அழிக்கப்பட்ட ஆற்றல்களும்! மனித நேயங்களும்!!

ஜனநாயகம், மனித நேயத்தின் குறியீடு தோழர் பத்மநாபா

(தோழர் ஜேம்ஸ்)

தோழர் பத்மநாபா கொலை செய்யப்பட்டு இருபத்தைந்து ஆண்டுகள் ஓடிவிட்டன. மனிதநேயம் மிக்க ஒரு ஆளுமை மிக்க தலைமை எம்மைவிட்டுப் பிரிக்கப்பட்டு கால் நு10ற்றாண்டு ஓடிவிட்டது. ஈழவிடுதலைப் போராட்டம் ஆயுதம் தூக்கிய போராட்டமாக பரிணாமம் அடைவதற்கு முன்னேயே தமிழ் மக்கள் மத்தியிலிருந்த ஆதிக்க வர்க்கம் சாதியம் என்பதை தூக்கிப்பிடித்து தனது கொலை சன்னதங்களை பல இடங்கள் ஆடி பலியெடுத்திருந்தாலும், ஈழவிடுதலை அமைப்புகளினால் பலி எடுகப்பட்ட உயிர்களே பலராலும் அறியப்பட்டதாகவும், பேசப்பட்டதாகவும் இருந்து வருகின்றது. 1970 களின் பிற்பகுதி. 1980 களின் ஆரம்ப பகுதிகளில்; தமது 'கொள்கை' களுக்கு முரணாக செயற்பட்டார் என்று இரகசியமாக தொடங்கப்பட்ட பலி எடுப்புக்கள் 1983 களின் பிறபகுதியில் மாற்று அமைப்புக்களின் உறுப்பினர்களை பலி எடுத்தல் இதற்கு நியாயங்களை கற்பித்தில் என்ற பரிணாம வளர்ச்சியில் வந்து நின்றது. அது சுந்தரத்தின் படுகொலையாக இருக்கலாம் இன்பம், செல்வத்தின் படுகொலையாக இருக்கலாம் இவை இந்த வகை கொலைகளின் வடிவங்களே. இவை தம்மோடு ஒருகாலத்தில் ஒன்றாக இருந்து மாற்று வழியில் தமது போராட்ட பாதையை புதிய அமைப்பு ஊடாக முன்னெடுத்த வகைக்குள் அடங்கின.

 இதன்போது ஒரு பகுதி மக்கள் மௌனம் காத்தனர், இன்னொரு பகுதியினர் கொலைகளை நியாப்படுத்தினர் அல்லது நியாயப்படுத்த வற்புறுத்தப்பட்டனர். இதன் தொடரச்சியாக மாற்றுக் கருத்துக்களைக் கொண்ட அமைப்புக்களின் ஆளுமை மிக்க செயற்பாடளர்கள் அழித்தொழிக்கம்பட்டனர்.  இந்த வகையில் தோழர் றேகன், தோழர் அமீன் போன்றவர்கள்; உள்ளடக்கப்பட்டார்கள். இவ் அழித்தொழிப்பிற்கு கொலை செய்தவர்களால் கூறப்பட்ட காரணங்கள் எதிரி என்று நினைத்து சுட்டுக் கொலை செய்து விட்டோம் என்பதே. இதனை முன்னின்று செயற்படுத்தியவரகள் புலித் தலைவர பிரபாகரனின் சீடர்கள் கிட்டு. மாத்;தையா. சுந்தோழம். கருணா போன்றவரகள். இதேவேளை, சமகாலத்தில் ஒரு பகுதி மக்களின் அழுந்தங்களால் விடுதலை இயக்கங்களிடையே ஐக்கியம் என்ற செயற்பாடுகளும் முன்னெடுகப்பட்டே வந்தன. இதனால் கொலைகளை கொலைகளால் சந்திக்காமல் சகோதர யுத்தத்தை தவிர்த்தே வந்தனர் பல விடுதலை அமைப்புக்கள். இதனை தனக்கு சாதகமா பயன்படுத்தி தொடரந்தும் தனது மேலாதிக்க சிந்தனையில் உருவான கொலைகளை அரங்கேற்றுவதில் தமிழீழ விடுதலைப் புலிகள் முனைப்புடன் செயற்பட்டனர்.

