பத்மநாபா-ஈ.பி.ஆர்.எல்.எப், ஈ.பி.ஆர்,எல்.எப் இணைப்பு வரவேற்கற்கத்தக்கது.

அது வரமாக இருக்க வேண்டும்! சாபமாக அமையக் கூடாது!!

(தோழர் ஸ்ரனிஸ்)

பத்மநாபா அவர்களை செயலாளர் நாயகமாக கொண்ட ஈழ மக்கள் புரட்சிகர விடுதலை முன்னணி ஆனது, பத்மநாபா அவர்களை புலிகள் சென்னையில் சுட்டு கொன்றதன் பின்னர், அந்த அமைப்புக்கு செயலாளர் நாயகமாக தோழர் சுரேஸ் பிரேமச்சந்திரன்  நியமிக்கபட்டார். தோழர்சுரேஸ் அவர்களின் செயல்பாடுகள் ஈழ மக்கள் புரட்சிகர விடுதலை முன்னணியின் பாரம்பரியத்துக்கு ஒவ்வாததாக இருப்பதாக அதில் உள்ள மத்திய குழு உறுப்பினர்கள் கண்டறிந்ததால் ஒழுங்காற்று நடவடிக்கைக்கு வர வேண்டும் என நினைத்து நடவடிக்கையில் ஈடுபட்டனர் அதில் உடன் படிக்கை ஏற்படாமல், கட்சி இரண்டாக உடைந்தது.

பத்மநாபா-ஈ.பி.ஆர்.எல்.எப், ஈ,பி.ஆர்.எல்.எப் என அந்த கட்சி இரண்டாக உடைந்து செயல்பட்டது. இதில் ஈ,பி.ஆர்.எல்.எப் கட்சியானது பத்மநாபா அவர்களின் அடிப்படை கொள்கையில் இருந்து பிரண்டு போனது. அது புலிகளை நேரடியாக ஆதரித்தது. இதில் அவர்கள் வெற்றியும் கண்டார்கள். இதன் மூலம் அவர்கள் இரண்டு பாராளுமன்ற ஆசனங்களையும் பெற்றுக் கொண்டார்கள்.

இன்று பாரளுமன்ற ஆசனங்களையோ, மகாண சபை ஆசனங்களையோ, பிரதேச சபை ஆசனங்களையோ பெறுவதுதான் வெற்றியாக கருதப்பபடுகிறது. சழுக அவலங்கள் இன்று இரண்டாம் பட்சமாகவே உள்ளது.

சுரேஸ் தலைமையிலான ஈ.பி.ஆர்,எல்.எப் கட்சியானது தமிழ் தேசிய கூட்டமைப்பில் இணைந்து கொண்டதன் மூலம் இதனை சாதித்துக் கொண்டது. பத்மநாபா-ஈ,பி.ஆர்.எல்.எப் கட்சியை தமிழ் தேசிய கூட்டமைப்பில் இணைக்க யாரும் முயற்சிக்கவில்லை. ஆனால் அதற்கு பிரேமச்சந்திரன் தடையாக இருந்ததாக ஒரு தகவலும் கசிந்தது. 'ஒரு உறையில் இரு கத்திகள் இருக்க கூடாது' என அவர் சொன்னதாகவும், தவகல் கசிந்தது. சம்ந்தர் ஐயாவுக்கு பத்மநாபா-ஈ.பி.ஆர்.எல்.எப் ஐ இணைக்க விருப்பம் இருந்ததாகவும். தமிழ் தேசிய கூட்டமைப்புக்குள் பிரேமச்சந்திரனின் ஆளுமை அதனை தடுத்து விட்டதாகவும் பின்னர் தகவல் வெளிவந்தது.

வடக்கு-கிழக்கை ஒரு காலத்தில் ஆட்சி செய்த கட்சி புலிகளின் பாசிச செயல்பாட்டை எதிர்த்த கட்சி. புலிகளால் அழிந்த கட்சி, புலிகள் ஆதரவு என்றும் புலிகள் எதிர்ப்பு என்றும், மாறு பட்டு நின்று செயல்படுகிறது. இந்த இரண்டையும் எப்படி இணைப்பது என்பதே இன்று பலருக்கு உள்ள பிரதான கேள்வி? இதனை இணைப்பதற்கு முன் முயற்சி எடுப்பவர்களுக்கும் இது ஒரு தர்மதங்கடத்தை ஏற்படுத்த காத்து கிடக்கிறது.

பழையவற்றை மறப்போம் மன்னிப்போம். ஆனால் ஈழ மக்கள் புரட்சிகர விடுதலை முன்னணியின் அடிப்படை கொள்கையினை இந்த இணைப்பு விடுட்டுக் கொடுக்க கூடாது. தனி தமிழ் தேசியம் மட்டுமே பேசுவதாக இந்த கட்சி இருக்க கூடாது, மாறாக பெண்கள் விடுதலை, சாதிய ஒடுக்குமுறை, சமூக ஏற்றத்தாழ்வு, இனங்களுக்கிடையே சமத்துவம், சகோதரத்துவம் போன்றவற்றை காக்க பாடுபடவேண்டும். புலிகளின் கொள்கை எந்த வடிவத்தில் வந்தாலும் அதனை எதிர்ப்பதற்கு பின் நிற்க கூடாது.

இணைப்பு கட்சியின் வளர்சிக்கும் தோழர்களின் மற்றும் கட்சிக்காக அழிந்து போன தோழர்களின் குடும்பங்களின் நலன்களுக்காகவும் நல்லதை செய்ய காத்து கிடக்கிறது என்றால் இதில் யாரும் தயக்கம் காட்ட வேண்டிய அவசியம் இல்லை. அதற்காக முன்முயற்சி எடுப்பவர்களுக்கு ஒத்தைசைகளை உடனே வழங்க வேண்டும்.

'யாரும் இருக்கும் இடத்தில் இருந்து கொண்டால் எல்லாம் சவுக்கியமே' என யாரும் கருத்துக்களை சொல்ல கூடாது. பலரை இழந்து பலரை நிர்க்கதியாக்கி சிலரை வாழ வைக்கும் கட்சியாக நம் கட்சி அமைய கூடாது. அது சிலருக்கு சாபமாக அமையலாம். அது எல்லோருக்கும் வரமாக அமைய வேண்டும்.