சிறுபான்மை இனங்களின் ஐக்கியத்தை பலப்படுத்த

கிழக்கு மாகாண முதல் அமைச்சராக மூஸ்லீம் ஒருவரையே முடி சூட்ட வேண்டும்

(சாகரன்)

இலங்கையில் ஜனாதிபதித் தேர்தலில் அசைக்க முடியாது என்றிருந்த மகிந்தாவை தோற்கடித்து மைத்திரி ஜனாதிபதியானார். இந்த மாற்றத்திற்கான பாய்ச்சலில் பெரும்பாலும் தொண்டமானின் மலையக காங்கிரஸ் கட்சி டக்ளஸ் இன் வடக்கு ஈபிடிபி தவிர்ந்த ஏனைய சிறுபான்மை கட்சிகள் யாவும் மைதிரியை ஆதரிப்பதற்காக ஓரணியில் திரண்டன. சிறப்பாக முஸ்லீம் கட்சிகளும், தமிழ் தேசியக் கூட்டமைப்பும் ஒரு அணியில் இணைந்து மைதிரியின் வெற்றிகாக உழைத்தன. இந்த இயைவு மகிந்தாவை தோற்கடிக்கும் ஒரு மாற்றத்திற்கான இணைவுகளே அன்றி வேறு எந்தவகையான புரிந்துணர்வு, கொள்கைகளின் அடிப்படையிலான இணைவுகள் அல்ல என்பது யாவுரம் அறிந்ததே. 30 வருடப் போரினால் இலங்கையின் சிறுபான்மையினங்கள் மேலும் நலிவடைந்த நிலையில் நசுங்கி இருப்பது என்பது யதார்த்மான விடயம். இலங்கை அரசுடன் மல்லுகட்டியவர்களும், இணைந்திருந்தவர்களும் சிறுபான்மையினரின் பலத்தை கட்டியெழுப்ப முடியவில்லை. இதற்கான இடைவெளிகளை பேரினவாத அரசுகளும் வைத்திருக்கவில்லை.

இந்நிலையில் போருக்கு பின்னரான தேர்தல் முறையிலான அரசியல் பயணத்தில் சிறுபான்மை இனங்கள் தமக்கிடையே முன்பு எப்போதையும் விட அதிகமாக இணைந்திருத்தல் என்பது தமது சமூகம் சார்ந்த நலன்களைப் பாதுகாத்தல் என்பதற்கு அப்பால் தமது இருப்பையும் தக்கவைத்துக்கொள்வதற்கான அடிப்படையான தேவையாக இருந்து வருகின்றது. ஆனால் குறிப்பாக தமிழ், முஸ்லீம் மக்களிடையே இவ்வாறான இணைப்பு, பிணைப்புக்களை ஏற்படுத்த இரு தரப்பிலும் உள்ள செல்வாக்கு பெற்ற கட்சிகள் கடந்த காலங்களில் தவறிவிட்டன, தொடர்ந்தும் தவறியே வருகின்றன. இது ஒரு ஆபத்தான போக்காகும் வடக்கிலிருந்து புலிகளால் கலைக்கப்பட்ட முஸ்லீம் மக்களை யுத்தம் முடிவுற்ற இந்த ஐந்து வருடங்களில் மகிந்தாவுடன் மல்லுக்கட்டிய தமிழ்த் தேசியக் கூட்டமைப்போ அல்லது மகிந்தாவுடன் நல் உறவில் இருந்த ஈபிடிபியோ முஸ்லீம் மக்களுக்கு புலிகளால் ஏற்பட்ட காயங்களை ஓத்தடம் கொடுக்கும் அளவிற்காகவது ஏதம் செய்யவில்லை என்றே பார்க்ப்படவேண்டியுள்ளது. இவர்களின் பிரநிதித்துவத்தை கருத்தில் கொண்டு தேர்தல் அரசியலில் பதவிப் பிரதிநிதித்துவம் கொடுக்கவில்லை என்பதே உண்மை நிலையாகும்.

இந்நிலமை இன்று தமிழ் மக்களின் பாரம்பரிய பிரதேசம் என்று ஒருகாலத்தில் பறைசாற்றிக் கொண்ட கிழக்கு மாகாணத்தில் பாரிய சவாலாக முளைத்திருக்கின்றது. ஏறக்குறைய மூவின மக்களையும் சமமாக தன்னகத்தே கொண்டுள்ள மாகாண ஆட்சியில் சகோதரத்துவத்தின் அடிப்படையில் தமிழ், முஸ்லீம் கட்சிகள் இணைந்து செயற்படும் ஆரொக்கியமான நிலமைகள் இல்லாது இருப்பதையே அவதானிக்க முடிகின்றது. கிழக்கு மாகாணத்தின் முதல் ஆட்சிக்காலத்தில் ஆட்சிக்காலம் முழுவதும் தமிழ் முதல் அமைச்சர் ஆட்சியில் இருந்தது இங்கு கவனத்தில் எடுத்துப்பார்கப்பட வேண்டிய ஒன்றாகும். எனவே இந்த இரண்டாவது ஆட்சிக்காலத்தில் ஒரு முஸ்லீம் சமூகத்தவரே முதல் அமைச்சராக இருக்க அனுமதிக்கப்படவேண்டும் என்பதில் இருக்கும் தர்க்க நியாயங்களை தமிழ் தரப்பு சிறப்பாக தமிழ் தேசியக் கூட்டமைப்பு ஏற்றுக்கொண்டே ஆகவேண்டும்.

