சர்வதேச ஆசிரியர் தினம்

(சாகரன்)

ஒக்ரோபர் 05 சர்வதேச ஆசிரியர் தினம் உலகெங்கும் அனுஷ்டிக்கப்படுகின்றது. 1994 ஆம் ஆண்டு யுனெஸ்கோ (United Nations Educational, Scientific and Cultural Organization) சர்வதேச அமைப்பினால் இத்தினம் சர்வதேச ஆசிரியர் தினமாக பிரகடனப்படுத்தப்பட்டு அனுஷ்டிக்கபட்டு வருகின்றது. இதில் தற்போது 193 உறுப்பு உரிமை நாடுகளும். 6 உறுப்புரிமை அற்ற நாடுகளும் அங்கத்தவர்களாக இருக்கின்றன.

பல்வேறு நாடுகள் தங்கள் நாடுகளின்; வசதிக்கேற்ப ஆசிரியர் தினத்தை வௌ;வேறு தினங்களில் அனுஷ்டிச்சு வந்தாலும், ஒக்ரோபர் 06 ம் திகதியே ஒரு சர்வதேச அமைப்பினால் அங்கீகர்கப்பட்டு ஏற்றுக்கொள்ளப்பட்ட தினமாக இன்று உலகெங்கும் கொண்டாடப்படுகின்றது.

ஆசிரியர் தொழில் ஒரு புனிதமான தொழில். சேவை மனப்பான்மையுடன் அற்பணிப்புடன் செய்யப்பட வேண்டிய தொழில். எதிர்கால சந்ததியினரை அறிவூட்டல் மூலம் நாட்டின் நல்ல பிரஜைகளாக மாற்றும் பொறுப்பு வாய்ந்த தொழில். மாதா பிதாவிற்கு அடுத்ததாக ஏன் பல வேளைகளில் மாதா பிதாவிற்கு முன்னிலையில் கூட வைத்துப் பார்க்கப்படக்கூடிய தொழில். எனவே ஆசிரியர் தொழிலில் ஈடுபடவபவர்கள் மற்றய எந்த தொழிலில் ஈடுபடுபவர்களையும் விட சமூகக் கடமையுள்ள ஒழுக்க சீலர்களாகவும், நற்சிந்தனை உடையவர்களாகவும் இருத்தல் அவசியமாகின்றது.

ஒரு ஆசிரியருக்கு இருக்க வேண்டிய முதல் தகமையே அவர் ஒரு மாணவனாக இருக்க தயாராக இருத்தல் ஆகும். அதாவது தெரிந்தவற்றை கற்றுக் கொடுத்தலும், தெரியாதவற்றை தான் கற்றுக் கொள்ளத்தயாரக இருத்தலும் என்ற நடைமுறைக்கு தன்னை ஈடுபடுத்தக்கூடிய மனநிலையில் இருத்தல் வேண்டும். மாறாக எனக்கு எல்லாம் தெரியும் என்ற மமதையில் இருத்தல் ஒரு நல் ஆசிரியருக்குரிய தகமையாக இருக்க முடியாது. இதுவே நான் என் முதன்மை விருப்பு ஆசிரியர் தொழிலில் கற்றக் கொண்ட அனுபவ உண்மை. இதனை பல ஆசிரிய பெருந்தகைகளும் ஏற்றுக் கொண்டுள்ளனர்.

தெரிந்தவற்றை நன்கு புரியும்படி அவர் தம் மாணவர்கள் வாழும் சூழலுக்கு ஏற்ப உதாரணங்களுடன் கற்பிக்க வேண்டும். தெரியாதவற்றை ஆசிரியர், மாணவர் நிலைக்கு மாறி தெளிவுறக் கற்று பின்பு மாணவர்களுக்கு கற்பிக்க வேண்டும். ஒரு நல் ஆசிரியனுக்குரிய மண்பு களில் முதன்மையானது இது. இதுவே ஒரு ஆசிரியரின் வெற்றியாகவும் அமைய முடியும். பலதரப்பட்ட அறிவியல் மட்டத்தில் மாணவர்கள் உள்ள வகுப்பறையில் சகல மாணவர்களுக்கும் புரியும்படி தனது கற்பித்தலை மேற்கொள்வது ஒரு சவாலான விடயமாக இருக்கும். ஆனாலும் ஒரு போராட்டமாக எடுத்துக் கொண்டு இதில் வெற்றியீட்டல் என்பதே ஒரு சமத்துவச் செயற்பாடாக இருக்க முடியும். nதில் வெற்றிகண்ட ஆசிரியர்கள் சிலர். பாடசாலை நேரம் தவிர்த ஏனை நேரங்களிலும் மாயவ்களுக்கு கற்பிக்க தயாராக இருத்தல் என்ற நடைமுறையே இச்சமச்சீர் அற்ற தன்மையை இல்லாது ஒழிக்க உதவும். இதற்கு ஆசிரியர்கள் தயாராக இருத்தல் வேண்டும். இது ஒருவகை அற்பணிப்புடனான கடமைதான்.

