புலிகளால் கொல்லப்பட்ட தமிழர்கள் பற்றி எவரும் கவலைப்படுவதில்லை

(தோழர்ஸ்ரனிஸ்)

புலிகளால் கொல்லப்பட்ட தமிழர்களும் அவர்களது தியாகங்களும் என்றுமே வஞ்சிக்கப்பட்டே கொண்டிருக்கிறது. இது திட்டமிட்டே சிலரால் மேற்கொள்ளப்படுகின்றது. இந்த வஞ்சித்தல் ஏன் எதனால். இதில் முழுக்க முழுக்க அரசியலே உள்ளது. புலிகளில் இருந்து கொல்லப்படட்வர்களுக்காகவும் அவர்களது நலன்கள் தொடர்பாகவும்  இந்த உலகமே ஓர் அணியில் நிற்பதைப்போல் ஒரு தோற்றம் உள்ளது. ஆனால் புலிகளால் கொல்லப்பட்டவர்களின்  நிலைமை பரிதாபாக உள்ளது. யாரும் அவர்கள் தொடர்பாக கதைப்பதே இல்லை அந்தக்குடும்பங்கள் என்ன நிலைமையில் வாழ்கிறார்கள் என்பதையோ அவர்கள் நலன்கள், மறுவாழ்வு தொடர்பாகவோ எவரும் கண்டுகொள்வதாக இல்லை இன்று புலிகளில் இருந்து கொல்லப்பட்டவர்கள் தொடர்பான நலன்கள் மற்றும் அவர்கள் மறுவாழ்வுபற்றி பேசுபவர்களின் அரசியலே கோலோச்சுகிறது.

வீழ்ந்து கிடக்கும் ஒரு மனிதனுக்கு ஒன்று பண பலம் வேண்டும் அல்லது மனிதர்களின் பக்கபலம் வேண்டும் இவை இரண்டுமே இல்லாத மனிதன் வாழ்வில் பிரகாசம் ஏற்படும் வாய்ப்புகளே இல்லை மற்றவர்களின் வாழ்விலும் எல்லாம் நடக்க இந்த அரசியல் வாதிகள் முன்வரவேண்டும்.இந்த நிலைமைதான் இன்று புலிகளால் கொல்லப்பட்டவர்களுக்கு ஏற்பட்டுள்ளது.

ராஜீவ்காந்தி படுகொலையின் போது உயிரழந்த தமிழர்கள் 16பேர் குடும்பங்கள் தற்போது கொலையாளிகளுக்கு இந்திய உச்சநீதிமன்றம் அளித்த தீர்ப்பு தொடர்பாக அதிர்ச்சி அடைந்து அவர்களது மனக்குமுறல்களை வெளிப்படுத்தி வருகின்றனர்.

அந்தச் சம்பவத்தில் இன்பெக்டர் கணவனை பலிகொடுத்த பாலசரஸ்வதி 'என் கணவரும் பச்சை தமிழர்தான் தூக்கு தண்டனை கைதிகளுக்கு குரல்கொடுத்த தலைவர்கள் எங்களுக்கு ஆறுதல் கூறவரவில்லை.அதே சம்பவத்தில் கொல்லப்பட்ட காஞ்சிபுரம் மாவட்ட எஸ்.பி முகமது இக்பால் அவர்களின் மகன் ஜாவீத் இக்பால்,நாட்டின் முன்னாள் பிரதமரை கொலை செய்தவர்களின் தண்டனையை ரத்து செய்வதில் வருத்தம் அளிக்கிறது  எனக் கூறியுள்ளார்.

இலங்கையில் அண்மையில் யாழ்ப்பாணத்தில் நடைபெற்ற ஜனாதிபதி ஆணைக்குழு விசாரனையில் பலர் தங்கள் பிள்ளைகளை புலிகள் பிடித்து சென்றதாகவும் பின்னர் அவர்களை புலிகள் கொலை செய்திருப்பார்கள் என்றும் புலிகள் மேல் குற்றம் சுமத்தியுள்ளனர்.தற்போதைய சூழ்நிலையில் பலருக்கு இந்த விடயம் சிவபூசைக்குள் கரடி நுழைந்த கதையாகத்தான் இருந்திருக்கும்.ஆனால் உண்மை என்றுமே உறங்குவதில்லை.

இலங்கையில் நடைபெற்ற போராட்டங்களின் போது பல தமிழர்கள் புலிகளால் கொல்லப்பட்டுள்ளார்கள் என்பது இந்த உலகிற்கே தெரிந்திருந்தும் அவர்களது மறுவாழ்வு குறித்து கவனம் செலுத்த எந்த அரசியல் கட்சியும் முன்வருவதில்லை. ஏனென்றால் அவர்களது மரணத்தை பேசுவதால் அரசியல் கட்சிகளுக்கு பிரயோசனம் இல்லை என அவர்கள் நினைக்கிறார்கள்.இதனால் அவர்கள் பலதை இழந்துவிட நேரிடும் என நினைக்கிறார்கள்.புலிகளுக்கு எதிராக பேசியவர்கள் அவர்களது செயல்பாட்டை விமர்சித்தவர்கள் இலங்கை அரசியலில் பின்னுக்கே தள்ளப்பட்டு கிடக்கிறார்கள்.

இது இன்று ஒரு 'ரெண்ட்' ஆக உள்ளது.இந்த 'ரெண்ட்' இல் இருந்து விடுபட்டுவிட்டால் தங்களது அரசியலே அஸ்தமனமாகிவிடும் என இவர்கள் நினைப்பது என்றும் ஆபத்தானது.

இப்படியொரு அரசியல் முடிவினாலே இன்று தமிழகத்தில் ராஜீவ் கொலையாளிகளின் விடுதலை தொடர்பான சர்ச்சை ஏற்பட்டுள்ளது.எடுத்தேன் கவிழ்த்தேன் என்ற முடிவால் இன்று கொலையாளிகளின் விடுதலை கேள்விக்குறியாக நிற்கிறது. இதற்காக போராடிய தமிழ் அமைப்புகள் அடுத்தகட்டமாக ஒன்றும் செய்யமுடியாத நிலை ஏற்பட்டுள்ளது.

பல வழக்குகளில் சிறையில் இருக்கும் ஆயுள் தண்டனை கைதிகள் மற்றும் மரண தண்;டணை கைதிகளை தட்டியெழுப்பி அவர்களும் விடுதலை தொடர்பாக ஜனாபதியை அணுக முயற்சிகளை மேற்கொள்ள தூண்டிவிடப்பட்டுள்ளார்கள்.

மத்திய அரசும் மாநில அரசும் பேசி கொலையாளிகளின் தண்டணையை குறைக்கலாம் என்று கூறிய உச்ச நீதி மன்றமே, இன்று விடுதலை செய்தால் ஏற்படும் ஆபத்து தொடர்பான அப்பீல் மனுiவை ஏற்றுக்கொண்டு அவர்களது விடுதலை தொடர்பாக தமிழக அரசிடம் விளக்கம்கேட்டு மார்ச்6 வரை இடைக்கால தடை விதித்துள்ளது.

தமிழக அரசின் இந்த அவசரம் தொடர்பாக பல விமர்சனங்கள் எழுந்தது மட்டுமல்லாமல் தமிழக முதல்வரின் பிரமதமர் கனவிலும் திரைகள் விழுந்துள்ளது.