மன இறுக்கம்(Autism) என்ற சமூகக் குறைபாடு

(சாகரன்)

இன்று உலக மன இறுக்க விழிப்புணர்வு நாள் (World Autism Awareness Day) மன இறுக்கம் என்றால் என்ன? இது ஒருவகை உளவியல் கோளாறுதான். புதிய பரபரப்பான வாழ்க்கை முறை உடலில் உள்ள உயிரியல் குறைபாடுகளை மேலும் தூண்டி இதன் அளவுகளை கூட்டிவருகின்றது என்பதே என் பார்வை. உறவுகளை வாஞ்சையுடன் அணுகி அளவளாவி அன்பு செலுத்தாதது இந்த மன இறுக்கம் குறைப்படாமல் போவதற்கு ஒரு முக்கிய காரணமாக அமைகின்றது என்பது விஞ்ஞான ஆய்வுகளின் முடிவு. இந்த குறைபாடு தீர்கப்பட முடியாததா? தீர்கப்பட முடியும் என்பதே பதில். எனது பௌதிகவியல் ஆசிரியர் கருணாகரன் அடுக்கடி கூறுவார் யாழ் இந்துக்கல்லூரியில் படித்து சித்தியடையாவதவன் எப்படி லண்டன் சென்று கணக்கியலாளராகவும், எந்திரவியலாளராகவும் மாறமுடியும் என்று 19070 களின் நடுப்பகுதியில் வெளிநாடுகளுக்கு 'மேற்படிப்பு' இற்காக செல்பவர்களைப் பார்த்து பகிடிவிடுவார். இதனைத் தொடர்ந்து அவரே இப்படியும் கூறுவார் 'பாஷை அதிகம் தெரியாத நாடு ஒன்றில் வெளியில் அதிகம் செல்லாமல் தமது கவனத்தை ஒருமுகப்படுத்தும் திறமையை இவர்கள் படிப்பில் வெளிப்படுத்துவதினால் இவர்களால் வெற்றியடைய முடிகின்றது' என்று.

இங்கு ஒன்றைக் கவனிக்க வேண்டும் மனதை ஒருவழியில் ஒரு முகப்படுத்துதல் என்பது இங்கு மனிதனை வெற்றப்பாதைக்கு அழைத்துச் செல்கின்றது என்பதை. இதே மாதிரியான ஒரு தறையில் தறமையானவரகளா விளங்கும் மனம் இறுக்கத்தின் பாதிபுக்குள்ளானவர் களை நாம் பார்க்க முடியும். ஆனால் இப் பாதிப்புக்குள்ளானவர்கள் சரியான வகையில் இனம் காணப்பட்டு ஊக்கிவிக்கப்பட்டால் மட்டும் இது சாத்தியம். இது பற்றி taare cameen par என்ற ஒரு நல்ல திரைப்படத்தை அமீர் கான் நடித்து வெளியிட்டிருந்தார். தற்போதைய பரபரப்பான சமூக வாழ்வில் எல்லோரும் பார்த்து கற்றறிய வேண்டிய திரைப்படம் இது. இதில் மன இறுகத்திற்குள்ளான ஒரு சிறுனை எவ்வாறு ஒரு ஆசிரியராக இருந்து இதிலிருந்து மீட்டு இச்சிறுவனின் திறமையை சமூகம் போற்றும் அளவிற்கு கொண்டு வருகின்றார் என்பதை மிக அளகாக பதிவு செய்திருப்பார்.

நான் சிறுவனாக இருந்தபோது எனது கிராமமாகிய இடைக்காட்டில் மாணிக்கன்(ம்) என்றொருவர் இருந்தான். இவனை யாவரும் புத்தி குறைவானவன் என்றே பழித்துத் திரிவர். ஊரில் யாராவது தற்செயலாக புத்திக்குறைவான காரியத்தை செய்தால் அவர்களைப் பார்த்து 'சரியான மாணிக்கன் நீ' என்று திட்டும் அளவிற்கு ஒரு வகை குறியீடாக பார்க்கும் அளவிற்கு இவன் எள்ளி நகையாடப்பட்டான். இவனின்; வீட்டில் கோழிப்பண்ணை இருந்தது. இதற்குள்ளேயே இவனின் இரவுத் தூக்கம் அமையும். சாப்பாட்டில் அதிக விருப்பம் உடையவன். ஆனால் மன முதிர்வு அற்ற? இவனை அக்கறையுடன் அணுகுவதற்கு பதிலாக, தண்டனை போல் நல்ல சாப்பாடு கொடுப்பதில்லை. எனவே இரவில் கோழிகளுக்கு காவலாக கோழி கூட்டினுள் படுக்கும் இவன் கோழி இடும் பச்சை முட்டை சிலவற்றை பதம் பார்த்துவிடுவான். கூடவே இடையியே விடியற் காலை கோழிப்பண்ணைக் காவலால் நித்திரை விட்டெழும்பி வரும் போது கோழியொன்றை திருகி கையால் தூக்கியபடி 'கோழி ஒன்று (தானாக) செத்துவிட்டது' என்ற கதையுடன் வெளியில் வருவான். இப்படிச் செய்தால்தான் கோழி இறைச்சி சாப்பாடு கிடைக்கும் என்ற 'செடிவு' இவனுக்கு.

