அரசியல் தீர்வு தொடர்பாக வரதராஜபெருமாள் அவர்களின் கருத்து   காத்திரமானது

(அ. விஜயன்)

இந்தக் கேள்வியை இதை எழுதும் நான் கேட்கவில்லை, பலர் கேட்கின்றனர். அவர்கள் கேட்பதில் நியாயம் எனக்கு தென்பட்டது, அதனால் என் அறிவிவுக்கு எட்டியதை எழுதுகிறேன்.

தமிழ் கட்சிகளின் அரங்கம் என்பது தமிழ் பேசும் மக்களின் அரசியல் தீர்வு தொடர்பான விடயங்களை ஆராய மட்டுமே உருவானது என அண்மையில் தமிழீழ மக்கள் விடுதலைக் கழகத்தின்  கொழும்பு அலுவலுகத்தில் கூடிய போது சொல்லப்பட்டுள்ளது. அது விரும்பினால் ஒன்றாகவும், தனியாகவும், யாருடனாவது கூட்டமைத்து நடைபெறப் போகும் உள்ளுராட்சி தேர்தலில் போட்யிடலாம் என அறிவிக்கபட்டிருந்தது. இது தமிழ் கட்சிகளின் அரங்கத்தக்குள்ளே உள்ள ஒரு ஐனநாயகம் நிலவுவதை வெளிக்காட்டுகின்றது.

அன்மையில் தமிழ் பேசும் மக்களின் அரசியல் தீர்வு திட்டம் தயாரிப்பது தொடர்பாக தமிழ் தேசிய கூட்டமைப்பில் மூவரும், தமிழ் கட்சிகளின் அரங்கத்தில் மூவரும் நியமிக்கப்பட்டனர். இதில் தமிழ் கட்சிகளின் அரங்கத்தில் நியமிக்கப்பட்டவர்கள் தொடர்பாக, நியமிக்கப்பட்டவர்கள் தொடர்பாக என்றால், நியமிக்கப்ட்டவர்களின் ஏன்? வரதராஐபெருமாள் அவர்கள் இல்லை?என்ற கேள்வியை பலர் கேட்கின்றனர் வரதராஜபெருமாள் என்றால் அவர் இலங்கையில் தமிழ் பேசும் மக்களுக்காக அமைந்த முதல் மாகாண அரசின் முதல்வர் என்ற விடயத்தில் இருந்தே இந்த கேள்வியே தோன்றியுள்ளது.

ஒரு மனிதனின் வாழ்க்கையோ அல்லது ஒரு சமுதாயத்தின் வாழ்க்கையோ நல்லது கெட்டது என்பது அனுபவத்தின் ஊடாக கிடைக்கப்பெற்றவைகளில் இருந்து பெறப்பட்டவைகளே. ஒரு நல்ல மனிதனையோ அல்லது ஒரு நல்ல சமுதாயத்தையோ தோற்றுவிக்க முடியும் அந்த வகையில்  வடக்கு-கிழக்கு மாகாண அரசின் முன்னாள் முதல்வர் வரதராஜபெருமாள் அவர்களின் கருத்துக்கள் தமிழ் கட்சிகளின் அரங்கத்தில் உள்வாங்கப்பட்டு அது தமிழ் பேசும் மக்களின் பிரச்சினையை தீர்ப்பதற்காக எந்த அரங்கத்தில் பேசப்படுகிறதோ அந்த அரங்கத்தில் அதற்கு மதிப்பும் மரியாதையும் இருக்கும் ஏனென்றால் அனுபவவே வாழக்கையின் பாடமாகும்.

வரதராஜபெருமாள் என்வபர் தற்போதைய பத்மநாபா ஈ.பி.ஆர்.எல்.எப் கட்சியின் ஒரு தலைவாராக பார்க்காமல் அவர் இலங்கையில் தமிழ் பேசும் மக்களுக்காக  அமைந்த மாகாண அரசின் முதல் முதல்வர் என்றே பார்க்கவேண்டும்.

வரதராஜபெருமாள் முதல்வராக இருந்த காலகட்டத்தில் இந்திய இலங்கை ஒப்பந்தம் ஏற்பட்டு ஒரு மாகாண அரசு அமைந்த போதும் அது அதிகாரங்கள் இல்லாத அரசாக இருந்ததென்பது அனைவருக்கும் தெரியும்.  இந்த அதிகாரத்தின் கடிவாளத்தை யார் கையில் வைந்திருந்தார், என்பது அனுபவபட்டவருக்கு மட்டுமே புரியும், அந்த வகையில் முன்னாள் முதல்வர் என்ற வகையில் வரதராஜபெருமாள் அவர்களை தமிழ் பேசும் மக்களின் அரசியல் தீர்வு தொடர்பாக தெரிவு செய்யப்பட்ட குழுவில்  அவர்களின் பங்கு என்பது மிக, மிக முக்கியமானது தமிழ் பேசும் மக்களின அரசியல் தீர்வு தொடர்பான பல சிக்கலான பிணக்குகளை தீர்ப்தற்கு அவரின் சூத்திரத்தை பிரயோகிக்க வேண்டும்.

(அ. விஜயன்)