யாருடன் இணைக்கப் போகிறார் மனோ கணேசன்

(சாகரன்)

கொழும்பு மாநகர சபைக்கான தேர்தல் முடிவடைந்துள்ள நிலையில் ஜனநாயக மக்கள் முன்னணியின் நிலைப்பாடு தொடர்பில் இன்று இரவு அறிவிக்கவுள்ளதாக முன்னணியின் தலைவர் மனோ கணேசன் பத்திரிகைகளுக்கு தெரிவித்தார். இது தொடர்பாக ஆராய்வதற்காக ஜனநாயக மக்கள் முன்னணியின் தலைமைக் குழுக் கூட்டம் இன்று மாலை 7 மணிக்கு நடைபெறவுள்ளது. அக் கூட்டத்தில் எடுக்கப்படும் தீர்மானங்களுக்கு அமைவாக முடிவு அறிவிக்கப்படும் என மனோ கணேசன் மேலும் குறிப்பிட்டார். கொழும்பு மாநகர சபைக்கான தேர்தலில் ஆறு ஆசனங்களைக் கைப்பற்றியுள்ள ஜனநாயக மக்கள் முன்னணி ஐக்கிய தேசியக் கட்சியுடனா அல்லது ஐக்கிய மக்கள் சுதந்திரக் கூட்டமைப்புடனா இணையும் என பரவலாக எதிர்பார்க்கப்படுகிறது.

வர்க்க நலன்களின் அடிப்படையில் பார்த்தால் இவர் ஐ. தே. கட்சியுடன் இணைத்துக் கொள்ளவதற்கான வாய்ப்புக்களே அதிகம் உண்டு. இவரின் வடக்கு கிழக்கு சகபாடிகளின் விருப்பமும்இ நலன்களும் அதை நோக்கியே இருக்கும். தமிழ் குறும் தேசியவாதிகள் கடந்த 60 வருடங்களுக்கு மேலாக ஐ. தே. கட்சியைதான் தமது நண்பர்களாக கருதி கூடிக் குலாவி வருகின்றனர். ஏகாதிபத்திய நலன்களை இலங்கையில் தூக்கிப்பிடிக்கும் ஐ. தே. கட்சிதான் தமிழ் மக்களை மீட்போன் என்று தொடர்ந்தும் கூறி தமிழ் மக்களை ஏமாற்றி அவர்களை முள்ளிவாய்கால் சிறைக்கு அழைத்துச் சென்று சிங்கம் கடித்துக் குதற வாய்பை ஏற்படுத்திக் கொடுத்தனர். தமிழ் தேசிய் கூட்டமைப்பினரும் அவர்களது சகாக்களும் இணைந்து தமிழ் மக்களை 'புலி சிறை பிடித்துக் கொடுக்க சிங்கம் குதறியது' என்ற முள்ளிவாய்கால் வரலாறை அரங்கேற்றினர்

1957 ம் ஆண்டு தொடக்கம் 1977இ 1983 என்று பல்வேறு இனக்கலவரங்களை தமிழ் மக்கள் மீது ஏவிவிட்டு இனச்சங்காரம் செய்தது ஐ. தே. கட்சியே. கருணா அம்மானை 'உடைத்து' அவர்களின் கிழக்கு மாகாண சிறார்களைஇ பெண்களை புலிகள் கடித்துக் குதற வாய்பழித்ததும் இதே ரணில் விக்ரமசிங்க ஐ. தே. கட்சி. இதனை ரணில் பல இடங்களில் பகிரங்கமாக சொல்லியும் இருக்கின்றார். இவை ஒவ்வொன்றும் நடைபெற்று முடிந்த பின்பும் தமிழ் காங்கிரஸும். தமிழரசுக்கட்சியும் இதன் வழித் தோன்றலான தமிழர் விடுதலைக் கூட்டணியும் தமிழ் மக்கள் நம்பத்தகுந்த கூட்டாளி ஐ. தே. கட்சி என்றே தமிழ் மக்களிம் கூறி அவ்வாறே செயற்பட்டு வருகின்றனர். தொடந்தும் இவர்களின் வழித்தோன்றல்களான கருவிகள் ஏந்திய புலிகளும்இ கதிரைகளை இறுக்கிப்பிடிக்கும் தமிழ் தேசியக் கூட்டமைப்பும் இதனையே கனகச்சிதமாக செய்து வருகின்றனர்.

