங்கப்பட்டது. தமிழகத்திலிருந்து இந்த வழக்கு கர்நாடக மாநிலத்திலுள்ள பெங்களூ ருக்கு மாற்றப்பட்ட நிலையில் விசாரணைகளை செவ்வனே நடத்தி வந்த சிறப்பு நீதிமன்றம் பரபரப்பு தீர்ப்பை சனியன்று வழங்கியது.

இதன்படி, ஜெயலலிதாவுக்கு 4 ஆண்டு காலச் சிறைத் தண்டனையும் 100 கோடி ரூபா அபராதமும் விதிக்கப்பட்டுள்ளது. அதேநேரம், அம்மாவின் சகாக்களான தோழி சசிகலா, வளர்ப்பு மகன் சுதாகரன். இளவரசி ஆகியோருக்கு 4 ஆண்டு கால சிறைத் தண்டனையும் 10 கோடி ரூபா அபராதமும் விதிக்கப்பட்டுள்ளது. ஜெயலலிதா உட்பட தண்டனை பெற்ற அனைவரும் இப்போது சிறையில் அடைக்கப்பட்டுள்ளார்கள்.

கலைஞர் கருணாநிதி தலைமையிலான தி. மு. க.வே ஜெய லலிதாவுக்கு எதிராக முதன் முதலில் வழக்கைத் தொடர்ந்தது. என்றாலும் அதில் போதிய ஆதாரங்கள் இல்லாததால். ஜனதாக் கட்சித் தலைவர் சுப்பிரமணியம் சுவாமி, முழுமையான ஆவணங் களுடன் மீள் வழக்குத் தாக்கல் செய்திருந்தார். இந்த வழக்கிற்கே பெங்களூர் சிறப்பு நீதிமன்றம் பரபரப்புத் தீர்ப்பை வழங்கி இருக்கிறது.

தனது வருமானத்திற்கும் மேலதிகமாக 66.65 கோடி ரூபா பெறுமதி யான சொத்துக்களை அவர் குவித்து வைத்திருந்தது நிரூபணமாகி இருக்கிறது.

பெங்களூர் சிறப்பு நீதிமன்றத்தின் நீதிபதி ஜோன் மைக்கல் டி குன் ஹாவின் இந்தத் தீர்ப்பு முழு இந்தியாவுக்கும் ஓர் அழுத்தமான செய்தியை வழங்கி இருக்கிறது.

தமிழக அரசியலிலும் இந்திய தேசிய அரசியலிலும் மிகவும் துணிச் சலும் தைரியமும் உள்ள அரசியல் பெண்ணாக அடையாளங் காட்டிக் கொள்ளப்பட்டவர் செல்வி ஜெயலலிதா. பிரிட்டனுக்கு ஓர் இரும்பு சீமாட்டியாகத் திகழ்ந்தவர் மார்க்கிரட் தட்சர் அம்மை யார். அதேபோல தமிழகத்தில் இரும்புச் சீமாட்டியாக தன்னைக் காட்டிக்கொண்டவர் ஜெயலலிதா. அ. இ. அ. தி. மு. க. ஸ்தாபகர் எம்.ஜீ.ஆருக்குப் பின்னர் கட்சித் தலைமையை பலாத்காரமாக கைப்பற்றிய இவர், பல நேர்மையான சிரேஷ்ட தலைவர்களின் அரசியல் வாழ்வுக்கு தமிழகத்தில் முற்றுப்புள்ளி வைத்தவரென்ற விமர்சனத்திற்குரியவர்.

தி. மு. க. ஆட்சிக் காலத்தில் ஊழல்களுக்கு எதிராக ஆணித்தரமாகத் தான் அம்மா குரல் கொடுத்து வந்தார். இப்போதுதான் புரிகிறது, தனது ஊழலை மறைக்கவே எதிர்க் கட்சிகள் மீது இவர் குரலை உயர்த்திப் பிடித்திருக்கிறார் என்பது.

தனது அதிகார வரம்பையும் மீறி மக்களின் சொத்துக்களைச் சூறை யாடி இருக்கின்ற ஜெயலலிதா ஜனநாயக அடக்குமுறைகளிலும் வரிந்து கட்டிக் கொண்டே செயற்பட்டவர். தமிழக சட்டசபையில் எதிர்க் கட்சிகளின் குரலை நசுக்கி எதிர்க் கட்சித் தலைவர் விஜயகாந்தைக்கூட சட்ட சபைக்கு வரமுடியாமல் நேரடி, மறைமுக அழுத்தங்களைக் கொடுத்தது மட்டுமல்ல, கலைஞர் கருணாநிதி முதல்வராக இருந்த போது கட்டிய அழகிய சட்ட சபைக் கட்டடத்துக்கு செல்லமாட்டேனென அடம்பிடித்து தனது அரக்கித் தனத்தைக் காட்டியவர் ஜெயலிதா. இப்போது சட்ட சபை பழைய கட்டடத்திலேயே செய்படுகிறது. இதேபோல, கருணாநிதி கட்டிய மிகப் பெரிய தேசிய நூலகத்தை தூக்கி எறிந்துவிட்டு தேசிய ஆஸ்பத்திரியாக மாற்றுவதற்கு முற்பட்டதும் இந்த அம் மணிதான்.

தி. மு. க. ஆட்சியில் செய்யப்பட்ட அத்தனை சமூகநலத் திட்டங் களையும் பொதுச் சொத்துக்களையும் அழித்துவிட்டு தான் தனது பெயரில் உருவாக்க வேண்டுமென்பதில் அடம்பிடித்த ஜெய லலிதா பழிவாங்கும் சுபாவம் உள்ளவர் என்பதை இந்திய அரசி யலில் நிரூபித்துக் காட்டியவர்.

இதனைவிடவும் கச்சதீவு விவகாரத்தையும், மீனவர் பிரச்சினையையும் வைத்து இந்திய மத்திய அரசுக்கு, அழுத்தத்துக்கு மேல் அழுத்தம் கொடுத்து தனது அரசியலை தக்க வைத்துக்கொள்ள முனைந்த இந்த போலி இரும்புச் சீமாட்டி இன்று அரசியல் எதிர் காலமே இல்லாமல் சிறைக்கூண்டினுள் மெளனியாகி நிற்கிறார்.

ஆம், ஜெயலலிதாவின் அரசியல் வாழ்வுக்கு பெங்களூர் சிறப்பு நீதிமன்றம் முற்றுப்புள்ளி வைத்துள்ளது.

என்றாலும், ‘அம்மா’.... என்ற அழுங்குப்பிடிக்குள் அ. இ. அ. தி. மு. க. வை ஜெயலலிதா சிறையினுள் இருந்து கூட கட்டுப்பாட்டினுள் வைத்திருக்கக் கூடும். அல்லது அதற்கும் முயற்சிக்கலாம். ஆனாலும் அடக்கு முறைக்குள் அடக்கி வைக்கப்பட்டிருந்த இந்தக் கட்சி உடைந்து சிதறி பலமிழந்து போவதை யாரும் தடுக்க முடியாது. வரலாற்று நியதியும் இதுதான். வன்முறைகள் தமிழகத்தில் தொடர்கின்றன. இந்த நிலையில், புதிய முதல்வரை கட்சி தேர்ந்தெடுத்தாலும் வன்முறை தொடர்ந்தால், ஆட்சிக் கலைப்புக்கு சாத்தியம் இருக்கிறது. சிலவேளை ஆளுநர் ஆட்சியும் ஏற்படுத்தப்படலாம்.

(தினகரன்)