(சுகு-ஸ்ரீதரன்)

நாபா பிரதானமாக தேசிய விடுதலைப்போராட்டத்துடன் சர்வதேசிய மற்றும் பரந்து பட்ட முக்கியத்துவம் வாய்ந்த சமூக அக்கறைகளை வெளிப்படுத்தினார். தேசிய ஒடுக்குமுறை ஒழிந்த, சமூகங்களிடையே சுயாதீனமான சமத்துவமான ஐக்கியம், பால் சமத்துவம் தீண்டாமை ஒழிப்பு சர்வதேச சகோதரத்துவம் வர்க்க ரீதியாக ஒடுக்கப்பட்ட அனைத்துமக்களையும் உள்ளடக்கிய சமூக சக்திகளிடையே ஐக்கியம் இந்த இலட்சியங்கள் கனவுகளுக்காக வெகுஜனங்களை அணி திரட்டுவது. நத்தை ஓட்டுச் சிந்தனையைத் தகர்த்து பரந்தளவிலான முற்போக்கு சக்திகளுடன் ஐக்கியம் புரிதலை ஏற்படுத்துதல் என்பன அவருடைய நடைமுறைகளில் முன்னுரிமை பெற்றிருந்தன.

தோழர்கள் நண்பர்களுடன் எமது சமூக ஆதிக்க பழக்க, அதிகார தோரணை அவரிடம் இருந்ததில்லை. ஜனநாயக உயர் விழுமியங்களை அவர் பெரித்தும் மதித்தார். மொழி இனம் தேசம் எல்லைகள் கடந்ததாக உறவுகளை நிலைநாட்டப்பாடுபட்டார். வர்க்கசார்பு இயல்பு எப்போதும் அவரது அவதானத்திற்குரியதாக இருந்தது. இவ்வாறான கனவுகள் இலட்சியங்களுடன் நிறையப்பேர் இருந்தார்கள். அவர்களது இருப்பு சமூகத்தில் தக்கவைக்கப்பட்டிருந்தால் அது மிகப் பெரிய ஆக்க சக்தியாக இருந்திருக்கும். அரசியல், சட்டம், சமூக பொருளாதாரத் துறைகளில் ஆற்றலுள்ள, அறிவும் அனுபவமும் உள்ள மனிதர்கள் பல்லாயிரக்கணக்கில் கொல்லப்பட்டு விட்டார்கள். அது அரச பயங்கரவாதம் மற்றும் யாழ்மையவாத ஜனநாயக மறுப்பினூடகவும் நிகழ்ந்தன. பலர் புலம் பெயர்ந்து சென்று விட்டார்கள். பரஸ்பரம் மனிதர்கள் சந்தேகத்தையும் விரோதத்ததையும் வளர்த்துக் கொண்டார்கள்.

எமக்கு உலகளாவிய ஆக்க சக்தி இருக்கிறது. அது சிதறுண்டு தறிகெட்டுப் போய் இருக்கிறது.
வேற்றுமையில் ஒற்றுமை காண்பதன் மூலம் இந்த சக்திகள் இணைக்கப்பட்டவேண்டும்.
இலங்கை பல்லினங்களின் தேசமாக இருப்பது இலங்கையின் அனைத்து சமூகங்களுக்கும் சமூக பொருளாதார முன்னேற்றத்திற்கும் அவசியமானதே. இன முரண்பாடுகள் மோதல்கள் இல்லாதிருந்தால் இலங்கை அபிவிருத்தியடைந்த நாடுகளின் பட்டியலில் எப்போதோ சேர்ந்திருக்கும்.

