அதிகாரங்கள் ஏன் பகிரப்படவேண்டும்?

( சுகு-ஸ்ரீதரன்)

நவீன அரசியலில் மக்கள் பங்கு பற்றுதல் என்பது முன் எப்;போதையும் விட முக்கியமான விடயமாகும்  டூவிட்டர் ,பேஸ்புக் ,கூகிள் சக என வெகுஜனங்கள் பங்கு பற்றக் கூடிய வலைத்தளங்கள் வந்து விட்டன.  ஓவ்வொரு விடயத்திலும் வெகுஜனங்களின்; கருத்து கணிப்பு என்பது இன்று சாதாரண விடயமாகி வருகிறது.  தகவல்களை அறிவதற்கான சாதாரண மனிதனின் சுதந்திரம் வலுவடைந்துள்ளது இந்த காலத்தில் இன அடிப்படையிலான அதிகாரப்பரவலாக்கல் தேவையில்லை என்பது யதார்த்தத்திற்கு புறம்பானதும் சமகால வாழ்வியலுக்கு எதிரானதுமாகும் .வறுமையை ஒழித்தல,; சகலவிதமான சமத்துமின்மைகளையும் காலாவதியாக்குதல்  குறிப்பாக எமது சூழலில் சாதி பெண்ணடிமைத்தனம் ஆகியவற்றின் வக்கிரமான இருப்பை உணருதலும் செயற்படுதலும் மனிதர்கள் பரஸ்பரம் கண்ணியமாக நடந்து கொள்ளுதல் என்பன முக்கியமான விடயங்களாகும்

இன அடிப்படையிலான அதிகாரப்பரவலாக்கலுக்கெதிரான ஏகபோக அதிகாரம் எவ்வளவு அகங்காரமானதோ அதே அளவிறகு ஊடக ஏகபோக அதிகார அகங்காரங்களும் ஆபத்தானதாகும் .உண்மைகளை மறைத்து திரித்து போதையேற்றும் வாணிபத்தனமான ஊடகத்துறையும் தோற்கடிக்கப்படவேண்டும்.

அந்தவகையில் உண்மைகளுக்காக கண்ணோட்டம் தன்னால் இயன்றவரை பணியாற்றும். இராணுவமயமாக்கல் ,திட்டமிட்ட குடியேற்றங்கள் எந்தளவு தூரம் தமிழர்கள் என்ற ரீதியில் பிரச்சனை ஆனதோ அதே அளவிற்கு வறியவர்களுக்கும் ,தீண்டாமையின் ஆக்கிரமிப்பில் உழல்பவர்களுக்குமான நிலப்பிரச்சனையும் எம்மைப்பொறுத்தவரை முக்கியமானது.

யாழின் சனத்தொகை 25 ஆண்டுகளுக்கு முன்னர் இருந்ததை விட 50 வீதமாக குறைந்திருந்தும் காணிப்பிரச்சனை பூதாகரமானது. வன்னியிலும் காணிகளுக்கு ஆவணமில்லாமல்-; காணி இல்லாமல் இருப்பவர்களின் பிரச்சனை பாரியது. ஏழைகளின் நிலங்களை இராணுவதேவைகளுக்காக கையப்படுத்துவது எந்த தார்மீக நெறிமுறைகளுக்கும் ஒவ்வாதது.

இராணுவம் மக்களின் நிலங்களைவ விட்டு  வெளியேறவேண்டும். யுத்தம் முடிவடைந்து 3 ஆண்டுகள் ஆகிய பின் இதற்கு எந்த சப்பை கட்டும் கட்டமுடியாது.  ஆனால் நிலமில்லாதவர்களுக்கு நிலம் முன்னுரிமை அடிப்படையில் வழங்கப்படவேண்டும்.

அதிகாரப்பரவலாக்கல் மூலம் உருவாகும் அரச கட்டமைப்பே இதனை மேற்கொள்ளவேண்டும் அதற்குரிய அதிகாரங்கள் பிராந்தியமட்டத்தில் இருக்கவேண்டும். நிலம் ஒரு முக்கியமான பிரச்சனை .