ஆரம்ப காலத்தில் இடதுசாரி அமைப்பொன்றனூடாக தனது அரசியல் வாழ்வைத் தொடங்கின ஆனந்தசங்கரி ஐயாவும்இ தனிநாட்டிற்காக ஆயுதம் ஏந்திய அமைப்புக்களின் தன்னகத்தே இடதுசாரிக் கருத்துக்களை கொண்டிருந்த புளொட் அமைப்பும் தேர்தல் தோல்விகளின் பின்பு தமிழ் தேசியக் கூட்டமைப்பின் பொறிக்குள் வீழந்து இனப்பிரச்சனைத் தீர்வுக்கு தமிழ் தேசிக் கூட்டமைப்புடன்(மட்டும்தான்) பேசவேண்டும் என்று தமிழ் மக்களின் ஏகப் பிரதிநிதி தமிழ்த் தேசிக் கூட்டமைப்பு என்பதை மறைமுகமாக நிறுவுவதற்கு வரிந்து கட்டிக் கொண்டு நிற்கின்றனர்.

இவ்வாறான நிலமைகளே தமிழ் மக்கள் மத்தியில் இருக்கின்றது. முன்னை நாள் 'கொழும்புப் பிரபாகரன்; கனடாவிற்கு தப்பியோடி அழையாத கூட்டங்கள்இ விழாக்களில் 'விருந்தாளி'யாக மாறி வடையும்இ கோப்பியும் இனாமாக தின்று திரியும் நிலையில்இ தற்போது தமிழ் தேசியக் கூட்டமைப்பினர் தற்போதைய 'கொழும்புத் தமிழ் ஈழம்' இன் பிரபாகரன் விபி கணேசனின் செல்வந்த வாரிசு என்று கூறுகின்றனர். மேலும் கொழும்புத் தமிழ் மக்கள் கணேசனுக்கே வாக்களிக் வேண்டும் என்று கேட்டுக் கொண்டனர். எனவே சாராம்சத்தில் கணேசன் கூட்டமைப்பின் சகலை ஐ. தே. கட்சின் உறுப்புரமை பெறாத அங்கத்தவராகத்தான் தொடர்ந்தும் இருக்க விரும்புவார். கடந்த பொதுத் தேர்தலில் கணேசனுக்ம்இ ரணிலுக்கும் இடையில் ஏற்பட்ட மாமிஇ மருமகள் சண்டை அவர்களை பிரித்து வைத்திருப்பது போல் தோற்றத்தைக் கொடுத்தாலும் கணேசன் என்றும்இ எப்போதும் ஐ. தே. கட்சியின் சகலனாகவே இருப்பார். அது இணைந்திருந்தால் என்னஇ இணையாமல் 'தனித்து' இருந்தால் என்ன.

ஆனால் உள்ளுர் ஆட்சியில் கொழும்பை மட்டும் கையடக்க முடியாமல் போன சிறிலங்கா சுதந்திரக் கட்சி 'ஏதாவது' பண்ணி ஐ. தே. கட்சியை ஒண்டாட்டியாக்க கணேசனுக்கு விலை பேசும். கணேசன் ஒன்றும் விலை போகமுடியாத கொள்கைப் பிடிப்பாளன் அல்ல. அவரும் 'கொள்ளை'ப் பிடிப்பாளன்தான். எனவே பட்டுவாடாவுடன் ஏதும் நடக்கலாம். என்ன அணி மாறினால் தனித்துப் போன தம்பி பிரபாவின் முகத்தில் எப்படி முழிப்பது என்ற பிரச்னைதான். இதுபோன்ற விடயங்களை கையாளுவதில் கில்லாடிகள் ராஜபக்ஷ சகோதரர்கள். அதுதான் கீரியும்இ பாம்புமாய் படமெடுத்தாடும் பிள்ளையானையும்இ கருணா அம்மானையும் கிழக்கில் சமாளித்துக் காட்டி கொண்டிருக்கின்றார்கள். கூடவே வடக்கில் தமிழ் அமைச்சரையும்இ ரங்காவையும் நாமல் சமாளிக்கவா இல்லை. பொறுத்திருந்து பார்ப்போம் தனது கணேசன் தனது தும்பிக் கையால் வடையையா அல்லது மோதகத்தையா தூக்கப் போகின்றார் என்று அல்லது உபவாசம் தான் இருக்கப் போகின்றார் என்று.

(சாகரன்;) (ஐப்பசி 10, 20110  (Saakaran)

அமைதி சமாதானம் ஜனநாயகம்

www.sooddram.com