இந்திய தேர்தல் முடிவுகள் ஓர் ஆய்வு

(சாகரன்)

இந்தியத் மக்களவை 2009 தேர்தல் முடிவடைந்து முடிவுகள் வெளிவந்தவண்ணம் உள்ளன. ஈழத்தமிழ் மக்களால் பெரிதும் எதிர்பார்கப்பட் தேர்தல் இது என்றால் மிகை இல்லை. புலிகளும் தமது தப்பித்தலுக்கான இறுதி நம்பிக்கையாக இருந்த ஒரு விடயமாகவும் பார்க்கலாம். முழு முடிவுகளும் வெளிவராத நிலையில் சற்று அவசரமாக? எழுதப்படும் ஆய்வு. ஆனால் அவசரம் கருதி எழுதப்படுகின்றது.

இதுவரை வெளியான முடிவுகளின் அடிப்படையில், மொத்தம் 40 தமிழ் நாட்டு தேர்தல் தொகுதிகளில் திமுக - காங்கிரஸ் கூட்டணி 28 தொகுதிகளில் வெற்றியடைந்துள்ளது. இதில் திமுக 17 இலும், காங்கிரஸ் 9 இலும், முஸ்லீம் வீக், விடுதலைச்சிறுத்தைகள் தலா 1 தொகுதிகளிலும் வென்றுள்ளன. கடந்த தேர்தலில் 40 தொகுதிகளிலும் வென்ற திமுக கூட்டணி இம்முறை 12 தொகுதிகளை இழந்துள்ளது.

 அதிமுக - பாமக - மதிமுக - கம்யூனிஸ்ட் கூட்டணி 12 தொகுதிகளிலும் வெற்றியீட்டியுள்ளன. இதில் ராமதாஸ் இன் பாமக போட்டியிட்ட 7 தொகுதிகளிலும் தோற்றுவிட்டனர். வைகோவின் மதிமுக 1 தொகுதியில், கம்யூனிஸ்ட்கள் தலா 1 தொகுதிகளிலும் வென்றுள்ளனர்.

இந்திய அளவில் மொத்தம் 540 தொகுதிகளில் காங்கிரஸ் கூட்டணி 198 இல் வெற்றியும், மேலும் 60 தொகுpகளில் முன்னணியிலும் உள்ளனர். பாஜக கூட்டணி 123 இல் வெற்றியும், மேலும் 40 தொகுதிகளில் முன்னணியிலும் உள்ளனர். இடதுசாரக் கூட்டணி 51 இல் வெற்றியும், மேலும் 14 தொகுதிகளில் முன்னணியிலும் உள்ளனர். ஏனையோர் 32 இல் வெற்றியும், மேலும் 25 தொகுதிகளில் முன்னணியிலும் உள்ளனர்.

இவர்களுடன் கூட்டணியில் இருந்த பாமக, கம்யூனிஸ்டுகள் இம்முறை அதிமுக கூட்டணியில் உள்ளனர் என்பது கவனிக்கத்தக்கது. திரையுலகத்தினர் பாரதிராஜா தலமையில் காங்கிரஸ் கூட்டணிக்கு எதிராக தீவிர பிரச்சாரத்தில் ஈடுபட்டதும் இங்கு கவனிக்க தக்கது. இது சிறியளவில் காங்கிரஸ் இற்கு தாக்கத்தை ஏற்படுத்தியுள்ளது என்னது தேர்தல் முடிவிகளில் அறிய முடிகின்றது. மற்றயபடி ஈழத்தமிழர் பிரச்சனை பெரியளவில் தேர்தலில் தாக்கத்ததை ஏற்படுத்தவில்லை என்னபதே உண்மை. அவ்வாறுதான் தமிழ் நாட்டு மக்கள் ஈழத்தமிழர் பிரச்சனை பிரச்சனைக்கு ஆதரவாகவும் புலிகளுக்கு எதிராகவும் உள்ளனர் என்பதை முடிவுகள் எடுத்துக்காட்டுகின்றன.

பாரதிராஜ கோஷ்டிகளும், ராமதாஸ், வைகோ வகையறாக்களும் புலிகளுக்கு ஆதரவாக பிரச்சாரத்தில் செயற்பட்டனர் என்பது கவனிக்கத்தக்கது. புலிகள்ன் தீவிர ஆதரவாளர்களாக தம்மை காட்டிக்கொண்ட த. பாண்டியனின் தோல்வி அவருக்கு ஒரு சிறந்த நடைமுறைப்பாடத்தை கற்றுக் கொடுத்திரக்கும் உன நம்பலாம். புலிகள்ன் பயங்கரவாதத்தின் குரல் வைகோ இன் தோல்வி அவரின் அரசியல் வாழ்வின் அஸ்தமனத்தை புலிகளைப் போல் கோடிட்டு காட்டுகின்றது. இதேபொல் ராமதாஸின் பதவியை மட்டும் நோக்கமாக கொண்ட காய்நகர்த்தல்கள் அவரை இனி உசார் ஆக்கும். கருணாநிதி தயவால் திருமாவளவனுக்கு புதுவாழ்வு ஏற்பட்டுள்ளது. இனிமேல் இவர் தனது புலி ஆதரவு கோஷத்தில் சுருதியை குறைத்தே வாசிப்பார். ஜெயலலிதா புலிகளுக்கு எதிரான நிலைப்பாட்டில் மேலும் தீவிரம் காட்டுவார.

