நிஜங்களை பற்றி சிந்திப்போம்... செயற்படுவோம்

(சாகரன்)

புலிகளும் அவர்களது தளபதிகள், அவர்களின் முன்னாள் தலைவர் பிரபாகரன் பற்றியும் உலவி வரும் 'அவர் வருவார் ஆனால் வரமாட்டார்' என்ற மாயாவித்தன விக்கிரமாதித்தன் கதைகள் விடயத்தில் சற்று ஒதுங்கியே சூத்திரம் இருக்க விரும்புகின்றது. தொழில்நுட்ப வளர்ச்சிகளை தமக்கு சாதகமாக்கிக் கொண்டு உயிருடன் இருக்கின்றார் என்ற வாதப் பிரதிவாதங்களில் கவனம் செலுத்தி எமக்கு இருக்கும் மிக முக்கியமான கடமைகளில் உள்ள கவனத்தை நாம் சிதறடிக்க நாம் விரும்பவில்லை. ஆனால் வாசகர்களின் சுயமான கருத்தாடல்களை நாம் தடை செய்யப் போவதும் இல்லை. இதற்கான களங்களை தேவையானபோது நாம் ஏற்படுத்திக் கொடுப்போம.;

புலிகளும், புலிகளின் தளபதிகளும், புலித்தலைவரும் முடிந்த கதை என்பதே எமது நம்பிக்கை, நிலைப்பாடு, ஏன் உண்மையும் கூட. சரணடைந்த பின்பு வேண்டியவற்றை வாய்மூலம் எடுத்துவிட்டு உறுதிப்படுத்திய உயிர்பறிப்புக்களே புலிகளின் முக்கிய உறுப்பினர்களுக்கு கடைசித்தினங்களில் பெரும்பாலும் நடைபெற்றன என்பதும் நிஜம். புலிகளினால் சேகரிக்கப்பட்டு மறைத்து வைக்கப்பட்டிருக்கும் பல கோடி டாலர் காசும், இதற்கான பங்குச்சண்டையுமே. இப் பணத்தை கூறுபோடுவதற்கு யார் வாரிசு என்ற வாரிசு சண்டையும் முடிந்தால் இன்னும் திரட்டலாம் என்ற செயற்பாடுகளும் நிஜம். இதற்கு பலி ஆக இன்னும் சில வெளிநாடு வாழ் தினம் தினம் உழைக்கும் சிலர் தயார் என்பதுவும் நிஜம். இதற்காக கவன ஈர்ப்புக்களும், வாஷிங்டனுக்கு வண்டி கட்டுவதும் இன்னும் சில தினங்கள் நடைபெறும் என்பதுவும் நிஜம். இதனை வெளிநாட்டு ஊடகங்களும், தலைவர்களும் கண்டுகொள்ளப்போவது இல்லை என்பதுவும் நிஜம்.

தமிழ் நாட்டில் இவ்வகையான பிரச்சாரங்கள் பத்திரிகை வியாபாரங்களை நோக்கமாக கொண்டு பரபரப்பை சில பத்திகைகள் கிளப்பும் என்பதுவும் நிஜம். இது இதனைவிட பரபரப்பான செய்திகள் வந்ததும் இதனைக் கொண்டு பத்திரிகை வியாபாரம் செய்யலாம் என்று ஆனதும் நின்று விடும் என்பதும் நிஜம். மாதக் கொடுப்பனவுகள் நின்றதும் வைகோ வகையறாக்களின் பெரும் குரல் அடங்கிவிடும் என்பதும் நிஜம்

பிரபாகரன் உயிருடன் இருந்தால் என்ன இல்லை இல்லாவிட்டால் என்ன (புலிகளின்) எல்லாம் முடிந்து விட்டது என்ற முடிவிற்கு பல வெளி நாடுவாழ் தமிழர்கள் வந்து விட்டார்கள் என்பதும் நிஜம். மதில் மேல் பூனையாய் இருந்து ஆதரவாளர்கள் என்று காட்டிக் கொண்ட பலர் கட்சிமாறும் செயற்பாடுகளில் ஈடுபடத் தொடங்கி விட்டார்கள் என்பதும் நிஜம். 'அன்புக்கட்டளை'க்கு ஏற்ப கடையடைத்து கவன ஈர்ப்பு, ஊர்கோலம் போக உதவிய கடைக்காரர்கள் இனி 'அன்புக்கட்டளை'யை ஏற்ற மறுப்பார்கள் என்பதும் நிஜம்.

இவை எல்லாவற்றையும் விட போரும் வேண்டாம் புலியும் வேண்டாம், ஆமியும் வேண்டாம், ஆயுதங்களும் வேண்டாம், புலம் பெயர் தமிழர்களின் தலமையும் வேண்டாம் என்பதே இலங்கை வாழ் தமிழர்களின் இன்றைய நிலை என்பது நிஜத்திலும் நிஜம். மேலும் நிஜத்திலும் நிஜம் தமிழ் மக்களுக்காக தலைமைமை கொடுக்க பலர் இன்னும் ஈழத்தில் உள்ளனர் என்பது. அவர்கள் யார் யார் என்பதுவே இனிவரும் நாட்களின் செய்திகள் ஆகும். நிச்சயமாக வுNயு அல்ல. இன்னும் சில தினங்களுக்குள் முP இன் கைதும் நிஜமாகும்.

(சாகரன்) (வைகாசி 22, 2009)