மாணவர்களிடம் ஆசிரியர்கள் 'வலிந்து வேண்டி' மரியாதையை பெறுதல் சரியான நடைமுறையல்ல. மாறாக மாணவர்களுக்கு கற்பித்தல் மூலம் மாணவர்களிடம் இருந்து 'தானாக தரப்படும்' மரியாதையே சரியானதாக இருக்கும். எனவே தடி எடுத்தவன் தணடல்காரன் எப்பது போல் வெருட்டி மரியாதையை பெறுதல் ஒரு நல் ஆசிரியருக்கு பண்பல்ல. அவர் ஒரு நல் ஆசிரியரும் அல்ல.

ஆசிரியர் மாணவர்களுக்கும் அவர் பெற்றோர்களுக்கும் ஒரு உறவுப்பாலமாகவும் பல சந்தர்பங்களில் செயற்படவேண்டியுள்ளது. எனவே அவர்கள் பல சமயங்களில் பெற்றோர்களாகவும் செயற்பட வேண்டும். ஒரு நல்லாசிரியர் நல்ல பெற்றோராகவும் இருத்தால் மட்டுமே இது சாத்தியமாகும். புல சந்தர்பங்களில் தாய்தந்தையரால் நெறிப்படுத்த முடியாத பிள்ளைகள் பலர் ஆசிரியர்களால் சீரிய முறையில் நெறிப்படுத்தப்பட்டு எதிர்காலத்தில் சிறந்த நாட்டுப் பிரஜைகளாக மாற்றிய சம்பவங்கள் பலவற்றை நாம் எம்வாழ்வில் சந்தித்து உள்ளோம்.

தற்போது வளர்ந்து வரும் உலக நடைமுறையில் பொருளாதாரத்தை மையமாக வைத்து தொழில் செயல்முறைமைகள் பார்க்கப்படும் நிலையில், ஆசிரியர் தொழிலில் ஈடுபடும் சிலர்; ஆசிரியர் தொழிலுக்கு இருக்கவேண்டிய சேவை மனப்பான்மையில் இருந்து விலகி பணம் மட்டும் ஈட்டுதல் என்ற ஒரு குறிக்கோள் நிலைக்கு தம்மை தள்ளிச் சென்று விட்ட துர்ப்பாக்கிய நிலமை அசிரியர் தொழிலுக்கு ஆரொக்கியமான செயற்பாட்டு வளர்ச்சியல்ல. உழைப்பிற்கு ஒரு ஊதியம் வேண்டும். அதுவும் உழைப்பில் ஈடுபடுபவர் வாழ்வதற்கு ஊதியம் தேவை என்பது நியாயமானது. ஆனாலும் சேவை மனப்பான்மை தவர்த்த ஊதியம் ஆசிரியர் தொழிலுக்கு உகந்தது அல்ல என்பது என் தாழ்மையான கருத்தாகும். இது எதிர்கால மனித குலத்தின் சிற்பிகளை உருவாக்கும் தொழிலுக்கு உகந்தது அல்ல.

ஒரு சுபீட்சமான சமூகத்தை கட்டியெழுப்ப பெரும் பங்காற்றும் ஆசிரியர்களின் தினத்தில் நாமும் அவர்களுடன் இணைந்து செயற்படுவோம், வாழ்த்துக்கள் தெரிவிப்போம்.

(சாகரன்) (ஒக்ரோபர் 05, 2009)(Saakaran)

அமைதி சமாதானம் ஜனநாயகம்

www.sooddram.com