(சுகு-ஸ்ரீதரன்)
இலங்கையின் பல்லினமக்களின் விருப்பமாகவே புதிய ஜனாதிபதி மைத்திரிபாலாவின் தெரிவு அமைகிறது. சமூகங்களிடையே ஏற்படுத்தப்பட்ட பேதங்களின் சலிப்பும்- நாம் ஐக்கியமாக ,சமத்துவமாக வாழ்வதற்கான மக்களின் எதிர்பார்ப்பும் முன்னிலைப்படுத்தப்பட்டிருக்கின்றன. இலங்கையின் வௌ;வேறு இன சமூகத்தவரின் ஜனநாயக அபிலாசைகள் வெளிப்படுத்தப்பட்டிருக்கின்றன. பிரதானமாகவும்- முக்கியமாகவும் சுதந்திரமான, அமைதியான, வன்முறையற்ற சகவாழ்வு மக்களின் வாக்குச் சீட்டால் பரிந்துரைக்கப்பட்டிருக்கிறது. இதனை புதிய ஜனாதிபதியும் அவரது சகாக்களும் கூரிய நுண்ணுர்வுடன் புரிந்து கொள்ளவேண்டும்.

ஒரு நாகரிகமான .கண்ணியமான, அச்சமற்ற வாழ்க்கையை மக்கள் எதிர்பார்க்கிறார்கள்.
இவை மக்களின் வாழ்க்கையின் சகல தளங்களிலும் உறுதிப்படுத்தப்படவேண்டும்.
அரசியல் அதிகாரத்தின் கிடுகிப்பிடி -அலட்சியம் -பாரபட்சம்- ஊழல் -குடும்ப உற்ற சுற்றமையம் இலங்கையின் சுதந்திரம் ,சகோதரத்துவத்தை நேசிக்கும் மக்களை வெறுப்படைய வைத்திருக்கிறது.
எனவே சமூக வாழ்வின் சகல மட்டங்களிலும் பேதமற்று சுதந்திரம் உணரப்படுவதற்கான நிலைமைகள் தோற்றுவிக்கப்படவேண்டும்.
அது பிரதானமாக மக்களின் சமூக பொருளாதார அபிலாசைகளை உள்ளடக்கியதாக அமைய வேண்டும்.
எதிரும் புதிருமாக கூட்டணி அமைத்திருக்கும் சக்திகள் மத்தியில் இது சவாலான பணியே.
காப்பிரேட்டுக்கள,; பெருவர்த்தகர்கள், தொழிலதிபர்களை முன்னிலைப்படுத்திய பொருளாதார நடவடிக்கைகள் இலங்கையின் சமூக பொருளாதார தளத்தில் பாரதூரமான விளைவுகளை ஏற்படுத்தும்.
ஏற்கனவே சமூகத்தில் அது பாரிய ஏற்றத்தாழ்வை ஏற்படுத்தி உள்ளது.
எனவே சாதாரண மக்கள் சார்ந்த- நட்பான- மனித முகம் கொண்ட பொருளாதாரக் கொள்கை கடைப்பிடிக்கப்பட வேண்டும்.
சேவைத்துறைகளுக்கு விசேட முன்னுரிமையளிக்கவேண்டும்.
கல்வி , சுகாதாரம் என்பன எல்லை கடந்து வியாபாரம் ஆக்கப்பட்டுள்ளன.
இலங்கையின் இந்த இரண்டு துறைகளின் இலவச நிலை மீள் நிலை நிறுத்தப்படுவதுடன் மேம்படுத்தபடவேண்டும்.
அரச போக்குவரத்து துறை பாதுகாக்கப்படுவதுடன் அபிவிருத்தி செய்யப்படவேண்டும்.
நிலம் ,வீடு ,குடிநீர் , மின்சாரம் இவற்றுக்கான அரச செலவினங்கள் அதிகரிக்கப்பட வேண்டும்.
அவசியமற்ற இராணுவ பாதுகாப்புச் செலவினங்கள் குறைக்கப்படவேண்டும்.
சமூகப்பாதுகாப்பிற்கான செலவினங்கள் அதிகரிக்கப்படவேண்டும்.
பாரம்பரிய மீன்பிடி, விவசாயம் நவீனமயமாக்கபடுவதும் சீரமைக்கப்படுவதும் வேலைவாய்ப்புக்கள் அதிகரிக்கும் படியான தொழில் துறைகள் ஸ்தாபிக்கப்படவும் வேண்டும்.