இவனிடம் இருந்த மன இறுகத்தை யாரும் இனம்காணவில்லை, மாறாக எள்ளி நகையாடியதும், அவமானப்படுத்திதும் எனக்கு நல்ல ஞாபகமாக இருக்கின்றது. ஆனால் இவன் எமது கிராமத்துப் பாடசாலைக்கு சென்று வரும் பிள்ளைகளுக்கு பாதுகாப்பாக எப்போதும் சென்று வருவது, யார் என்ன வேலை கேட்டாலும் மறுக்காமல் செய்தல், வயது முதிந்தவர்களை அரவணைத்துப் போதல், இவர்களின் தலைச் சுமையை தானே கொண்டு சென்று கொடுத்தல் போன்ற மிக நல்ல காரியங்களைச் செய்வான். இதனை 'பேயன்' ஏமாந்து செய்கின்றான் என்று பார்த்தவர்களே அதிகம். இதனுடன் கூடவே காலையும், மாலையும் தனது வீட்டில் கடவுளை கும்பிடும் நேரங்களில் தேவாரங்களை உரத்த குரலில் சரியாக பாடுவார். இதேபோல் தனது குல தெய்வத்தின் சந்நிதியிலும் தினமும் மாலை நேரம் அச்சுபிழைக்காமல் இராகத்துடன் தேவாரங்களை ஒப்புவிப்பான்.

இத்தனைக்கும் இவரின் தகப்பனார் ஒரு ஆசிரியர். இவரை ஒரு தடவையேனும் பாடசாலைக்கு அனுப்பியது இல்லை. வீட்டில் பாடங்கள் சொல்லிக் கொடுத்ததும் இல்லை. மன இறுக்கம் உள்ள மாணிக்கன், யாராவது ஒருவர் புத்திக் குறைவான வேலைகள் செய்யும் போது இவர்களை எள்ளி நடையாடுவதற்கு மட்டும் குறியீடாக பாவிகப்பட்டானே ஒழிய இவரிடம் (கவனிக்க 'னி' அல்ல 'ரி') உள்ள திறமைகள் அடையாளம் காணப்பட்டு இத்துறையில் இவர் ஊக்கிவிக்கப்படவில்லை. இவரின் தேவைகள் அக்கறையுடன் அணுகப்படவில்லை. இப்படி செய்திருந்தால் இவர் கிராம மட்டதிலாவது ஒரு சிறந்த பாடகனாக. எல்லோருக்கும் உதவும் நல்லாளனாக பரிணமித்திருப்பான். என்ன இறுதியில் திருமண வயதைத் தாண்டியும் தாய் தந்தையரை அண்டிப் பிழைத்து இறந்தே விட்டான். இது எமக்கொரு பாடத்தை சொல்லிச் செல்கின்றது. மாணிக்கர் சரியான முறையில் இனம் காணப்பட்டு வாஞ்சையுடன் நெறிப்படுத்தப்பட்டால் இவர்கள் மனிதருள் மாணிக்கமாக வரமுடியும்.

தற்போதைய பரபரப்பான வாழ்வில் ஒருவருடன் ஒருவர் கதைத்து, பேசி, அளவளாவ நேரமின்மை என்ற ஓட்டங்கள் எங்கள் யாபேரையும், மன இறுக்கம் உள்ளவர்கள் பிறருடன் கதைக்க விரும்பமாட்டார்கள் உன்ற முக்கிய குறைபாட்டிற்குள் தள்ளிச் சென்று முழு மனித குலத்தையும் ஒரு மன இறுக்க குறைபாட்டாளர்களாக மாற்றி வருகின்றது என்ற எச்சரிகை மணியை அடித்திருக்கின்றது. இதிலிருந்து மனித குலம் மீளவேண்டுமாயின் அன்பை செலுத்தும் அன்புள்ளங்கள் அளவளாவும் நிலைகள் அதிகரிக்க வேண்டும்;. முயலுவோம் என்று உலக மன இறுக்க விழிப்புணர்வு நாள் அன்று செயற்படுவோம்.
(மாணிகம் போன்று எம்மால் தொலைக்கப்பட்ட அனைத்து ஜீவன்களுக்கும் சமர்பணம். இந்தக் கட்டுரையில் இடம்பெற்ற சம்பவங்கள் யாரின் மனதையும் காயப்படுத்தும் நோக்கில் குறிப்பிடப்படவில்லை என்பதை தெளிவுபடுத்த விரும்புகின்றேன்)
(Apr 03, 2015) (Saakaran)

அமைதி சமாதானம் ஜனநாயகம்

www.sooddram.com