இந்த கொலைகளுக்கு எதிரான மக்கள் மத்தியிலிருந்து எழும்பிய முணுமுணுப்பை தமது துப்பாக்கிகளைக் கொண்டே பயமுறுத்தி அல்லது சமகாலத்தில் 'வெற்றிகரமான' இராணுவத் தாக்குதல் மூலம் திசை திருப்பி வந்ததில் இவர்களின் தந்திரோபாயம் வெற்றி பெற்றதுபோல் தோற்றம் கண்டது என்னமோ உண்மைதான். பயத்தின் காரணமாகவும் சுடுபவர்கள்தான் வெல்லுவார்கள், அவர்களை அண்டிப் பிழைத்தால் தமக்கு சலுகைகள் கிடைக்கும் என்ற காரணங்களினால் மௌமாகவும், சோடா உடைத்துக் கொடுத்தும் உற்சாகப்படுத்தியும் ஒரு தேசிய இன விடுதலைப் போராட்டத்தை படுகுழியில் முள்ளிவாய்கால் வரை கொண்டு வந்து தள்ளியதில் இந்த மௌனங்களும், சோடா உடைப்புக்களும் பெரும் பங்காற்றிவிட்டன என்பதை இந்த போராட்டம் சார்ந்த மக்கள் இன்று கூட உணர்ந்திருக்கின்றார்களா என்றால் இல்லை என்பதே தற்போதைய துர்ப்பாக்கிய நிலையாகும். இதற்கான கணிசமாக காரணங்களை தமிழ் பேசும் மக்களுக்கெதிராக செயற்பட்ட பேரினவாதமும் செய்தே வந்திருக்கின்றது.

விடுதலைப் புலிகளும் தமிழ் மக்களிடையே உள்ள மாற்றுக் கருத்தாளர்களை முதன்மை எதிரியாகவும், இலங்கை அரசின் பேரினவாதத்தை இரண்டாம் பட்சமாகவும் கருத்தில் கொண்டே செயற்பட்டு வந்தனர். இந்தக் கொலைகளினூடு கொலைகளை, மரணங்களை கொண்டாடும் ஒரு சமூகப்பிரிவை தமிழ் பேசும் மக்கள் மத்தியில் உருவாக்குவதில் புலிகள் வெற்றியும் கண்டு வந்தனர். இதில் பத்மநாபாவின் மனித நேயம் அடிபட்டு போய்விட்டது. பல ஆளுமை மிக்க போராளிகளின் போராட்டங்கள், அர்பணிப்புக்கள் மண்ணோடு மண்ணாக சாய்க்கப்பட்டுவிட்டது. மாற்று அமைப்புக்களின் போராளிகளை நபர்களாக கொல்லுதல் என்ற நிலையில் இருந்த புலிகளின் செயற்பாடு, விடுதலை அமைப்புக்களை தடைசெய்தல் அதன் உறுப்பினர்களை வகை தொகை இல்லாமல் கொல்லுதல், உயிருடன் கொழுத்துதல் என்ற வகைக்குள் புகுந்த போது இது பிழை என்று தெரிந்த மக்கள் உண்மையில் ஒன்றும் செய்ய முடியாது 'விறைத்தே' போய்விட்டனர்.

