19, 20 நிஜமா? நாடகமா? 13 காணமல் போய்விட்டதா?

(சாகரன்)

பாராளுமன்றத்தில் 19, 20 திருத்தச் சட்ட மூலங்கள் சகலரதும் ஆதரவுடனனேயே அங்கீகரிகக்படலாம், நிறைவேற்றப்படலாம் என்ற சூழ்நிலையில் பசில் ராஜபக்ஷவின் இலங்கை திரும்பிய நிகழ்வும் அதனைத் தொடர்ந்த கைதும் இடம் பெற்றுள்ளது. இதன் இன்னொரு முனையாக கோட்டா மீதான் விசாரணை என்று மறு முனையும் திறக்கப்பட்டுள்ளது. இவற்றிறகு எதிர்ப்பு தெரிவித்து சுதந்திரக்கட்சி ஆதரவாளர்கள், கட்சி அபிமானிகள் அரசியல்வாதிகள் ஆர்ப்பாட்ட ஊர்வலம் என்றும் புறப்பட்டுள்ளனர். கூடவே மகிந்த ராஜபக்ஷ உம் லஞ்ச ஆணைக்குழுவின் முன் தோன்றி வாக்கு மூலம் கொடுக்க வேண்டும் என்ற செயற்பாடும் இதனைத் தொடரந்து பாராளுமன்றத்தினுள் போராட்டம் என்ற பல முனைத் செயற்பாடுகளும் இதற்கு எதிரான சுதரக்கட்சியினரின் எதிர்பலையும் உருவாகி வருகின்றது. இந்நிலையில் 20 திகதி பாராளுமன்றத்தில் விவாதத்திற்கு எடுத்துக்கொள்ளப்படவிருந்து சட்டமூலங்களின் விவாதத் தேதிகள் பின்போடப்பட்டுள்ளன.

இதே வேளை சகலரும் கட்சி வேறுபாடுகள் இன்றி இவ்விரு சட்ட மூலங்களும் நிறைவேற்றுவதற்கு ஒத்துழைப்புக் கொடுக்க வேண்டிய கோஷங்களும் முன்வைக்கப்படுகின்றன. இவை எல்லாவற்றையும் கூட்டிக் கழித்து பார்க்கும் போது ஒருமித்த ஆதரவுத் தளத்தை உருவாக்கும் தட்ப, வெப்ப நிலiமைகள் இலங்கை அரசியலில் குறிப்பாக பாராளுமன்றத்தில் தோன்றுவதற்கான வாய்ப்புக்கள் குறைவாக இருப்பதாகவே தோன்றுகின்றது. மைதிரியின் அரசியல் சாணக்கியம் இதில் அடிபட்டுப் போவது போல் தோன்றுகின்றது. அல்லது பூட்டி அறைக்குள் எல்லாவற்றையும் திட்டமிட்டே விடயங்கள் சமரசமாகி வெளித்தோற்றத்தில் சட்ட மூலத்தை நிறைவேற்றுகின்றோம் என்ற நாடகங்கள் அரங்கேறுகின்றனவோ என்ற ஐயப்பாடும் ஏற்படுகின்றன. இந்த நாடகங்களின் முடிவு பாராளுமன்றம் போதிய ஆதரவு தரவில்லை இதனால் சட்ட மூலங்களை நிறைவேற்ற முடியாமல் போய்விட்டது என்ற தப்பித்தலாகக் கூட இருக்கலாம்.

இதில் இன்னொரு விடயமும் கவனிக்கப்பட வேண்டியுள்ளது. 19 உம் 20 உம் முன் தள்ளப்பட்டு 13 காணமல் போயுள்ள நிலமையில் இலங்கை பாராளுமன்றம் தற்காலிக வெற்றியை அடைந்திருக்கின்றதை யாரும் கண்டு கொண்டதாக தெரியவில்லை. இலஞ்சக் குற்றவியல் சம்மந்தமான கைதுகள் 19, 20 சட்மூலங்கள் நிறைவேற்றப்பட வேண்டும் என்பதை நடைமுறையில் சாத்தியப்படுத்துவதற்கான அணுகு முறைகளில் தவறுகள் இருக்கின்றன என்பதே எமது சுட்டிக்காட்டலாகும் மறுவளத்தில் விசாரணை, சட்மூலம் இயற்றுதல் இதற்கு சகலரது ஆதரவையும் திரட்டி பெரும்பான்மையுடன் அல்லது மூன்றில் இரண்டுடன் நிறைவேற்றவேண்டும் என்பதில் எமக்கு மாற்றுக் கருத்து இல்லை.

மீண்டும் ஒரு கண்டியாத்திரையும், டட்லி செல்வா ஒப்பத்தம் கிளித்தெறிதலும், சந்திரிகாவின் தீர்வுப் பொதி கொழுத்தப்பட்டதும், நோர்வே அனுசரணையுடன் இடைக்கால நிர்வாகத்தை ஏற்படுத்தலை பாலசிங்கம் ஏற்க பிரபாகரன் மறுத்து கருணாவிற்கு தண்டனைக்காக கைது செய்தல் என்ற அரசியல் தோல்விகள் நடைபெறக் கூடாது என்ற ஆதங்கம்தான் எமக்கு. அதிகாரத்தை பகிந்தளிப்பதல் மனம் ஒவ்வாமையே மேலே சொன்ன சகல சந்தர்பங்களிலும் உள்ள பொதுவான விடயம் ஆகும். அதிகாரங்கள் பகிர்தளிகப்பட்டு பன்முகப்படுதப்பட்ட தலைமை ஏற்படுத்தப்படாதவிடத்து இலங்கையில் நிலவும் அரசியல் பிரச்சனைக்கு தீர்வுகாண முடியாது. இது மத்திக்கும் மகாணத்திற்கும் பொருந்தும் தனியொருவரிடம் அளவுக்கு மீறிய அதிகாரம் குவிந்திருத்தல் என்ற பொறி முறையே உலகில் ஏற்பட்ட சகல அரசியல் தோல்விகளுக்கும் காரணமாகும். இது விடுதலைப் போராட்டங்களுக்கும் பொருந்தும். வடுதலை பெற்ற நாடுகளுக்கும் பொருந்தும். இது தமிழருக்கு மட்டுமு; அல்ல முழு இலங்கைக்கும் ஏன் முழு உலகிற்கும் பொருந்தியே இருக்கின்றது.
(Saakaran) (சித்திரை 26, 2025)

அமைதி சமாதானம் ஜனநாயகம்

www.sooddram.com