“தேசியத்தை நேசிக்கும் தாயக உறவுகளுக்கு புலம்பெயர் நாடுகளில் இருந்து ஒரு அன்பான வேண்டு )கோள்”; என்ற தலைப்பில் தினக்குரல் உதயன் பத்திரகைகளில் முழுப்பக்க விளம்பரங்கள் வந்துள்ளன. 16 படங்களைப் போட்டு இவர்கள் தமிழர்களின் ஏக புத்தி ஜீவிகள்? என்பது போல் -ஜனநாயக விரோதமானது. “2015-08-17 அன்று இலங்கையில் நடைபெறவுள்ள தேர்தலில் வீட்டுச் சின்னத்திற்கு வாக்களித்து மிகப்பலம்பொருந்திய கட்சியாக தமிழ் தேசியக் கூட்டமைப்பைத் தெரிவு செய்யுமாறு உங்கள் அனைவரையும் அன்போடு கேட்டுக் கொள்கிறோம்.” தினக்குரல் 14-08-2015 இதில் புலம் பெயர் நாடுகளின் தமிழ் கல்வியாளர்கள் பலரதும் அபிப்பிராயம் இதுதான் என்பது போல் ஒரு பொய் வேசம் கட்ட முயற்சிக்கப்பட்டிருக்கிறது.

இதே போல்

“ மாற்றம் இப்போது அவசியம் அற்ற ஒன்று தமிழ் கூட்டமைப்பிற்கே வாக்களியுங்கள்”; யாழ்பல்கலைகழக பீடங்களின் ஒன்றியங்கள் கூட்டாக வலியுறுத்து” தினக்குரல் 14-08-2015

இதில் பெயர் முகவரி ஆட்கள் எதுவும் கிடையாது. பொத்தம் பொதுவாக சொல்லப்படுகிறது.

“தமிழரின் பலத்தை உடைக்கவே வடக்கு கிழக்கில் உதிரிக்கட்சிகள்”

“அரசியல் இருப்பை உறுதிப்படுத்த வாக்களிக்குமாறு கோருகிறது யாழ்பல்கலைக்கழக ஆசிரியர் சங்கம”;. உதயன் 14-08.2015

தமிழர் அனைவரும் கூட்டமைப்பிற்கே வாக்களியுங்கள் ஏகோபித்த ஆதரவை வழங்கி ஒற்றுமையை நிரூபிக்குமாறு யாழ் பல்கலைக்கழக ஒன்றியம் கோரிக்கை. உதயன் 1408-2015

இவை “மொட்டைக்கடதாசி” வடிவத்திலேயே வந்துள்ளன. பெயர்களோ வேறு விபரங்களோ எதுவும் கிடையாது.

இது பல்வேறு கட்சிகள் தேர்தலில் பங்குபற்றுவதற்கான ஜனநாக உரிமையை பல்வேறு கொள்கைகளின அடிப்படையில் செயற்படுவதற்கான உரிமையை மறுதலிப்பதாகும். இங்கும் ஏக பிரதிநிதித்துவ வெப்பு நோய் வெளிப்படுகிறது.

வெகுஜனங்கள் தேடலில் ஈடுபடுவதை மறுதலிப்பதாகும்.

கனவானிய பிரபுத்துவ தனமான சிறிய கட்சிகள் தொடர்பான அருவருப்பு -தீண்டாமை அதிகார அகங்காரம் ஜனநாயக விரோத மமதைகள் எல்லாமே இந்த விளம்பரங்களில் தொனிக்கின்றன.

இதில் சம்பந்தப்படாத அல்லது மாறு பட்ட கருத்துள்ள ஆசிரியர்கள் மாணவர்களின் ஜனநாயக உரிமையை அராஜக வழியில் பறிக்கும் செயலுமாகும் .

இந்த ஊடகங்கள் ஊடக அறம் என்பதற்கப்பால் தமிழ் தேசிய கூட்டமைப்பின் பிரசார சாதனங்களாக மாத்திரமல்ல -பொய் பித்தலாட்டம் ஏமாற்று மேசடி என்பவற்றிற்கு உடந்தையாகச் செயற்படுவது தெளிவானகவே தெரிகிறது.

இவர்கள் அனைவருக்கும் கூட்டமைப்பின் வேசதாரித்தனம் கபடதாரித் தனம் வரலாறு பூராவும் மக்களை ஏமாற்றும் மோசடி தெரியாததொன்றல்ல.

ஆயிரக்கணக்கான அறிவு ஜீவிகளைக் கொண்ட சமூகத்தில் ஆயிரக்கணக்கில் இளைஞர்களும் பெண்களும் சுதந்திரத்திற்காக மரணத்தை தழுவிய சமூகத்தில் ஒரு சிலர் தம்மை வசிட்டர்களாக வரிந்து கொண்டு அகங்காரமாக அறிக்கை விடுவது தேசிய அவமானம் .

எமது பெரும்பான்மையான கல்வியாளர்கள் சமூக அக்கறையாளர்கள் சமூக வலைத்தளங்கள+டாக தமதுகருத்துகளை வெளிப்படுத்தலாம் வெளிப்படுத்த வேண்டும் என கருதுகிறேன் .

ஆவேசமான வாய்ச்சவாடல்களால் அம்பலப்பட்டுகலகலத்துப் போன கூட்டமைப்பை தூக்கிநிறுத்தும் முயற்சி. மக்கள் சலிப்படைந்துள்ளனர். அதன் பிரதிபலிப்பு தேர்தலில் ஏதோ ஒரு அளவில் வெளிப்படும்.

புதிய பழைய வாய்ச்சவாடல் காரர்களுக்கும் தேர்தல் முடிவுகள் பாடமாக அமைய வேண்டும்.

(சுகு-ஸ்ரீதரன்)

அமைதி சமாதானம் ஜனநாயகம்

www.sooddram.com