ஒரு சமூகத்தின் வளர்ச்சியில் அதன் மொழி பண்பாடு என்பனவும் செல்வாக்கு செலுத்துகின்றன. பண்பாடும் மொழியும் சமூக வளர்ச்சிக்கு தடையானால் அவை மறுசீரமைக்கப்படவேண்டும். உலகின் முன்னேற்றங்களுடன் சமகால அறவிழுமியங்களுடன் உறவு வேண்டும். இழிவுகள் பாரபட்சங்களைச் சுமந்து கொண்டு இந்த சமூகம் உருப்பட முடியாது. எமது நாடு எமது பிரதேசங்களில் உணவு, சுகாதாரம், வீடு, கல்வி என்பவற்றை குறைந்த கட்டணத்தில் அல்லது இலவசமாக எல்லோரும் பெற்றுக் கொள்வதற்கான வாயப்புக்கள் வழங்கள் இருக்கின்றன. எமது சமூக அமைப்புத்தான் இங்கு தடையாக இருக்கிறது.

மனிதர்கள் தமக்கிடையே உருவாக்கி வைத்திருக்கும் அநீதியான முறைமைகளும் இன சமூகங்கள் அனுசரித்து வாழ்வதற்கான நிலைமைகளை உருவாக்குவது பற்றிய பிரக்ஞை இல்லாமையும்  பாரதூரமான பிரச்சனைகளை உருவாக்கியிருக்கின்றன.  வழங்களை பகிர்ந்து கொள்வதில் தான் ஏற்றத் தாழ்வுகளும் போர்களும் ஏற்படுகின்றன. எல்லாவற்றிற்கும் அடிப்படை அதுவே. எமது கல்விமுறை புதிய தலைமுறையிடம் நல்லியல்புகளை வளர்ப்பதாக அமைய வேண்டும். சவால்களை எதிர் கொள்ளக் கூடிய தூரதிருஸ்டியுள்ள தலைமுறை உருவாக்கபடவேண்டியிருக்கிறது. இன்று அது பற்றாக்குறையே. ஆசிரியர்கள் மற்றும் கல்வியாளர்கள் மத்தியில் போதாமைகள் இருக்கின்றன.

புதியது புனைதலுக்கான ஆற்றல் வளர்க்கப்படவேண்டும். அவர் அவர் தனிப்பட தவறிக் கொள்வதற்கான கல்வி முழுச் சமூகம் இருப்பு எல்லாவற்றையும் பாழ்படுத்தி விடும்.
அயலில் எது நடந்தாலும் என்ன என்ற போக்கு அதிகரித்துள்ளது. வன்முறைக்கும்பல் குரூரமான முறையில் தாம் நினைத்ததை அடைய முயல்கிறது. அரச சமூக மட்டத்தில் சமூக பாதுகாப்பு பற்றிய பிரக்ஞை அதிகரிக்கப்படவேண்டும். மனிதர்களை அடக்கி வைத்திருப்பதற்கான சட்டங்கள் ,சித்திரவதைக் கூடங்கள், இராணுவ பிரசன்னங்கள் அதிகார மமதை கொண்ட காலாவதியான சமூக அரசியல் சக்திகள் தமது அதிகாரத்தை மீண்டும் ஸ்தாபிக்க முயல்கின்றன. எமது சமூ அமைப்புத்தான் இங்கு பிரச்சனை.

மனிதர்கள் தமக்கிடையே உருவாக்கி வைத்திருக்கும் பாரபட்சமான அநீதியான முறைமைகள் இயற்கையுடன் அனுசரித்து வாழ்வதற்கான பிரக்ஞை இன்மையும் பாரதூரமான பிரச்சனைகளாக உருவாகியிருக்கின்றன.  ஆக்கிரமிப்பு மேலாதிக்கம் சுரண்டல் எனபவற்றுக்கு பதிலாக நாடுகள்; இனங்கள் பால் சமூக சமத்துவம் பொருளாதார சமத்துவம் என்பனவே நம்பிக்கையான மனித குல எதிர்காலத்திற்கான பாதைக்கான திறவு கோலாக அமையும். தோழர் நாபாவின் கனவுகளிலும் செய்றபாடுகளிலும் அவை பிரதிபலித்தன.
(சுகு-ஸ்ரீதரன்)














 

அமைதி சமாதானம் ஜனநாயகம்

www.sooddram.com