ஸ்ரீபெரும்புதூர் ராஜீவ்காந்தி நினைவிடத்தில் இருந்து ஈ.என்.டி.எல்.எப் டெல்லி வரை நடை பயணயம் சொல்வதும், சொல்லப்போவதும்

(அ. விஜயன்)

இந்த நடைப் பயணத்திற்காக, ஈ.என்.டி.எல.எப் இனர் தேர்ந்தெடுத்துள்ள இடம் சாலப் பொருத்தமானதாகும். இலங்கைத் தமிழர்களுக்காக ஒரு ஒப்பந்தத்தை ஏற்படுத்தி அதற்காக இந்திய அமைதிப்படையை இலங்கைக்கு அனுப்பி அப் படையினரின் பாதுகாப்புடன் அந்த ஒப்பந்தத்தை அமுல்படுத்தியவர் அதற்காக புலிகளால் கொலை செய்யப்பட்டவர். அவர் சின்னா பின்னமாக்கப்பட்ட இடம் இன்று ஒரு புனித இடமாக பாராமரிக்கப்படுகிறது.  எல்லோரையும் திரும்பிப் பார்க்கச் செய்யும் அந்த இடத்தில் தொடங்கும் ஈ.என்.டி.எல.எப் இனரின் நடைப்பயணம் வெற்றிபெற வேண்டும். அந்த இடத்தை பார்வையிடச்  செல்லும் இலங்கை  தமிழர்கள் ஒவ்வொருவரது  உள்ளத்திலும் ஒரு குற்ற உணர்வு ஏற்படும். நீங்களும் சென்று பாருங்கள் அதை உணர்வீர்கள்.

இலங்கைத் தமிழர் பிரச்சினை என்பது இந்தியாவின் தலையீடு இல்லாமல் அதனை தீhத்து வைக்கமுடியாது. இந்திய எதிர்ப்பு என்பது புலிகள் இருந்தகாலத்தில ;புலிகளால் வளர்த்து அது இலங்கை தமிழர்கள் சிலரிடம் வேரூன்றியது அது இப்போது குறையத் தொடங்விட்டது. ஆபத்துக்கு இலங்கைக்கு முதல் கை கொடுப்பது இந்தியாதான்,அகதிகளா ஓடிப்போவது முதல் இயற்கை இடர் ஏற்படும் போதெல்லாம் முதலில் கிடைப்பது இந்தியாவின் உதவிதான் அப்படி உதவிகள் செய்யும் ஒரு நாட்டை பகைத்ததென்பது அரசியல் அறிவில்லாத்தன மென்றே கூற வேண்டும்.

இன்று இலங்கைத் தமிழர்கள் வாழ்வில் ஒன்றுமே நடக்காமல் வெறும் அபிவிருத்தி என அரசியல் அபிலாசைகளை தட்டிக்ழிக்கும் போக்குதான் காணப்படுகிறது. அவர்கள் கௌரவமான வாழக்கை வாழ அரசியல் தீர்வு என்பது இன்றியமையாதது. அதனை இந்தியாதான் பெற்றுத்தர வேண்டும் என்ற எண்ணம் பலரிடம் வேரூன்றி விட்டது. அந்த வகையில் ஈ.என்.டி.எல.எப் இன் டெல்லி வரை பாதயாத்திரை ஒரு சமிக்கையாக அமையட்டும்.

இந்தியா இலங்கை தமிழ் இளைஞர்களுக்கு பயிற்சிகள் வழங்கியது,இலங்கை- இந்திய ஒப்பந்தத்தை ஏற்படுத்தி,அதை அமுல்படுத்த அதிக ஆர்வம் காட்டியது என்பன இந்தியாவின் நலன் சார்ந்தே  என இந்திய எதிர்ப்பு சக்திகளால் கூறப்பட்டு வந்தது, அவர்கள் சொல்வது உண்மையாக இருக்கட்டும் அதில் இலங்கைத்  தமிழர்கள் நலன்கள் அமைந்தன என்பதை ஏன் இந்த சக்திகள் தட்டிக்கழித்து எல்லாவற்றையும் பாழாக்கியும்,பாழாக்கவும் துடிக்கிறது.

