நடேசன் எழுதிய “அசோகனின் வைத்திய சாலை”

பிராணி - மனித சமரசம்

மெல்பேர்ண் வளர்ப்பு பிராணி வைத்தியசாலை ஒன்றை பிரதான தளமாக கொண்டு இந்த நாவல் இயங்குகிறது. மௌரிய சாம்ராச்சியத்து அசோகமன்னர் மிருக வைத்தியசாலை அமைத்திருந்தாரம். அது கருதியே இப்புத்தகத்திற்கு இப்பெயர் மானிடம் அதனோடு இரண்டறக்கலந்த பிராணி -வாழ்வுச் சிக்கல்கள்  தொடர்பான கேள்விகள் எழுப்பப்படுகின்றன. வியட்னாமிலிருந்து 1970களில் சென்ற படகு மக்களில் இருந்து அவுஸ்திரேலிய பூர்வ குடிகள் உலகின் வௌ;வேறு பகுதிகளில் இருந்து வந்த மனிதர்கள் பிராணி உலகம் -வரலாறு -வைத்தியம் தொடர்பான விசயாதாரங்கள் நிரம்பி வழிகின்றன.

பிராணிகளுக்கும் மனிதர்களுக்குமிடையோன கனதியான ஊடகம் ஒன்றின் தேடலை உணரக் கூடியதாக இருக்கிறது. நவீன வாழ்க்கை முறைச்சவால்களை மனிதர்களும்- பிராணிகளும் எவ்வாறு எதிர் கொள்வது. வைத்திய சாலையின் பல்லினப்பாங்கு ,அங்கு பிராணிகளை அழைத்து வரும் மனிதர்களின் பன்மைத்தன்மை வைத்தியசாலையில் தூக்கலாகத் தெரியும் மனித நல்லியல்புகள் எமது சமூகத்தில் நிலவும் ஆதிக்க சமூக மதிப்பீடுகள் தொடர்பாக கேள்விகளை எழுப்புகிறது. யாழ்ப்பாண ஆதிக்க மதிப்பீடுகள் பிரதானமாக தீண்டாமையிலிருந்து கட்டியெழுப்பப்பட்டவை.

மனிதர்களுக்கிடையிலும் மனிதர்களின் வளர்ப்பு பிராணிகளுக்கிடையிலும் பிராணிகளும் பிராணிகளும் என இந்த அசோகனின் வைத்திய சாலை விரிகிறது. வளர்ப்பு பிராணி நேசிப்பு வாழ்க்கை தராதர நிலைகளுடனும் கலாச்சாரத்துடனும் தொடர்பு பட்டதாக இருக்கிறது. வளர்ப்பு பிராணிகள் பூனை நாய்கள் தொடர்ந்து வருகின்றன. சில சந்தர்ப்பங்களில் பறவைகள் பண்ணைக்குதிரையும் வருகின்றன. மனிதர்களுக்கு நேரும் விபத்துக்கள் நோய்கள் தொடர்பாக எமது அக்கறைகள் எவ்வாறிருக்குமோ அந்த கரிசனையுடன் அந்த மெல்போர்ண் மிருக வைத்தியசாலை இயங்குகிறது

மனிதர்களும் பிராணிகளும் இயற்கையும் ஒன்றித்தவாழ்வை வலியுறுத்துகிறது.

சிவாசுந்தரம்பிள்ளை என்ற மிருகவைத்தியருக்கு ஒரு ஆலோசகராக விமர்சகராக நண்பனாக “ஹோலிங்வுட்” என்ற பூனை அவரது பிராணி நேச ஆன்மாவை பிரதிபலிக்கிறது.

பல்வேறு தனிமனித பிரச்சனைகள் வௌ;வேறுமனித முகங்கள்

மனித உணர்வுகள் பலம் ,பலவீனம் எல்லாவற்றுடனும் தான் அந்த மெல்பேர்ண் மிருகவைத்தியசாலை இயங்குகிறது.

சுந்தரம்பிள்ளை ,ஹேலிங்வுட் ,கார்லோஸ், சரன் ,சாம், ஜோன் ,ரிமதி பத்தோலியஸ் ஆகிய பாத்திரங்கள் மனதில பதியும் விதமாக வார்க்கப்பட்டிருந்தன.

வௌ;வேறு கலாச்சார பின்புலங்களின்  சங்கமமாக இருந்தது.

கடுமையான வாழ்க்கை பயணத்தில் சிறிய வெற்றிகள் நம்பிக்கை அளிக்கின்றன.

அவை அர்த்தமுள்ள பயணங்களும் கூட .தேடல் நிறைந்தது. ஜீவராசிகளின்  உலகம் அது நேசிப்பிற்குரியது.