இவ்வாறு தமிழ் தரப்பு செயற்படுவது என்பது நிச்சயம் முஸ்லீம், தமிழ் மக்களுக்கிடையே உறவுகள், சகோதரத்துவம் மேம்பட நிச்சயம் உதவும். வுடக்கு கிழக்கு இணைந்த மாணசபை ஆட்சிக்காலத்தில் வடக்கு கிழக்கில் இருந்த மூவின மக்களுக்குமான பிரதிநிதித்துவத்தை மந்திரி சபையில் பேணியது என்பது பாரிய நமிபிக்கைகளை ஏற்படுத்தியது என்பது வரலாற்று உண்மைகள். கூடவே அன்று மாகாணசபையின் எதிர் கடசியாக இருந்த முஸ்லீம் காங்கிஸுடன் நல்ல புரிந்துணர்வுடன் ஆளம் கட்சி செய்றபட்டதை முஸ்லீம் காங்கிரஸ் இன்றும் ஏற்றுக்கொள்ளும். இந்த மாகாண சபையின் இறுதிக்காலத்தில் இலங்கை அரசின் புலிகள் இணைந்திருந்த கல்முனை அதிரடிப்படை மக்கள் பாதுகாப்பு படையிடையே ஏற்பட்ட மோதலில் பல இலங்கை அரசின் அதிரடிப்படையினரும், புலிகளும் கொல்லப்பட்டனர். இதில் சிறை பிடிக்கப்பட்ட அதிரடிப்படையினர் கொல்லப்பட்டனர் இதில் அனேகர் முஸ்லீகளாக இருந்தனர். அதிரடிப்படைக்கு எதிரான இந்த நிகழ்வை முற்று முழுதான முஸ்லீம் சமூகத்திற்கு எதிரான செயற்பாட்டாக திரிக்க முயலுவது கண்டனத்திற்குரியது. இந்த மகாண சபை ஆட்சிக்காலத்தில் நடைமுறைத் தவறுகள் நடைபெற்றதாகவும் இதற்கான சுயவிமர்சனங்களை பல தளங்களில் பல்வேறு பொறுப்பு வாய்தவர்களும் ஏற்றுக் கொண்ட பின்பும் வசைபாடும் நோக்கோடு மீண்டும் மீண்டும் கிளறுவது கெட்ட அரசியல் நோக்கத்துக்கானது என்பது வெளிப்படை. இதிலும் குறிபாக தவறுகள் எல்லாவற்றையும் வரதராஜப்பெருமாளே செய்தார் என்ற பொருள்பட எழுதுவது தனிப்பட்ட முறையில் ஒருவர் மீதான காழ்ப்புணர்சியின் வெளிப்பாடுகளே ஆகும். இது ஒரு ஆரொக்கியமான செயற்பாடும் அல்ல. இந்த ஆடசிக்காலத்தில் நடைபெற்ற சிறப்புகளுக்கும் தவறுகளுக்கும் ஒரு கூட்டுப்பொறுப்பே பொறுப் பேற்க வேண்டும் இதுதான் அரசியல் தர்மம். நெறிமுறையும் ஆகும் மாறாக தனிபட்ட ஒருவர் அல்ல என்பதை பொதுவாழ்வில் அறிந்திருப்பார்கள் என நம்புகின்றோம்

தத்துவார்த்த ரீதியான, அரசியல் வேலைத்திட்டங்கள், செயற்பாடுகள் பற்றிய விமர்சனங்களை ஆரொக்கியமான தளங்களில் நேர்மையாக முன்வைக்கும் செயற்பாடுகள் தவறுகளை களைந்து முன்னேற்றப்பாதையில் செல்ல வழிவகிக்கும். மாறாக மூன்றாம்தர பொய்மைகளை கொண்டு வசையாடும் செயற்பாடுகள் சமூகங்களின் இணக்கத்திற்கும், ஐக்கியத்திற்கும், சேர்ந்து செயற்படுவதற்கும் உதவப் போவதில்லை. சிறுபான்மை இனங்களிடையே ஐக்கித்தை வலுப்படுத்த நம்பிக்கை தரும் குறியீடாக ஐனாதிபதி மாற்றத்தினால் ஏற்பட்ட கிழக்குமாகாணசபை ஆட்சி மாற்றதில் முஸ்லீம் சமூகத்தை சேர்ந்த ஒருவரை எல்லோரும் இணைந்து மூடிசூட்டுவதே ஆரொக்கியமான நகர்வாக அமையும் இதனை சம்மந்தப்பட்ட அனைவரும் உணர்ந்து செயற்படுவார்கள் என்று நம்புகின்றோம். வடக்கில் போரின் பின்னரான கடந்த 5 வருடங்களில் பல்வேறு தளங்களில் கிடைத்த வாய்ப்புகளை நழுவவிட்ட தமிழ்தரப்பு கிழக்கில் இதனை நிவர்த்தி செய்யவேண்டும் என்பதே எமது எதிர்பார்ப்பு ஆகும்.
(சாகரன்)
(மாசி 06, 2015)

அமைதி சமாதானம் ஜனநாயகம்

www.sooddram.com