உல்லாசப்பயணத்துறை நாடளாவிய அளவில் விஸ்தரிப்பதற்கான கட்டமைப்பு வசதிகள் ஏற்படுத்தப்படவேண்டும்.
லஞ்ச லாவண்ணியங்கள் மற்றும் அதிகார அகங்காரம் இல்லாத கண்ணியமானதாக காவல்துறை மறு சீரமைக்கப்படவேண்டும்
நட்பார்ந்த சமூக காவல்துறை உருவாக்கப்படவேண்டும்.
மக்களின் அன்றாட வாழ்வில் தலையிடும் அச்சுறுத்தும் கண்காணிப்பு- புலனாய்வு அமைப்புக்கள் கலைக்கப்படவேண்டும்.
பொதுநிர்வாகம் மக்களுக்கு நட்பானதாக நல்லியல்பை வெளிப்படுத்துவதாக அமைய வேண்டும் எடுத்தெறிவதாக அமையக் கூடாது.
கிராம மட்டத்திலிருந்து இது முக்கியமானது.
நீதித்துறை சுதந்திரமானதாகவும் மக்கள் இலகுவாக அணுக கூடியதாகவும் அமைய வேண்டும்.
மக்கள் தமது குறைகளை வீதியிலிறங்கி சொல்வதற்கான நிலைமைகள் உறுதிப்படுத்தப்படவேண்டும். இது மிக மிக முக்கியமானது.
விசேட அதிகாரம் கொண்ட ஜனாதிபதி முறை மற்றும் பயங்கரவாத தடைச்சட்டம் நீக்கப்படுவதும், இன சமூகங்களுக்கும் மாகாணங்களுக்கும் இலங்கை அரசியல் யாப்பில் கூறப்பட் விடயங்கள் முழுமையாக தாமதமல்லமல் உறுதிப்படுத்தப்பட வேண்டும்.
பல தசாப்தங்களாக இடம்பெயர்தும் புலம்பெயர்ந்தும் வாழும் மக்கள் தமது சொந்த இடங்களில் கௌரவமாக குடியேற்றப்படவேண்டும்.
தோட்டத் தொளிலாளர்களுக்கான வீடமைப்புத் திட்டம் உருவாக்கபட்டு இரு நூற்றாண்டுகால லயன் காம்பரா வாழ்க்கைக்கு முடிவு கட்ட வேண்டும்.
நாட்டின் ஒரு பகுதி மக்கள் இவ்வாறு அவலவாழ்வு வாழ்வது தேசிய அவமானம் என்பது உணரப்பட வேண்டும்
மனச்சாட்சி- கருத்து சுதந்திரம் உறுதிப்படுத்தப்படவேண்டும்.
இலங்கை தென்னாசியாவில் சிறந்த ஒரு பல்லுயிர் பிரதேசம். பேரழிவு நுகர்வுகலாச்சாரத்தில் இது அழிவுறாமல் பாதுகாக்கப்படவேண்டும்.
சர்வதேச உறவுகள் ஜனநாயகம் ,மனித விழுமியங்களையும் அரசியல் பொருளாதார சுதந்திரதிற்கான கோடான கோடி மக்களின் அபிலாசைகளையும் கருத்திற்கெடுத்ததாக அமைய வேண்டும். வௌ;வேறு நாடுகள் தேசங்கள் மக்களுடனான சகவாழ்வை உறுதிப்படுத்துவதாக அமைய வேண்டும்.
மனித குலத்தின் ஒருபகுதியினர் என்ற உணர்வுடன் செயற்பட வேண்டும்.
புலம்பெயர் மக்களுடன் உறவுகளைப்பலப்படுத்தும் விதமாக தூதரகங்களின் வினைத்திறன் அதிகரிக்கப்பட வேண்டும். இலங்கைக்கு வந்து செல்வதற்கான நிலைமைகள் அவர்களின் தொழில் நுட்ப மருத்துவ மற்றும் அனுபவம் அறிவு உள்ள10ர் மக்களுடன் பகிரப்படுதலுடன் இங்கு முதலீடு செய்வதற்கு ஊக்குவிக்கப்பட வேண்டும்.
இலங்கை உன்னதமான பாதையில் பயணிப்பதற்கான வாய்ப்புக்கள் முன்னால் இருக்கின்றன. அவற்றை முழுமையாக கையாள வேண்டும்.
(சுகு-ஸ்ரீதரன்)

அமைதி சமாதானம் ஜனநாயகம்

www.sooddram.com