அவுஸ்திரேலிய இயல்புடன் மிகைப்படுத்தல்கள் போலித்தனங்கள் இல்லாமல் நகர்த்தப்படுகிறது.

சமூகத்தில் கபடமில்லாத நல்ல மனிதர்கள் என்று சொல்லப்படுபவர்கள் யார் என்பதையும் இந்தநாவல் அனுபவங்களினூடாகச் சொல்கிறது.

எமது யாழ்ப்பாண மதிப்பீடுகளில் பல சந்தர்பங்களில் ஆசாட பூதிகள் சிறந்த மனிதர்களாக சித்தரிக்கப்படுகிறார்கள்.

மனிதர்கள் தமக்கிடையோன சகிப்புத்தன்மையை விலங்குகள் தொடர்பாகவும் கைக்கொள்ள வேண்டும்.

வலிகளும் அவலங்களும் விலங்குகளுக்கும் உ;ணடு.

சேவைத்துறையில் இருக்கும் மனிதர்கள் அனுசரித்து இயங்குவது வேலையில் திருப்தியைத் தேடுவது நோத்தியாக பிசிறில்லாமல் வேலைசெய்வதற்கான இடையறாத முயற்சி.

கலாம் “அக்கினிப்பரீட்சை”யில் சொன்னது போல கடுமையான முயற்சிக்கு பின்னால் மின்னல் போல் இங்கு பிராணிகளைகாப்பாற்றும் வெற்றிகள்

எமது சமூகத்தில் இருப்பதுபோலவே அதிகார போதை ‘ஈகோ’ போலித்தனங்கள் இருக்கின்றன.

ரிமதி பத்தேலியஸ் அவனது குடும்ப பின் புலங்கள் தேசியவாத தப்பெண்ணங்களுக்கு வழி வகுக்கிறது. ஆனால் அவன் இறுதி வரை தனது குரோதங்கள் விரோதங்களுடன் விடாப்பிடியாக நின்று பிடிக்க முடியவில்லை.

நாவல் முழுவதும் ஓடித்திரியும் ஹோலிங்வுட்டின் பிரிவும் கனவுகளுடன் வாழ்வைத் தொடங்கி அகாலத்தில் மரணத்தை நோக்கி நிற்கும் ஜோன் என்ற மனிதனும்

வைத்திய சாலை நிர்வாக யந்திரம் ,அதேபோல் நீதிமன்றமும் லாவகமாக  பிரச்சனைகைளை கையாள்வதும் அவற்றுக்கு தீர்வு காண்பதற்கான தீர்ப்பதற்கான அவுஸ்திரேலிய வாய்ப்புக்கள் ;

பெண்கள்- சமூக வளர்ப்பு- பிராணி பாதுகாப்பு

உணவு- மதுபான விடுதிகளில் நிகழும் சுதந்திரமான உரையாடல்கள்

வாழ்வை இலகுவானதாக எடுத்துக் கொண்ட ஷரன் அவள் சிறுபராயம் முதல் கண்ட அனுபவங்கள் அவள் மீதான கணவனின் வன்முறை- சகிப்பும் ஒரு எல்லையில் அனாயாசமாக தூக்கி எறிதலும் விடுதலையும்

அவளின் வாழ்வும் -சிறையும் - விடுதலையும்

சுகு-ஸ்ரீதரன்

அசோகனின் வைத்தியசாலை நாவலில் இருந்து சில பந்திகள்

 “காலம் காலமாக ஐரோப்பிய இறைச்சி வண்டிகளை இழுத்து இறைச்சிக்கடைக்காரர்களுக்கு உழைத்து வந்த இனத்தைச் சேர்ந்த நாய் ஒன்று மூட்டை போல் வண்டியில் வைத்து தள்ளப்படுகிறது ஏற்கனவே போஸ்ட் காட் அளவு சிவப்பு அட்டையில் கருணைக் கொலை செய்ய வேண்டும் என எழுதி பெயர் விலாசத்தோடு  கையொப்பம் இட்டிருந்தார்கள். இதற்கு மேல் சுந்தரம்பிள்ளைக்கு எதுவும் செய்ய முடியாது. அவர்களது கோரிக்கையின் படி கருணைக்கொலை மாத்திரமே செய்ய முடியும்.அவர்கள் பெயர் தோற்றம் பேசும் தோரணை இத்தாலி பரம்பரையில் இருந்து வந்தவர்கள் என்பதை காட்டியது.

அப்பாவியாக அந்த சூழ்நிலையில் முகத்தை வைத்துக் கொண்டிருந்த அந்த நாயின் கண்களை பார்க்க பரிதாபமாக இருந்தது. தலையைத் தூக்க முடியாமல் கண்களை மட்டும் அசைத்தபடி படுத்திருந்தது.

