தமிழகத்தில்  உள்ள இலங்கை மக்களின் வலியும், தவிப்பும்.

(அருள்-விஜயன்)

இலங்கையில் ஏற்பட்ட இனக்கலவரம் காரணமாகவும், அதனைத் தொடர்ந்தும் தமிழகத்துக்கு இடம்  பெயர்ந்தோர், முகாம்களிலும், வெளியிலுமாக தங்கி இருக்கிறார்கள். இவர்களில் இலங்கையின் வடக்கு - கிழக்கை சோந்தவர்கள் மட்டும் அன்றி மலையகத்தைச் சோந்தவர்களும் தங்கியிருக்கிறார்கள். மலையகத்தைச் சேர்ந்தவர்கள் பெரும்பாலும் மண்டபம் மற்றும் திருச்சி கொட்டப்பட்டு முகாம்களில் தங்கி இருக்கிறார்கள். சிறிமா - சாஸ்திரி ஒப்பந்தத்தில் தாயகம் திருப்பிய ஒரு சிலர் இன்னமும் கொட்டப்பட்டு முகாம்களில் தங்கியிருக்கிறார். அந்த ஒப்பந்தத்தில் வந்த பெரும்பாலானவர்கள்  தமிழகத்தில் உள்ள தங்களது பூர்வீக இடத்தை தெரியப்படுத்தி தங்களது சொந்த பந்தங்குளுடன் இணைந்து விட்டனர். தற்போது எஞ்சி இருப்பவர்கள் இவை தெரியாதவர்களாக முகாம்களிலே தங்கியிருக்கிறார்கள்.

வெளியில் தங்கியிருக்கும் இலங்கை மக்களுக்கு அரசின் எந்தவித உதவியும் இல்லை. அவர்கள், தங்களது சம்பாத்தியத்தை நம்பியே வெளியில் இருக்க வேண்டும். அவர்கள் கட்டாயம், அவர்கள் இருக்கும் பகுதி பொலிசில் பதிவுபெற்று இருக்க வேண்டும். முகாமில் உள்ளவர்களுக்கு முகாம் பதிவு இருக்கும் அவர்கள் வெளியில் வேலைக்குச் செல்லும் போது முகாமில் உள்ள பதிவேட்டில் முகாமைவிட்டு வெளிச் செல்லும் நேரம் உள்ளே வரும் நேரம் குறிப்பிட வேண்டும்.

அகதிகள் முகாம் தமிழக அரசால் பராமரிக்கபட்ட காலத்தில் குடும்பத்தின் தலைவருக்கு ரூ.55 வழங்கப்பட்டது. பின்னர்அது  ரூ100 ஆக மாறி,ரூ400 ஆகி, தற்போது ரூ.1000 வழங்கப்படுகிறது. தற்போது குடும்ப தலைவருக்கு ரூ1000, இரண்டாம் நபருக்கு ரூ.750, 12 வயதுக்கு மேல் ரூ.750,12 வயதுக்குள் ரூ400 வழங்கப்படுகிறது. ஒரு மாதத்திற்கு மண்ணெண்ணெய் ஒரு குடுப்பத்துக்கு 10லீட்டர். இதன் விலைரூ.140, அரிசி ஒரு மாதத்திற்கு 12வயதுக்கு மேல் 12கிலோ, 12 வயதுக்கு கீழ் 6 கிலோ இதன் விலை 55 பைசா, சீனி ஒரு மாதத்திற்கு ஒரு நபருக்கு அரைகிலோ, 4பேருக்கு மேல், எத்தனை பேர் இருந்தாலும் 2 கிலோ வழங்கப்படுகிறது.

முகாமில் உள்வர்களின் பிள்ளைகள், வெளியில் உள்ளவர்களின் பிள்ளைகள் தங்கள் வசதிக்கு ஏற்றப்போல் மெட்ரிக்குலேன், மற்றும் அரச உதவி பெறும் பாடசாலைகளில் படிக்கிறார்கள்.

இலங்கை மக்களின் பிள்ளைகள் நன்றாக படிக்கிறார்கள், நல்ல மதிப்பெண்களை பெறுகிறார்கள் பலர் கல்லூரிகளில் படித்து பட்டமும் பெற்றுள்ளார்கள். ஆனால் அரச வேலை வாய்ப்பு அவர்களுக்கு கிடைப்பதில்லை. மாறாக எங்கேயாச்சும் தனியார் நிறுவனங்களில் மிகவும் குறைந்த சம்பளத்துக்கு வேலை செய்கிறார்கள்.

இலங்கையை விட்டு இடம் பெயர்ந்த மக்களில் பலர்  தங்களது பிள்ளைகளின் படிப்பு விடயத்தில் மிகவும் அக்கறையாக உள்ளார்கள், பலர்  தங்கள் பிள்ளைகளை நல்ல படிப்பு படிக்கவும் வைத்துள்ளனர். இலங்கை செல்ல பலர் தயக்கம் காட்டுவதிற்கு தங்கள் பிள்ளைகளின் கல்வி விடயமும் ஒன்றாகும்.

இலங்கை செல்ல பலர் தயங்குவதற்கு பிரதான காரணமாக இருப்பது பொருளாதார நிலமை, வாழ்க்கையை தொலைத்த அவர்கள் இலங்கை செல்ல தயங்குவதற்கு இது ஒரு நியாயமான காரணமாகும்.

அகதிகள் முகாமில் இருந்த ஒருவர் நன்றாக கூலி வேலை செய்து சம்பாதித்தார், தாய்நாட்டின் ஏக்கம் அவரை வாட்டிய போது இலங்கை சென்றார். ரொம்பநாட்களுக்கு பின்னர் ஊர் சென்றவருக்கு உபசரிப்பு என்றால் சொல்லி வேலை இல்லை. இவை சில நாட்கள்தானே, நிலமையை உணர்ந்த அவர் தொழில் தேட முயன்றுள்ளார். கூலித் தொழிலுக்கு சென்றுள்ளார். ஆனால்  அவருக்கு நிரந்தர வேலை இல்லை அதனால் மீண்டும் அகதியாக வந்து விட்டார்.

பல வருடங்கள் வாழ்க்கையை தொலைத்த அவருக்கு, இலங்கையில் உள்ள சிலரின் வாழக்கை முறை வெறுப்படைய வைத்துள்ளது. பலர் வசதியாக உள்ளனர் என்றம் தங்கள் சொந்தத்திலே பலர் வசதியாக இருப்பதாகவும் தான் இனி அவர்கள் அளவுக்கு வரமுடியாது அதனால் கண்காணமல் வாழ்வதே நன்று எனவும் கூறினார்.

இந்த எண்ணம் பல அகதி மக்களிடம் உள்ளது. இதனால் அந்த பத்துக்கு பத்து    அறையில் தங்கள் எதிர்காலத்தை நினைத்து ஏக்கத்துடன் முகாம்களில் வாழ்கின்றனர்.