இதன் பின்னர் எல்லாம் உண்பதற்கு மட்டும் வாயைத் திறக்கும் மக்கள் கூட்டம் மட்டுமே பெருகி வந்தது. இதுதான் ஈழவிடுதலைப் போராட்டத்தின் பாசிச செயற்பாட்டு புலிகள் எதிர்பார்த்ததும் கூட. அமெரிக்காவின் ஆசீர்வாதத்துடன் இவர்களுக்கு பயிற்சி அளித்த இஸ்ரேல் விரும்பியதும். மாற்றுக் கருத்தாளர்களின் கம்யூனிச வார்த்தைகள் முதலாளித்துவத்தின் எஜமானர்களால் கொன்ற குவிக்கப்பட்டது. அல்லது குரல்வளை நெரிக்கப்பட்டது. இதனை இன்றுவரை புலிகள் காலத்து தமிழ் தேசியக் கூட்டமைப்பும், இன்னைய தமிழத் தேசியக் கூட்டமைப்பும் உறுதுணையாக செயற்படுதல் மூலம் செய்தே வருகின்றது. இதில் புலிகளுடன் தம்மை அடையாளப்படுத்திக் கொண்டவர்களின் பத்மநாபாவின் பாசறையில் வளர்ந்த சுரேஸ் அணியினர் பிந்தி? இணைந்த கொலைகாரர்கள். தமது கொலைக் கரங்களை பத்மநாபாவுடன் இருந்த கடைசிக்காலங்களில் இவர்கள் அரங்கேற்ற தவறவில்லை. களங்கத்தை ஏற்படுத்துவதில் இவர்களின் இரு குழல் துப்பாக்கியிற்கு பத்மநாபாவும் தனது மரணத்தின் முன்பும், மரணத்தின்போதும் பலியாகிவிட்டார் என்பதே இவர்களின் எஜமானர்களுக்கு கிடைத்த வெற்றி.

ஆனால் வரலாறு பத்மநாபாவையும், அவர் வழியில் உண்மையாக செயற்பட்ட, செயற்படுகின்ற தோழர்களையும் விடுதலை செய்து விட்டது. இன்று பத்மநாபாவை கொலை செய்தவர்களும், அவர்களின் தோழர்கள் பலரை தொடர்ந்த காலங்களில் கொலை செய்தவர்கள் தமது எஜமானரகள் முள்ளிவாய்காலில் முழம்தாள் இட்டு சயனைட் தவிர்த்து சரணடைந்து கொலை செய்யப்பட்ட பின்பு நாபாவின் நாமம் சொல்லி பிழைப்புக்களை அது சொத்தாக இருக்கலாம் இல்லது அரசியல் இலாபங்களாக இருக்கலாம் செய்யப் புறப்பட்ட வேஷங்கள் கலைய அதிகம் நாட்கள் எடுக்காது. தோழர்கள் ஐயா, குமார், சிவா நிதி. வேல், கணேஸ், கபூர், முகுந்தன், சாமி, செண்பகன், கமலன், கிருபா. சங்கரி, அன்பரசன், பெஞ்சமின் என அடுக்கிக் கொணடே போகும் அளவிற்கு புலிகளால் பலி எடுக்கப்பட்ட தோழர்களின் அர்பணிப்புக்களும், ஆளுமைகளும் புலிகளால் பலி எடுக்கப்பட்டதை கூடவே சேர்ந்திருந்து தகவல் வழங்கி விசுவாசம் தெரிவித்த சுரேஸ் அணியினரும், பாலகுமாரன்களும் தமது விடுதலை அரிசுவட்டில் ஒன்றாக பாடம் பயின்ற இந்தப் போரளிகளின் மரணங்களுக்கு புலிகள் அளவிற்கு பங்கும், பதிலும் சொல்ல வேண்டியவர்களாக இருக்கின்றனர்.

இன்று எஞ்சியிருக்கும் தோழர் நாபாவின் வழியில் செயற்படும் தோழர்களின் கேள்விகள் ஒன்றுதான் உங்களை குற்றவாளிக் கூட்டில் நிறுத்த தகுதியானது. உங்கள் குற்றங்களிருந்து வரலாறு உங்களை ஒரு போதும் ஹிட்லரைப் போல் விடுதலையே செய்யாது. ஆற்றல் மிக்க தோழர்களே! மக்களை நேசித்த தோழர்களே!! மனித நேயம் மிக்க சகாககளே!!! நாம் நீங்கள் விட்டுச் சென்ற மனித் குலத்தின் விடுதலைக்கான கடமையை தொடர்ந்தும் உங்கள் நாமங்களை உரக்க கூறிய வண்ணம் தொடர்ந்தும் செய்தே வருவோம். இறுதி வெற்றி மக்களுக்கே என்பதை இந்த வரலாறு நிறுவி நிற்க நாம் உங்கள் இலட்சியங்களை எங்கள் கரங்களில் தூக்கிப்பிடித்து பயணிப்போம். இணைந்திருப்போம்.

(தோழர் ஜேம்ஸ்) (ஜுன் 19. 2015)

அமைதி சமாதானம் ஜனநாயகம்

www.sooddram.com