தாலியை தானம் கொடுத்த தமிழ்த் தாயே! கனடியத் தமிழர்களின் அன்னை பூபதியே!

அம்மா தாயே நீ கொடுத்த இந்த தாலியால் எத்தனை தமிழ்த் தாய்மாரின் தாலிகள் அறப்போகுதோ யாருக்குத் தெரியும். நீ இங்கு தாலி கொடுத்து ஷோ காட்டு. இதை சொல்லியே சிங்கள அரசு தமிழ்ப் பெண்களின் தாலிகளை அறுக்க வழி பண்ணட்டும். அம்மா நீ கொடுத்தது தங்கத் தாலி தானா அல்லது கவரிங் தாலியா?

என்ற சந்தேகம் மக்களுக்கு வந்தாலும் வரும். ஏனெனில் முன்னர் இப்படியான சம்பவங்கள் எல்லாம் எமது சமூகத்தில் தாராளமாக நடந்திருக்கிறது. அரங்கத்தில் நீ கொடுத்தது உண்மைதான், ஆனாலும் முன்பே பேசிக் கொண்டபடி உனது மகனிடம் கொடுத்து அனுப்பி விட்டார்களா? (முன்பு நேருக்கள் குணாக்கள் எல்லாம் அப்படித்தான் செய்தவர்கள்).

உன்னிடம் கொடுப்பதற்கு தாலி மட்டும் தானா இருந்தது. நன்றாக யோசித்துப் பார் தாயே. சமூக நல உதவிப் பணம் எடுத்து சேகரித்து வைத்த ரொக்கத்தில் கொஞ்சம் கொடுத்திருக்கலாமே?

அம்மா தாயே உனது இந்தத் தாலியை ஒரு வறுமைப்பட்ட, தாலி பாக்கியத்துக்காக ஏங்கிநிற்கும் ஒரு தமிழ் மகளுக்குக் கொடுத்திருந்தாலாவது அந்தப் பெண் கரை சேர்ந்திருக்கும். உனக்கும் புண்ணியமாகப் போயிருக்கும். புலிப் பயங்கரவாதிகளின் பேச்சாளரிடம் தாலியைக் கொடுத்து தமிழ் மக்களுக்கு மேலும் மேலும்  துன்பத்தை கொடுக்க துணை போகிறாயே தாயே.

தாயே, உனக்குப் புரியுதோ இல்லையோ, தாலியை இந்த மக்கள் விரோதிகளுக்குக் கொடுத்ததன் மூலம், நீ சிங்கள அரசுக்குத் தான் துணை    போய் இருக்கிறாய். இதோ புலிகள் பணம் சேர்க்கிறார்கள் மீண்டும் பயங்கரவாதத் தாக்குதல்கள் செய்யப் போகிறார்கள் என சிங்கள மக்களுக்கும், சர்வதேசத்துக்கும் பிரச்சாரம் செய்வதற்கு மகிந்தாவுக்கு அடிஎடுத்துக் கொடுத்த சுயபுத்தியற்ற தாயே! நீ கனடியத் தமிழர்களின் அன்னை பூபதியாக உயர்ந்து நிற்கின்றாய்.   

தமிழர் வாழும் பகுதிகளில் தொடர்ந்தும் இராணுவத்தை வைத்திருப்பதற்கு உன்னைப் போன்ற அறிவற்றவர்களின் செயற்பாடுகள், இலங்கை அரசுக்கு அவசியத் தேவைதான்.

ஈழத் தமிழ் மக்களின் வாழ்வோடு விளையாடும் முன்னாள் புலிகளுக்கு பணக் கஸ்டம் ஏற்பட்டிருப்பது ஏன்? தூள் வியாபாரம் என்னாச்சு? வங்கி அட்டை மோசடிகள் நின்று விட்டனவா? ஆள் கடத்தல் இயலவில்லையா?

கே பி யிடம் இருப்பது எவ்வளவு? நேடியவனிடம், விநாயகத்திடம் எவ்வளவு? எவ்வளவு? கலகத்தமிழரிடம் எவ்வளவு? பிரபாகரனின் உறவுகளிடம் எவ்வளவு? தரகர்களிடம் எவ்வளவு? எல்லாவற்றையும் ஒன்றுசேர்க்கலாம்தானே. அதைவிடுத்து வாரத்துக்கு ஒரு டொலர் பிச்சை எதற்காக? நாடகமா ஆடுகிறீர்கள்.

தாலியை மாற்றான் கையில் கொடுத்து உனக்குத் தாலி கட்டிய கணவனுக்குமல்லவா துரோகம் செய்து விட்டாய். வாழ்க உனது தாலி பக்தி.   

(பச்சைத்தமிழன்)