பக்க சார்பான இணையதளங்களுக்கு 'விக்கிலீக்ஸ்' ஒரு பாடப் புத்தகம்

(அ. விஜயன்)

உலகத்தில் உள்ள பெரும்பாலான ஊடகங்கள் அது அச்சு ஊடகமானால் என்ன, ஒளி ஊடகமானால் என்ன, ஒலி ஊடகமானால் என்ன, இலத்திரனியல் ஊடகமானால் என்ன பக்கசார்பான செய்திகளை பிரசுரித்து ஒரு நாட்டையோ அல்லது ஒரு கட்சியையோ அல்லது ஒரு சமூகத்தையோ, அல்லது ஒரு மதத்தையோ அல்லது ஒது இனத்தையோ அல்லது ஒரு தனிமனிதனையோ திருப்திபபடுத்தும் போக்கே காணப்பட்டு வந்துள்ளது. இதற்கு மாறாக அமைந்து தனித்தன்மையுடன் காணப்படுகிறது. 'விக்கிலீக்ஸ்' இணையதளத்தின் செய்திகள்.

உலக நாடுகளில் உள்ள அமெரிக்க தூதரங்கள் மூலம் திரட்டி அமெரிக்காவுக்கு அனுப்பிய ரகசிய தகவல்கள் 'விக்லீக்கீஸ்' இணையதள ஆசிரியர் ஜூலியன் அசாஞ்ச் கையில் கிடைத்திருப்பதும், அதனை அவர் அவரது இணையதளத்தில் அம்பலப்படுத்தியதும் ஊடகவியலாளர்களுக்கு ஆச்சரித்தைக் கொடுத்துள்ளது. தன்வசம் 2,50,000 ரகசிய தகவல்கள் இருப்பதாகவும் அதில் 1621 மட்டுமே இதுவரை வெளியிட்டுள்ளதாகவும். அண்மையில் கைது செய்யப்பட்டு விடுதலையானபோது தெரிவித்துள்ளார்.

அண்மையில் இலங்கை தொடர்பாக, புதையல் போல் செய்திகளை வெளியிட்டு அதனை அம்பலப்படுத்தும் தன்மையை நிருபித்துள்ளது. இலங்கை அரசு தொடர்பாக அரசு செய்த மனித உரிமை மீறல்கள், இறுதி யுத்தத்தின் போது நடைபெற்றவை என செய்திகள் வெளியாயின பின்னர் டக்களஸ் தேவானந்தா, கருணா தொடர்பாக செய்திகள் வெளியாயின. இறுதியாக விடுதலைப்புலிகளும் குற்றச் செயல்கள் செய்துள்ளார்கள் என்ற செய்தியும் வெளியாகியுள்ளது.

இங்கே விக்லீக்ஸ் ஆசிரியர் யாருக்கும் பரிந்து அதனை வெளியிடத்தயங்கவில்லை அவரை துரோகி என்றோ, புலிகளின் ஆள் என்றோ, அரசாங்கத்தின் கை கூலி என்றோ சொல்ல முடியவில்லை.

பொதுவாக ஒரு ஊடகத்தின் செய்திகளின் தன்மையை வைத்தே அது யாருடைய ஊது குழல் என்பதை கண்டபிடுத்துவிட முடியும். ஆனால் விக்கிலீக்ஸ் யாருக்காக செயல்படுகிறது என்பதை இலகுவில் கண்டபிடிக்க முடியவில்லை. இதிலே அதன் ஆசியரியர் ஜூலியன் ஜெயித்து நிற்கிறார்.

யார் எதைச் செய்தாலும் அதனை அம்பலப்படுத்துவது ஒரு நல்ல செயல்தான். 'முடிச்சவிக்கிகள்' போல் எழுதுவது என்றென்றும் ஆபத்தானது எதிலும் நம்பகத்தன்மையும், வெளிப்படைத்தன்மையையும் காட்டவேண்டும் அப்போது அவன் ஜெயிப்பபான். அவை ஜெயிக்கும்.

முடிச்சவிக்கிபோல் இருந்து பக்கச்சார்பாக, பக்கங்களை நிரப்பும் பல வகை ஊடகங்கள் இன்று உலாவருகிறது. குறிப்பாக இலத்திரன் ஊடங்களில் பலவகை இணையதளச் செய்திகள் இப்படியான வேலைகளைச்  செய்கிறது. இருப்பதை பறப்பதாக எழுதும் தன்மை அவர்களிடம் பரவலாக காணப்படுகிறது.

செய்தியை முந்திக் கொடுக்க வேண்டும் என்ற நோக்கில் அவற்றின் உன்மைத்தன்மையயை ஆராய்வதில்லை இப்படியானவர்களுக்கு 'விக்கிலீக்ஸ்' ஒரு பாடப்புத்தகமாக அமையட்டும்.

விக்கலீக்ஸ் போல் செய்திகளை திரட்டுவதற்கு உலக இச்சைகளை மறந்தே செயற்படவேண்டும். உலக இச்சைகளில் ஏதாவது ஒன்றிக்கு அடிமைப்பட்டவனால் இதனைச் செய்ய முடியாது.

(அ. விஜயன்) (மார்கழி 19, 2010)