புலம் பெயர்ந்தவர்களும் இதுபற்றி சிந்திக்கவேண்டும். ஏனெனில் இது பாரிய மனிதாபிமானப்பிரச்சனை  தவிர சட்டம் ஒழுங்கு ,சுகாதரம், கல்வி , கலாச்சாரம் போக்குவரத்து, குடி நீர் , உள்ள+ர் சத்திவளங்களை சூழலுக்கு பாதகமில்லாமல்  வளர்த்தெடுத்தல்

மீன்பிடி விவசாயம் சிறுகைத்தொழில்கள் நகர் உருவாக்கம-; சுற்றாடல் உள்ளிட்டவியங்களும்; பிராதிய மட்ட அரசாங்கத்திடம் வழங்கப்படவேண்டும். புpராந்தியமட்ட அதிகாரம் கல்வி- நிலையங்களுள் நிலவும் ஏற்றத்தாழ்வுகளை குறைப்பதாக அமையவேண்டும் . கதாநாயக- நாயகி பாடசாலைகள் மறைய வேண்டும்

சமூக ஏற்றத்தாழ்வின் கட்டுமானமாக இவை இருக்கின்றன. பிரதேச ரீதியான ஏற்றத்தாழ்வுகள் கழையப்படவேண்டும். கிழக்கில்  ஒரு மாகாண சபை செயற்பட்டாலும் உரிய அதிகாரங்கள் பகிரப்படவில்லை.  இதனை கிழக்கின் முன்னாள் முதலமைச்சர் சந்திரகாந்தன், தோழர் துரைரட்ணம் உள்ளிட்ட அங்கத்தவர்கள் வரை வலியுறத்தி வந்துள்ளார்கள்.

தற்போதைய மாகாண சபையும் இதே பிரச்சனைகளை எதிர்நோக்குகிறது. 13வதன் கீழான அதிகாரங்கள் முழுமையாக நடைமுறை சாத்தியமாக்கப்படவேண்டும். இன- மனித உரிமைப் பிரச்சனைகள் தொடர்பான சர்வதேச அக்கறைகள் உதாசீனப்படுத்தமுடியாதவை.

முன்னர் எப்போதையும் விட இலங்கை இந்து சமுத்திர, பிராந்திய சர்வதேச சிரத்தைகளை கவனத்திலெடுத்தாகவேண்டும். ஒருவாறு வடக்கு மாகாண சபைத் தேர்தலை அடுத்த வருடத்தில் நடத்துவது ஒப்புக்கொள்ளப்பட்டது வரவேற்கவேண்டியதே.

ஆனால் 13வதின் கீழான அதிகாரங்கள் சரியான முறையில் பகிர்தளிக்கப்படவேண்டும் . பகிரப்பட்ட அதிகாரங்களை மத்திக்கு எடுத்துக்கொள்வதற்கான நிலைமைகளை கட்டுப்படுத்துவதற்கான புதிய ஏற்பாடுகளும் அரசியலமைப்பில் உள்ளடங்கவேண்டியிருக்கிறது. இன்று நீதிதுறை ,விசேட அதிகாரம், சட்டவாக்கசபை இவற்றுக்கிடையேயான சிக்கல்கள் முரண்பாடுகளும் இதனை உணர்த்துகின்றன.

அனைத்து கட்சி பாராளுமன்ற குழு செயற்படுவதற்கான சூழல் சாத்தியமானால் அதிகாரப்பரவலாக்கல-; இன சமூகங்களிடையே நல்லுறவு இவற்றுக்கு முன்னுரிமை அளிக்கப்படவேண்டும். அதிதீவிர இனவாதசத்திகளின் குரல் வலுவடைய அனுமதிக்க கூடாது. இது ஜனநாயகம,; சமாதானம் ,சகோதரத்துவத்தில் நம்பிக்கை உள்ள தலைவர்களின், மக்கள் பிரதிநிதிகளின் பொறுப்பும் கடமையுமாகும்.

இலங்கையை ஜனநாயக பாதையில் பயணிப்பதற்கு இது முதல் படி.

 சுகு-ஸ்ரீதரன்