சாகும்வரை உண்ணாவிரதம் இருக்க வலியுறுத்தி தமிழ் தேசிய கூட்டமைப்புக்கு அழுத்தம்.

நாங்கள் நரேந்திர மோடியோடு பேசியதில் இருந்துஇ மகிந்தருக்கு குலப்பன் காச்சல் பிடித்துவிட்டது என்றும்இ அதுதான் அவர் எங்களை பேச்சுவார்த்தைக்கு அழைத்துள்ளார் என்றும் தமிழ் தேசிய கூட்டமைப்பின் ஒப்பில்லா தலைவர் சம்பந்தர் ஐயா தெரிவித்துள்ளார். அது மட்டுமா ? தமிழர்களுக்கு நீதி கிடைக்க நரேந்திர மோடி செயலில் இறங்க ஆரம்பித்துவிட்டார். அவர் ஏற்கனவே அதில் இறங்கிவிட்டார்(ஏதோ கடலில் இறங்கியதுபோல) என்கிறார் சம்பந்தர். இவ்வாறு சம்பந்தர் கூறிக்கொண்டு இருக்க மறு முனையில்இ இலங்கைக்கான இந்தியத் தூதுவர் வை.கே சிங்ஹா தமிழ் தேசிய கூட்டமைப்பு இலங்கை அரசுடன் இணைந்து செயல்படவேண்டும் என்று தெரிவித்துள்ளார்.
அச்சுவேலி கைத்தொழிற்பேட்டையின் அங்குரார்ப்பண நிகழ்வில்(27) கலந்து கொண்டு உரையாற்றும் போதுதான் அவர் இவ்வாறு தெரிவித்துள்ளார். இந்திய இலங்கை நாடுகளுக்கிடையே கலாசாரம் உள்ளிட்ட பல்வேறு விடயங்களிலும் சமத்துவத்தையும் ஒற்றுமையையும் காணமுடிகின்றது. இலங்கை மக்களினது தேவைகளுக்கேற்பவே இந்திய அரசு உதவிகளையும் ஒத்தாசைகளையும் வழங்கி வருகின்றது. எனவே மத்திய அரசு(அதாவது மகிந்தரின் அரசுடன்) தமிழ் தேசிய கூட்டமைப்பு இணைந்து செயல்படவேண்டும் என்று அவர் கூறியுள்ளார். இது தான் இந்தியாவின் விரும்பம் என்கிறார் இலங்கைக்கான இந்தியத் தூதுவர் வை.கே சிங்ஹா !
ஆனால் நாங்கள் இந்தியா சென்றுவிட்டோம்இ மோடியை சந்தித்துவிட்டோம் இனி என்ன நடக்கப்போகிறது பாருங்கள் என்றுஇ நிலவுக்கு சென்று இறங்கிய நீல் ஆம்ஸ்ராங் குதித்தது போல தமிழ் தேசிய கூட்டமைப்பின் சம்பந்தர் குதிக்கிறார். உண்மையில் என்ன தான் நடந்தது?
மோடியுடன் 15 நிமிட சந்திப்புத்தான் நடந்துள்ளது. 15 நிமிட நேர சந்திப்பால் தமிழ் மக்களுக்கு என்ன நன்மை கிடைத்துவிடப் போகிறது. இது அடுத்த தேர்தலுக்கு கூத்தமைப்புக்காரர்களுக்கு கூட்டங்களில் பேச உதவுமே ஒழிய மக்களுக்கு இதனால் எந்தப் பயனுமே கிடைத்துவிடப் போவதில்லை.
சொகுசு வாகனங்களுக்கும் மடிக்கணணிகளுக்கும் சம்பாத்தியத்துக்குமா தமிழ் மக்கள் இவர்களுக்கு வாக்குப் போட்டார்கள். தமிழ் மக்களின் உரிமைகளுக்காகப் போராடும்படி தான் தமிழ் மக்கள் இவர்களுக்கு வாக்குப் போட்டார்கள்.
ஆயுதப் போராட்டம் பயங்கரவாதிகளின் தலைமையின் கீழ் ஆகிப் போனதால் எல்லாமே தலைகீழாக மாறிப்போய் விட்டது. தமிழ் மக்கள் மேல் ஆதிக்கம் செலுத்திவந்த பயங்கரவாதத் தலைமையும் அழித்தொழிக்கப்பட்டு விட்டது. ஆனாலும் அந்தப் பயங்கரவாதிகளால் வளர்த்து விடப்பட்ட தமிழ் தேசிய கூட்டமைப்பினர் தற்போது தமிழ் மக்களுக்கு தலைவர்களாக இருக்கிறார்கள்.
புலித் தலைமை அழிந்து போய் 5 வருடங்களாகிப் போய்விட்டது. ஆயுதப் போராட்டம் முடிந்து போய் விட்டது. அப்படியானால் தற்போது தமிழ் மக்களுக்கத் தலைமை தாங்குபவர்கள் என்ன செய்ய வேண்டும். போராடாமல் உரிமைகளை வென்றெடுக்க முடியுமா?  போராடப் புறப்படுங்கள் தலைவர்களே!
தமிழ் தேசியக் கூட்டமைப்பில் தலைவர்களாக இருப்பவர்களும், பாராளுமன்ற உறுப்பினர்களும், மாகாணசபை உறுப்பினர்களும் உடனடியாக சாகும்வரை உண்ணாவிரதப் போராட்டத்தை அறிவிக்க வேண்டும்.
சூத்திரன்.