அந்த சிவப்பு கார்ட்டை எடுத்து வயதை பார்த்த போது அந்த இருவர் மேல் சுந்தரம்பிள்ளைக்கு ஆத்திரம் போய் வெறுப்பு மனதில் குடி வந்தது.

நாயை வீட்டு பின் வளவில் அடைத்து உணவைக் கொடுத்து பன்றியை கொழுக்கவைப்பது போல் உடலைப் பருக்க வைப்பதன் மூலம் அவசரமாக கொலைக் களத்திற்கு தள்ளியிருக்கிறார்கள்.

உணவு மட்டும் போதும் என நினைத்து உடற்பயிற்சியோ அல்லது நடக்கவைத்தோ எதுவித முயற்சியும் இல்லாமல் வளர்த்திருக்கிறார்கள்.

இவர்களின் நாய் நாலு வருடங்களுக்கு முன்னர் மரணத்தை நோக்கி தள்ளப்பட்டு வந்திருக்கிறது.

எட்டுவயதே உள்ள அந்த நாயை தங்கள் வளர்ப்பு பிழையால் தோல் மூடிய கொழுப்பு மூட்டையாக மாற்றியிருக்கிறார்கள்.

என்ன முட்டாள்தனம் செய்திருக்கிறார்கள்?

ஐம்பது வயதில் இவர்களது உறவினர் ஒருவர் இறந்தால் எவ்வளவு கவலையைத் தரும் .நாயை வளர்;ப்பது என்ற கடமையில் தவறியவர்கள் என்ற காரணத்தால் அவர்கள் மேல் வெறுப்பை வெளிக்காட்ட முடியாமல் மனம் புகைந்தான் சுந்தரம் பிள்ளை

ஜேர்மன்; நாட்டின் ரொட்வீலர் எனற் பிரதேசத்தில் இருந்து அறிமுகமான இந்த நாய் கறுத்த உடலும் முகத்தில் சில இடத்தில் செம்மை நிறமும் கொண்டு திண்ணியமான தோள்களும் அகலமான முகமும் இரும்பில் வார்த்தெடுத்தது போன்ற மிக உறுதியான அகலப் பாவிய கால்களைக் கொண்ட போர் வீரனைப் போன்றது மார்புப் பகுதி மல்லர்களைப் போல் வீங்கிப் புடைத்திருக்கும்.

இந்த ரொட்வீலர் நாய்கள் காலம் காலமாக பிறக்கும் போதே கம்பீரத்தை மேலும் கூட்டுவதற்காக குட்டியில் வால்களை வெட்டி விடுவார்கள் . ஆரம்பகாலத்தில மாடுகளை மேய்க்கவும் பின்பு இறைச்சி விற்பவர்களின் வண்டியை இழுப்பதற்கும் அத்துடன் ரோமானிய சாம்ராச்சியத்தின் ஆட்சிக்காலத்தில் பாதுகாப்பு பணியையும் செய்தன.

காலம் காலமாக உடலால் உழைக்கும் பாட்டாளி வர்க்கத்து நாய் இனம் தற்போது செல்லப்பிராணியாக உடற்பயற்சி அற்று வளர்க்கப்படும் போது புளி மூட்டையாகி விடுகிறது. இதனால் விரைவில் முடக்குவாதம் இரண்டு இடுப்பு மூட்டிலும் ஏற்படுவதால் நடக்கமுடியாமல் போகிறது.

.

கம்பீரமான இனத்தைச் சேர்ந்த நாயொன்றை எட்டுவயதில் தள்ளு வண்டியில் வைத்து தள்ளியபடி வருவது இந்த நாய்க்கு இவர்கள் செய்த மாபெரும் துரோகமாகும். ரோம சாம்ராச்சியத்து போர் வீரனோடு பக்கத்தில் கம்பீரமாக தலையையும் நெஞ்சையும் நிமிர்த்தியபடி வரும் சரித்திர காட்சிக்கு பதிலாக அதே நாட்டுக்காரர்களால் கேவலமாக வண்டியில் வைத்து அழுக்கு துணி மூட்டை போல் தள்ளப்பட்டு கருணைக் கொலைக்காக கொண்டு வரப்படுவது உண்மையிலேயே பரிதாபகரமான காட்சியாக இருந்தது.

மலை உச்சியில் மழைமேகங்கள் படிந்து ஈரலிப்பை உருவாக்குவது போன்ற தனது மனதில் ஏறபட்ட விருப்பு வெறுப்பு உணர்வுகளை பலமாக விசிய காற்று தள்ளியது போல அகற்றி விட்டு சுந்தரம்பிள்ளை அந்த ரொட் வீலரை சோதனை செய்யும் மேசைக் மாற்றாமல் அந்த தள்ளுவண்டியில்வைத்து போலின் உதவியுடன் கருணைக் கொலை செய்தான்.