மாறாக திமுக - காங்கிரஸ் ஈழத் தமிழருக்கு ஆதரவாகவும் புலிகளுக்கு எதிராகவும் தமது பிரசாரச் செயற்பாட்டை செய்தனர் என்பதும் கவனிக்கப் பட வேண்டும். ஜெயலலிதா எப்போதுமே புலிகளுக்கு ஆதரவாக செயற்பட்டவர் அல்ல. இவ் தேர்தலில் வாக்குக்களை கருத்தில் கொண்டு தமிழ் ஈழம் வரை தீவிரம் காட்டி புலிகளுக்கு சாதகமான நிலமைகளை ஏற்படுத்தியவர் என்ற விமர்சனம் இருந்தாலும், இவர் ஈழத்தமிழருக்கு ஆதரவாகவும் புலிகளுக்கு எதிராகவும் உள்ளவர். இதில் கருணாநிதியைவிட தெளிவாக உள்ளவர். தேர்தல் துpர்புகள் புலிகளுக்கும், புலி ஆதரவாளர்களுக்கும் சம்மட்டி அடிதான்.

வன்னியில் புலிகளுக்கு மரணசாதனத்தில் கையொப்பம் இட்டுக்கொண்டு இரக்கும் வேளையில், தமிழ் நாட்டு மக்கள் பிரிவினைக்கும் பயங்கரவாதத்திற்கும் மீண்டும் ஒருமுறை சம்மட்டியால் அடித்து தீர்ப்பு வழங்கியுள்ளனர். தமிழ் நாட்டு மண்ணில் ராஜீவ் காந்தி, ஈழப் போராளிகள் பத்மநாபா போன்றோரை கொலை செய்து வன்முறையை விதைக்க முயன்ற புலி, புலி ஆதரவாளர்களுக்கு சரியான தீர்பை மீண்டும் வழங்கியுள்ளனர். ராஜீவ் காந்தி கொலையைத் தொடர்ந்து நடைபெற்ற தமிழ் நாட்டு சட்டசபை தேர்தலில் கருணாநிதியிற்கு (இக்கால கட்டத்தில் கருணாநிதி தலமையில் தமிழ் நாட்டில் ஆட்சி நடைபெற்றது) 1 தொகுதியை மட்டும் கொடுத்து, ஏனைய அனைத்துத் தொகுதிகளிலும் இக் கொலைகளுக்கு எதிராக இருந்த எதிர் கட்சித்தலைவர் ஜெயலலிதாவை வெற்றியடையச் செய்தது இவ்விடத்தில் கவனத்தில் எடுக்கப்படவேண்டிய ஒன்றாகும்.

அகில இந்தியாவை பொறுத்தவரையில் மதச்சார்பின்மைக்கும், இந்தியாவின் புதிய பொருளாதாரக் கொள்கைகளுக்கும் கிடைத்த வெற்றியாகும் மேலும் நிலையான ஆட்சியை தருவதற்கு காங்கிரஸ் இனால் மாத்திரம்தான் முடியும் என்றும் மக்கள் தீர்ப்பு கூறியுள்ளனர். இலங்கை - இந்திய உறவுகளுக்கு கிடைத்த அங்கீகாரமாகவும் கருதலாம். சிறப்பாக புலிகளை இல்லாது ஒளிக்க மக்கள் கொடுத்த ஆதரவாகவும் இது கருத இடமுண்டு.

இந்திய உபகண்டத்தில் ஜனநாயகத்தின் மீது மீண்டும் பிடி இறுகியுள்ளது என தேர்தல் முடிவுகள் கோடிட்டுக் காட்டுகின்றது. பயங்கரவாத்திற்கு எதிரா தீர்பாகவும் இது அமைகின்றது. உலக அரங்கில் இந்தியா மீண்டும் பாய்சலுடன் எகிறிப் பாயப் போகின்றது. என்ன ஏற்றத்தாழ்வு அற்ற சமூகக் குழுக்களை அமைப்பதில் அதிக கவனம் செலுத்தினால் எழுச்சி சீரானதாகவும், ஆரோக்கியமானதாகவும், ஏற்கக்கூடியதாகவும் அமையும். உலகத்தின் பணக்காரர்களின் வரிசையில் இடம் பிடிப்பதைவிட எல்லோருக்குமான வாழ்வுகள் உறுதிப்படுத்துவதில் புதிய பொருளாதாரக் கொள்கைகளை வகுத்து செயல்படுதல் அவசியம்

மொத்தத்தில் காங்கிரஸ் ஆட்சி அமைக்கும் நிலையும், இடதுசாரிகளுக்கு பின்னடைவும் ஏற்பட்டுள்ளது. பாரதிய ஜனதா கட்சியில் மதவாதம், வகுப்புவாதம் செத்துக்கொண்டு போனாலும் சில இடங்களில் வாழ்ந்து கொண்டுதான் இருக்கின்றது என்பதையும் கோடிட்டு காட்டும் தேர்தல். எந்தக்கட்சி கூட்டணியும் அறுதிப் பெரும்பான்மை பெறாதவிடத்து, எதிர்வரும் கிழமைகளில் பேரம் பேசலுடன் கூடிய புதிய கூட்டணிகள் மீள் அமைக்கப்பட்டு காங்கிரஸ் ஆட்சி அமைக்கும். என்ன மத்திரிசபை பெருத்து ஊதிவிடும். ஆனால் 5 வருட ஆட்சி நடக்கும். மீண்டும் 2014 இல் தான் தேர்தல்

சாகரன் (வைகாசி 16, 2009) (Saakaran)

அமைதி சமாதானம் ஜனநாயகம்

www.sooddram.com