யோசித்து சொல்லுங்கள்.. என்று விடை பெற்றுச் சென்ற மலரவன் இதற்கு பின்பும் ஓரிரு சந்தர்ப்பங்களில் இப்பிரமுகரை சந்திக்க நேர்ந்தது. இயக்கத்தில் சேருங்கள் என்று அப்போதெல்லாம் மலரவன் கோரினாரே ஒழிய துப்பாக்கியை இயக்கவே இல்லை.
இப்பிரமுகரின் பெயர் பசுபதி சீவரத்தினம் என்பதாகும். ஆயினும் கி. பி என்று மக்களால் அன்பாக அழைக்கப்படுகின்றார். கிராமத்து பிள்ளை என்பதே கி. பி என்பதன் விரிவாக்கம் ஆகும். இவர் கிராமங்கள் தோறும் சென்று மக்கள் நலன் சார்ந்த வேலைகளில் அர்ப்பணிப்புடன் ஈடுபட்டு வருகின்றமையால் மக்கள் இவருக்கு வழங்கிய பட்டமே இது. இவர் குறிப்பாக ஒடுக்கப்பட்ட மக்களின் குரலாக ஒலித்துக் கொண்டே இருக்கின்றார்.
இவரின் ஒரு கண்ணாக ஈழ மக்கள் புரட்சிகர விடுதலை முன்னணியின் தலைவர் பத்மநாபாவையும், மற்றைய கண்ணாக ஈழ மக்கள் ஜனநாயக கட்சி செயலாளர் நாயகம் டக்ளஸ் தேவானந்தாவையும் கொண்டிருக்கின்றார். ஈழ மக்கள் புரட்சிகர விடுதலை முன்னணியின் தேசிய அமைப்பாளராக விளங்கினார். இப்போது ஈழ மக்கள் ஜனநாயக கட்சியின் தேசிய அமைப்பாளராக விளங்குகின்றார். இவர் முதலாவது வடக்கு – கிழக்கு மாகாண சபையில் உறுப்பினராக இருந்தவர்.

பாரம்பரிய மற்றும் சிறுகைத்தொழில் அபிவிருத்திகள் முயற்சிகள் அமைச்சராக டக்ளஸ் தேவானந்தா விளங்கியபோது பசுபதி சீவரத்தினத்தை பனை அபிவிருத்தி சபைத் தலைவராக நியமித்தார். பனை அபிவிருத்திச் சபை வரலாற்றிலேயே பசுபதி சீவரத்தினம் தலைவராக பதவி வகித்த காலம் பொற்காலம் என்று அனைத்துத் தரப்பினராலும் ஏற்றுக் கொள்ளப்படுகின்றது. எதிர்வரும் நாடாளுமன்ற தேர்தலில் ஈழ மக்கள் ஜனநாயக கட்சியின் நம்பிக்கை நட்சத்திரங்களில் ஒருவராக இவர் யாழ்ப்பாண தேர்தல் மாவட்டத்தில் போட்டியிடுகின்றார்.

(எனக்கு மிகவும் நெருக்கமாக கி.பியைத் தெரியும். நாங்கள் பல கிராமங்களில் இணைந்தே வேலைகள் செய்தும் இருக்கின்றோம். இன்று வரை மக்கள் சேவையில் நான் நம்பிக்கை வைக்கும் போராளிகளில் முதன்மையானவர். நான் அறிந்த வரை கி.பி என்பது 'கி'ருஷ்ண'பி'ள்ளை என்ற பெயரின் சுருக்கமாவே இருந்ததாக அறிகின்றேன். இந்தப்பெயர் தலைமறைவு இயக்கச் செயற்பாட்டிற்காக இடப்பட்ட பெயர் ஆகும். ஆனாலும் கிராமத்துப் பிள்ளை என்பதற்கும் மிகவும் பொருத்தமானவர். இன்று 'வாழ்வியலை' நோக்கி டக்ளஸ் உடன் சேர்ந்து செயற்படுகின்றார். மற்றபடி இவர் டக்ளஸ் ஐ அதிகம் நேசிப்பவரா என்பது அவரிடமே கேட்டு அறிந்து கொள்ளுங்கள் என்று மட்டும் சொல்வேன்.

கடந்த பாராளுமன்றத் தேர்தலில் வெற்றி பெற்று இருக்க வேண்டியவர் விருப்பு வாக்கு என்ற முறையில் உள்ள குத்து வெட்டுக்களினால் சொற்ப வாக்குகளில் தோற்றுப் போனவர். இம்முறையும் இதே விருப்பு வாக்கு முறை இவரைப் பலிக்கடா ஆக்குமா என்பதே இன்றைய கேள்வி. பாராளுமன்றக் கதிரைகளின் சுகங்கள் ஒரு கட்சிக்குள்ளேயே பரஸ்பரம் காலைவாரும் செயற்பாடுகளைத் தூண்டும் செயற்பாடுகளை ஊக்குவிக்கும். இதில் கொள்கை என்ன? கோடபாடுகள் என்ன? எல்லாம் நாற்காலியைப் பிடிக்கும் ஓட்டங்களே நடைபெறும். இதில் கிபி போன்ற மக்கள் சேவையை அதிகம் நேசிக்கும் போராளிகளுக்கு வாய்ப்புக்கள் இல்லாது போவது துர்அதிஷ்டமே!

கிபி தனது கொள்ளைகளில் விலைபோகாதவர் மக்களை நேசிப்பவர் எல்லாம் சரி. ஆனால் புலிகளின் மலரவன் கொல்லாமல் விடும் அளவிற்கு நல்லவன் அல்ல, வேணும் என்றல் குருநகர், பாசையூர் மக்களை கேட்டுப்பாருங்கள். பாதிரியிடம் சரணடைந்த பொதுமகனை பாதிரி மீண்டும் புலிகளிடம் ஒப்படைக்க இஸ்திரிகைப் பெட்டியினால் அந்த பொது மகனின் உடம்பெல்லாம் சூடுபோட்டு சித்திரை செய்து கொலைகள் செய்தவன். இந்த நிகழ்வு ஒன்றே போதும் மலரவனின் செயற்பாடுகள் பற்றி எடுத்தியம்ப. மலரவன் போராளியா...? இல்லவே...இல்லை... கொலையாளி...... பாசிஷவாதி..... - சாகரன்)

அமைதி சமாதானம் ஜனநாயகம்

www.sooddram.com