இணைய இயங்குதளம் (Internet Browser)

வளர்ந்து வரும்  Google Chrome! உறுதியாக நிற்கும் Firefox!! தடுமாறும் Internet Explorer!!!

(சாகரன்)

கூகுளின் குரோம் (Chrome) இயங்குதளமானது  (Internet Browser) அசுரவேகத்தில் வளர்ந்து வருவதாக ஆய்வுகள் தெரிவிக்கின்றன. இண்டர்நெட் எக்ஸ்ப்ளோரர் (Internet Explorer) இயங்குதளமானது தனது ஆதிக்கத்தினை தொடர்ந்து இழந்து வருவதாகவும் தெரிவிக்கப்படுகின்றது. தற்போது அதன் பாவனை வீதம் 50 % குறைவாகவுள்ளதாக தெரிவிக்கப்படுகின்றது. 2003 ஆம் ஆண்டளவில் இது 83% இயங்குதள சந்தையை கொண்டிருந்தது. ஃபயர்பொக்ஸ் (Firefox) இயங்குதளம் ஏற்ற இறக்கங்கள் இன்றி தனது இடத்தினை தக்கவைத்துள்ளது.

2008 ஆம் ஆண்டின் நடுப்பகுதியில் கூகுள் குரோமானது இண்டர் நெட் எக்ஸ்புளோரரை வேகமாக முந்தியதாகத் தெரிவிக்கப்படுகின்றது. தற்போது இண்டர் நெட் எக்ஸ்புளோரர் தனது 9 ஆவது தொகுப்பினையே பெரிதும் நம்பியிருப்பதாக தெரிவிக்கப்படுகின்றது. குரோமின் வளர்ச்சியானது பயர்பொக்ஸினையும் (Firefox) பாதித்துள்ளமை குறிப்பிடத்தக்கது. இச் செயற்பாடுகள் சேவையென்பதிற்கு அப்பால் இயங்குதளங்கள் (Internet Browser) பெரிய வர்த்தக நடவடிக்கையென்பது குறிப்பிடத்தக்கது.

1990 களில் IBM இன் மென்பொருட்களை(Software) சந்தையிலிருந்து நீக்கும் தந்திரோபாயத்தில் புறப்பட்ட Microsoft நிறுவனம் IBM இன் மென்பொருட்களைப்(Software) போன்ற Word, Excel போன்றவற்றை உருவாக்கி, அவற்றை குறைந்த விலையில் அறிமுகப்படுத்தி Wordperfect, Lotus போன்ற மென்பொருட்களை(Software) மக்கள் பாவனையிலிருந்து அகற்றியது. இது போலவே IBM இன் Operating System ஐ சாதாண மக்களின் பாவனையிலிருந்து நீக்கி மாற்றீடாக MS DOS உம் அதனைத் தொடர்ந்து Windows உம் அறிமுகப்படுத்தி வெற்றி கண்டது. மேலும்  Symantec போன்ற கம்பனிகள் வெளியிட்டு வந்த Utilities Program  மென்பொருட்களை தனது Windows Operating System ஊடாக இனாமாக கொடுத்து இக்கம்பனிகளை செயலிழக்க செய்தது.

மேலும் சில மென்பொருட்களை உருவாக்கி இவற்றையெல்லாம் மிக குறைந்த விலையில் விற்று சந்தையில் இதற்கு ஒப்பான மற்றைய நிறுவனங்களில் மென்பொருட்களை(Software) இல்லாமல் செய்தது. இதன் பின்பு Microsoft தனது தனிக்காட்டு ராஜாத்தனத்தை மென்பொருள்(Software) உலகில் நிறுவ முற்பட்டு தானே நிர்ண்ணயித்த விலையில் மென்பொருட்களை(Software)  விற்று ஏகபோகத்தை சந்தையில் நிறுவியது. வெற்றியும் கண்டது.

ஆனால் இன்று காலச்சுழற்சியில் Microsoft மென்பொருள் (Software) உலகில் தனிக்காட்டு ராஜாதனத்தை உடைக்க பல நிறுவனங்கள் இனாமாக பல மென்பொருட்களை(Software) விநியோகிக்க தொடங்கிவிட்டன. ஆனால் எதிர் காலத்தில் இவ் நிறுவனங்களும் Microsoft போலவே தமது வியாபார புத்தியையும் Monopoly யையும் காட்டத் தயங்க மாட்டாது என்பதை நாம் கண்கூடாக பார்க்கத்தான் போகின்றோம்.

இவ் ஏற்றத் தாழ்வுகளுக்கு விலைச் சலுகை, இனாம் என்பவற்றிற்கு அப்பால் தொழில் நுட்ப காரணிகளின் ஏற்றத் தாழ்வுகளும் காரணம் என்பதையும் ஏற்றுக் கொள்ளத்தான் வேண்டும். இதே வேளை வியாபார விளம்பரங்களும் அரசியல் குறுக்கீடுகளும் கணிசமான பங்குகளை ஆற்றுகின்றன என்பதையும் நாம் கவனத்தில் எடுத்துக் கொள்ள வேண்டும். ஆனால் ஒன்று மட்டும் நிஜம் மக்களுக்கு சேவை செய்தல் என்ற அடிப்படையில் இவை எதுவும் நடக்கவில்லை என்பது மட்டும் உறுதி. அப்படி ஏதாவது சொற் பிரயோகம் இருப்பின் அவைகள் கூட ஒரு வகையான ஏமாற்றும் வியாபாரத் தந்திரோபாயமே?

(சாகரன்) (ஐப்பசி 09, 2010)