மே 13 பின்னர்

தமிழக வாக்காளர் தெய்வங்களை ஆராதிக்கப் போவது யார்?

(அ. விஜயன்)

தமிழக தேர்தல் ஏப்ரல் 13ல் தொடங்கி அதன் முடிவுகள் மே 13 இல் வெளிவர இருக்கிறது. பிரச்சாரம் சூடு பிடித்து அனல் பறக்கிறது. கருத்துக்ணிப்புகள், ஊகங்கள், விவாதங்கள் சகட்டு மேனிக்கு நடக்கிறது. வாக்காளர்களை  தெய்வங்களாக கும்பிட்டு வேட்பாளர்கள் வலம் வருகிறார்கள்.  வாக்காளர் தெய்வங்கள் ஆராதிக்கப்படுவார்களா?  மே 13 பின்னரே அது தெரியும்.

தேசிய தலைவர்கள் தமிழகத்துக்கு படையெடுக்க தொடங்விட்டனர். காங்கிரஸ் தலைவி சோனியாகாந்தி, ராகுல்காந்தி வந்து சென்றுவிட்டார்கள். இந்திய கம்யூனிஸ்ட் கட்சி தலைவர் பரதன் வந்து சென்று விட்டார். மாக்சிஸ் கம்யூனிஸ்ட் கட்சியின் தலைவர் பிரகாஸ் கரத், சந்திரபாபு நாயுடு வந்து சென்று விட்டார்கள்.  தலைவர் அத்வானி வரப்போகிறார்.  பா.ஐ.க தலவர்களில் ஒருவரான நிதின் கட்காரி வந்த சென்று விட்டார். தி.மு.க வை ஆதரித்து பிரச்சாரம் செய்ய நடிகர் சிரஞ்சிவி வரப்போகிறார்  தி.மு.க கூட்டணிக்கு ஆதரவாக பல நடிகர்கள் வடிவேல் உட்பட, அதிமுக விற்கு சார்பாக பல நடிகர்கள் சிங்கமுத்து உட்டபட எல்லோரும் மக்களை திக்கு முக்காட வைத்துக் கொண்டிருக்கின்றனர்.

இவர்கள் தங்களது கட்சிகளுக்கும் தாங்கள் வைத்துள்ள கூட்டணி கட்சிகளுக்கும் தங்களுக்கு பிடித்தவர்களையும், தான் சார்ந்த கட்சியை வானுயர வாழ்த்தியும், பிடிக்காதவர்களை தூற்றியும் பிரச்சாரங்களை மேற் கொள்கின்றனர். எல்லோரது கூட்டத்துக்கும் மக்கள் அலைமோதுகிறது. வரும் கூட்டத்தை வைத்து கணக்குப் போடுதல் சிரமானது.  பேச்சாசளர் சார்ந்த கட்சிக்கு வருபவர்கள் வாக்கு போடுவார்கள் என்றில்லை. இதில் புதினம் பார்க்க செல்பவர்களும் உண்டு. கூட்டத்திற்கு செல்லும் மக்களினை வைத்து கணிப்புகள் செய்தல் இயலாத காரியமாகவே அமையும். ஏனென்றால் எல்லா கட்சி கூட்டங்களுக்கும் அலைமோதுகிறது.

தி.மு.க கூட்டணி கட்சிகள் சாதனைகளை பிரதானமாக சொல்லி வாக்குகளை கேட்கின்றனர். தொடர்ந்தும் சாதனைகளையும் தேர்தல் அறிக்கையில் சொன்ன இலவசங்களையும் தொடர்ந்து செய்வதற்கு எங்களை ஆறாவது தடவையும் தெரிவு செய்யுங்கள் என வாக்குகளை கேட்கின்றனர்.

அ.தி.மு.க கூட்டணியோ தேர்தல் அறிக்கையில் அறிவித்துள்ள இலவசங்களை செய்வோம். அத்துடன் குடும்ப ஆட்சி, ஸ்பெக்டெம் ஊழல் செய்தவர்களை மீண்டும் ஆட்சி கட்டிலில் ஏற்றினால் இந்த நாடு சுடுகாடாக மாறிவிடும் என பிரச்சாரம் செய்கின்றனர். இவ் வகை பிரச்சாரங்கள் அனைத்தையும் கிளிப்பிள்ளை போல் கேட்டுக் கொண்டிருக்கும் தமிழக வாக்காளர்கள் என்ன முடிவு எடுக்கப் போகிறார்கள் என்பது மே 13 இல் தான் தெரியும்.

தமிழக சட்டசபை தேர்தலில் இலங்கைத் தமிழர் பிரச்சினையையும் இரு கூட்டணி கட்சிகளும் எடுத்துள்ளன. காங்கிரசும், தி.மு.க. வும் இலங்கை தமிழர்களுக்கு துரோகம் செய்த கட்சிகளாக சித்தரிக்கப்படுகின்றன. இந்த பிரசசாரத்தை முறியடிக்க தி.மு.க தலைவர் கடும் பிரயச்சித்தம் எடுத்து வருகிறார். அன்னை சோனியாவை வைத்து இதற்கு பதில் சொல்லிவிட்டார். அ.தி.மு.க தேர்தல் அறிக்கை ஒரு படி சென்று தமிழகத்தில் உள்ள இலங்கை அகதிகளுக்கு தமிழக மக்களைப் போல் சகல இலவசங்களும் கிடைக்க வழி செய்வதாக அறிவித்துள்ளார்.  இலங்கைப் பிரச்சினையை மத்திய அரசுடன் கதைத்து தீர்த்து வைக்கப் போவதாகவும் சொல்லி வருகிறார்.

இந்த முறை நடைபெறப் போகும் தேர்தலில் விஐயகாந்த ஒரு கணக்கில் எடுக்கப்படும் சக்தியாக பார்க்கப்படுகிறது. வழக்கத்தை விட விஐயகாந்தின் தேர்தல் பிரச்சாரத்துக்கு மக்கள் அதிகமாக செல்கிறார்கள். விஐயகாந்தின் பிரதானமான பிரச்சாரமாக கருணாநிதியையும் அவர் குடும்ப ஆதிக்கமும் ஒழிக்கப்டவேண்டம் என கூறி வருகிறார். எம்.ஜி.ஆர் தொடங்கிய கட்சியில் கூட்டாக இருந்தாலும் எம்.ஜி.ஆர் புகழ் பாடுவதிலே குறியாக இருக்கிறார். மாறாக ஜெயலிதாவை அவர் ஒரு பொருட்டாக மதிப்பதாக தெரியவில்லை. இதனால் தேர்தலின் பின்னர் உறவு நீடிக்குமா என்பது சந்தேகமே இம்முறை விஐயகாந்தின் தே.மு.தி.க கணிசமான இடங்களை கைப்பற்றும் வாய்ப்புகளே காணப்படுகிறது.

தமிழக தேர்தலை பொறுத்தவரை ஒரு முறை தி.மு.க ஆண்டால் மறு முறை அ.தி.மு.க ஆட்சி அமைந்ததே வரலாறாக உள்ளது. .இது ஆட்சி மாற்றத்தின் அடிப்படையிலே சிந்திகப்படுகிறது. அந்த வகையில் அ.தி.மு.க ஆட்சி வாய்ப்புகள் அதிகமாக உள்ளது.

(அ. விஜயன்) (சித்திரை 09, 2011)