வடக்கு-கிழக்கு இணைய வேண்டும்

(தோழர் ஸ்ரனிஸ்)

வடக்கு-கிழக்கை பிரித்ததே ஏற்ககொள்ள முடியாமல் இருக்கும் போது, பிரிந்தபடியே இருக்கட்டும் என்ற சத்தம் அதிகமாக வரதத்;  தொடங்கியுள்ளது. ஈழம் என்றால் வடக்கு-கிழக்கு இணைந்த பகுதிதான், இதற்காகத்தான் இன்று பலவற்றை இழந்து  ஒன்றும் இல்லாமல் ஆக்கப்பட்டு நிற்கிறோம். ஈழம் எனும் சொல் பதம் 1983களிலே பிரபல்யமானது, இந்த சொல் பதத்திற்கு அர்த்தத்தை கொடுத்து, அதன் பால் இளைஞர்களை ஈர்த்து, பலரை அதற்காக, தியாகம் செய்ய வைத்து,நமக்குள் நாமே முட்டி மோதி எல்லாவற்றையும் பாழாக்கிவிட்டோம். ஈழம் கிடைக்கவில்லை வடக்கு-கிழக்கு இணைப்பாவது கிடைக்க வேண்டாமா? இந்த இணைப்பை நாம் எல்லோரும் சேர்ந்து பெறுவதன் மூலமே இறந்தவர்களின் தியாகங்களை நாம் கௌரவப்படுத்த முடியும்.

ஈழம் என்ற கோசத்துடன் தான்  அனைத்து இயக்கங்களும் ஆரம்பத்தில் போராடியது, ஆனால் அது கனவாகிப்போனது, விடுதலைப்புலிகளால் என்பதை பலரும் ஏற்றுக்கொள்வதில்லை.

விடுதலைப்புலிகளால் கனவாகி, அது திசை மாறிப்போவதை மிகவும் தீர்க்க தரிசனத்துடன் புரிந்து கொண்டவர் தோழர் பத்மநாபா, அதனால் தான் அவர் இந்திய-இலங்கை ஒப்பந்தத்தை ஏற்றுக் கொண்டார். அவர் உயிருடன் இருந்த போதே அவரது கட்சியிருக்கும், மக்களுக்கும், தமிழக தலைவர்களுக்கும் ஈழம் போராட்டம் புலிகளால் சீரழிக்கபடுவதை  விளங்கப்படுத்தினார்.

இதனை ஏற்றுக் கொண்ட அவரது கட்சியினர், பெற்ற இழப்பு என்பது யாரும் மறக்க கூடியது அல்ல.

இலங்கை அரசாங்கம் இன்று தமிழர்களின் அரசியல் தீர்வு தொடர்பாக இழுத்தடிப்புகளை செய்து வருவதைப் பார்த்தால் வடக்கு-கிழக்கு இணைப்பு என்பது பகல் கனவாய் போய் விடுமோ என்ற அச்சம் எழுந்துள்ளது.

வடக்கிற்கு வேறு கிழக்கிற்கு வேறு மாகாண சபைகள் அமைவதையே வட-கிழக்கு அரசியல் கட்சிகள் உதறி எறிய வேண்டும். கிழக்கிற்கு அந்த சபை தற்போது நடைபெற்று வருகிறது. வடக்கிற்கு விரைவில் தேர்தல் நடத்தப்பட்டு அது அமையப் போகிறது.

இலங்கையின் உச்ச நீதி மன்ற தீர்ப்பின் படியே அது இன்று பிரிக்கப்பட்டு இருக்கிறது. இதை நாம் நீதி மன்றத்தின் மூலமே இணைக்க முடியும். இதற்கு நாம் ஓரணியில் நின்று போராட வேண்டும்.(ஆயுதப் போராட்டமல்ல)

சட்டத்தினா அது பிரிக்கப்பட்டாலும் அரசியல் அமைப்பு மூலம் அதனை இணைக்க முடியும். பிரித்தாளும் தந்திரம், இன்று அல்ல ஜே.ஆர்.ஜெயவர்த்தனா காலத்தில் இருந்தே நடைபெற்று வருகிறது. அது நம்மிடையே உள்ள ஒற்றுமையின்மையால் பிரித்தாள நினைப்வர்கள் எம்மை பயப்படுத்துகிறார்கள் என்பதை நாம் உணர்ந்தும், புரியாமல் இருக்கிறேர்ம்.

வடக்கு-கிழக்ககை பிரித்ததன் மூலம் தமிழ்,முஸ்லீம்,சிங்களவர் இடையே பிரிவு. ஏற்படுகிறது,தமிழர்களிடையே மாவட்ட ரீதியான பிரிதலும்,பிரதேச வாதமும் வளர்க்கப்படுகிறது.இது ஆபத்தானது இதனை வளர்ப்பவர்களும் ஆபத்தானவர்களே

வடக்கு-கிழக்கு இணைந்தால் பதவியை ராஜினாமா செய்வேன் என ஹிஸ்புல்லா கூறியிருக்கிறார். இப்படிப்பட்ட பேச்சுக்கள் பிரிந்து இருப்பதன் பின்னரே வேகமாக பேசப்படுகிறது.

வடக்கு-கிழக்கு இணைப்பை எதிர்ப்பவர்கள் ஒன்றை புரிந்து கொள்ள வேண்டும். இலங்கை மக்கள் பலவகை துன்பங்களை அனுபவித்ததற்கு பிரதான காரணம் தமிழர் உரிமை தொடர்பான சச்சரவுதான் அந்த சச்சரவு மீண்டும் தொடராமல் இருக்க குறைந்த பட்சம் வடக்கு-கிழக்கு இணைப்பு இன்றியமையாதது என்பதை உணாந்து செயல்பட வேண்டும்.