பச்சைத் திராவகத்தை உடலில் ஏற்றியதும் சுவாசத்தை இருமுறை பலமாக இழுத்து கடைசி மூச்சை வெளித் தள்ளி விட்டு அமைதியாகியது. அந்தரொக்கி எனப்பெயர் கொண்ட ரொட் வீலர்.

இறந்த ரொக்கியோடு அந்த அறையில் தனித்து விடப்பட்டபோது சுந்தரம்பிள்ளைக்கு இப்போது இந்த பெரிய உடலைத் தள்ளிக் கொண்டு குளிர் அறைக்குச் செல்ல வேண்டும் என்ற எண்ணம் வந்தது.”

“அந்த குளிர் அறையின் உள்ளே பல தள்ளுவண்டிகளில் லாபிரடோர், ஜேர்மன் செப்பேட் என்ற பெரிய நாய்களும் பொமரேனியன், ஜக் இரஸ்சல் போன்ற சிறிய இன நாய்களுமாக பல இன நாய்கள் விறைத்தபடி ஒன்றுடன் ஒன்று உராய்ந்த படியும் ஒன்றின் மேல் ஒன்றாக சமாதானமாகவும் கிடந்தன.

இவ்வளவு நாய்கள் அமைதியாக இருப்பது இந்த அறையில் தான் சாத்தியமாகிறது. நிஜமாக இவை இந்த சிறிய அறையில் இருந்தால் எப்படி இருக்கும்

மனிதர்கள் பார்வைகளை முதற்புலனாக கொள்வது  போன்று நாய்கள் மூக்கை தங்கள் முதற்புலனாக கொண்டவை. இத்துடன் இருட்டில் அவைகளின் பார்வை மனிதர்களிலும் கூர்மையானது. இந்த இரண்டு புலன்களின் தொழிற்பாடு இங்கே ஒரு மகாயுத்தத்தை உருவாக்கியிருக்கும். ஒன்றை ஒன்று அடையாளம் கண்டு யார் குழுத் தலைவர் என்பதை நிலை நிறுத்த போர் நடந்திருந்தால் நிச்சயமாக ஜேர்மன் செப்பேட் வென்றிருக்கும்.

நாய்கள் மட்டுமா? பூனைகள் இதனை அங்கீகரிக்குமா? அவைகள் தங்களுக்குள் குழுவாக சேராத தன்மையினால் என்ன நடந்திருக்கும்?பல பிணங்களாக மாறியிருக்கும் மீண்டும் இது சவ அறை தான்.

பல பூனைகள் ஒன்றின் மேல் ஒன்றாக சுப்பர் மார்க்கட் சாமான்களைப் போல வரிசையாக அடுக்கப்பட்டு கிடந்தன. பூனைகள் எல்லாம் ஒரே அளவில் இருப்பதால் அது இலகுவாக இருந்தது.

சில பூனைகள் நாய்களின் கால் இடைவெளியில் புகுத்தப்பட்டு இடம் மிச்சம் பிடிக்கப்பட்டிருந்தது. ஒரு சிவப்பு சிறிய சடையான கலப்பு இன நாயும் ,கருப்பு வெள்ளை பூனையிலும் சாம்பல் தேவை என பெரிய எழுத்தில் எழுதி சிறிய எழுத்தில் அவர்களின் பெயருடன் உரிமையாளர்களின் விலாசம் வெள்ளைத்தாளில் எழுதப்பட்டகடிதம் அவற்றின் உடம்பில் செலொரேப்பால் ஒட்டப்பட்டிருந்தது. இந்த இரு உடல்களும் சற்று ஒதுக்கமாக தனியாக இருந்தன. ஆவை தனித்தனியாக எரிக்கப்பட்டு சாம்பல்கள் உரிமையாளருக்கு கொடுக்கப்படும்  இப்படியாக பல சடலங்கள் அங்கு தள்ளுவண்டிகளில் வைக்கப்பட்டிருந்தன.

சில நாட்களுக்கு முன்பாக மனிதர்களின் நெருங்கிய தோழர்களாக நேசிக்கப்பட்ட செல்லப்பிராணிகள் தண்ளுவண்டிகளில் நாயை தகனத்திற்காக தங்களுக்குள் சமரசமாக காத்திருக்கின்றன.”

 நன்றி:அசோகனின் வைத்தியசாலையிலிருந்து

குறிப்பு: டாக்டர் நடேசன் புலம்பெயர்தளத்தில் தனது கடந்தகால நிகழ்கால இடையறாத தேடலில் பிராணிகள் மனிதர்கள் இடையே உன்னதமான தரிசனமொன்றைப்பெற்றுள்ளார்.