புலிகள் எடுத்த மொக்குத்தனமான ஒரு முடிவு ராஜீவ்காந்தியை கொலை செய்தது இதனால், இந்தியா இலங்கைத் தமிழர் பிரச்சனையில் பாராமுகமாக இருந்தது உதவி  செய்யப் போய் ஒரு இளம் தலைரை பறிகொடுத்ததென்பது இந்தியாவிற்கு இலங்கை தொடர்பான தமிழர்கள் பிரச்சினையில் தலையிட தயக்கத்தை ஏற்படுத்தியது.இனி இந்திய அரசாங்கம் அப்படி இருக்கக் கூடாது இலங்கை தமிழர் பிரச்சினையில் இந்தியா கட்டாயம் தலையிட்டே ஆக வேண்டும். அண்மையில் இலங்கை அதிபர் மஹிந்தராஜபக்ச அவர்களும் இந்திய தலையீடு தொடர்பாக நல்லதொரு கருத்தை தெரிவித்துள்ளார்.

இன்று இலங்கைத் தமிழர் பிரச்சினையானது இந்தியாவில் உள்ள அரசியல் சிக்கலால் சிக்கலான நிலமைக்கு தள்ளப்பட்டு நிற்கிறது. மத்தியில் ஆட்சி செய்யும் காங்கிரஸ் மீதும்,தமிழ் மாநிலத்தில் ஆளும் தி.மு.க மீதும் எதிர்க்கட்சியினர்  செய்யும் பிரச்சாரங்கள் யாராலும் ஏற்றுக் கொள்ளக் கூடியவை அல்ல ஓட்டுப் பொறுக்குவதற்காக அவர்கள் செய்யும் பிரச்சாரங்கள் இலங்கைத் தமிழர் பிரச்சனையை தீர்க்க கூடியவை அல்ல இந்திய மத்திய அரசு ஒரு நல்ல தீர்வை ஏற்படுத்திக் கொடுத்தாலும் அதை கெடுப்பதற்கென்றே இவர்கள் செயற்படுவார்கள் அப்படித்தான இலங்கை-இந்திய ஒப்பந்தத்தையும் அதன் மூலம் ஏற்பட்ட மாகாண அரசையும் கெடுத்தார்கள்.

இலங்கையில் சண்டை நடக்கும் போது தமிழகமே கொதித்தது பல போராட்டங்கள்.பல ஆர்ப்பாட்டங்கள் நடத்தினார்கள் இவை இலங்கைத் தமிழ் மக்களை காப்பாற்ற என்ற பெயரினால் நடத்தப்பட்டாலும் அதில் புலிகளை காப்பாற்ற நடத்தப்பட்டவையே அதிகமான போராட்டங்கள். கடைசியில் புலிகளை இலங்கை இராணுவம் சுற்றி வளைத்து சின்னாபின்னமாக்கிய பின்னர் இலங்கையில் தமிழர்களுக்கு பிரச்சினையே இல்லை என்பதைப்போல் மௌனமாகி விட்டனர் தற்போது கருணாநிதியையும், மத்தியில் ஆளும் காங்கிரசையும் திட்டடி தீர்க்கின்றனர்.

தற்போதுள்ள சூழிலில் தமிழகத்தில் உள்ள கட்சிகள் இலங்கை தமிழர்களுக்காக கட்சி பேதமின்றி ஒரு போராட்டத்தை நடத்துவார்களானால்., இலங்கை தமிழர் பிரச்சினைகள் தீர சம்பந்தப்பட்டவர்கள் முனைப்பு காட்டுவார்கள் இதனை தமிழக கட்சிகள் செய்ய வேண்;டும்.

தமிழக கட்சிகள் ஏன் தயங்குகின்றன அப்படி போராட்டம் நடத்தி தமிழர்கள் பிரச்சனையை தீர்க்க இந்திய மத்திய அரசு முனைப்பு காட்டினால் அது காங்கிரசுடன் கூட்டணி வைத்துள்ள தி.மு.க விற்கு அதன் பலாபலன் கிடைத்து விடுமோ என்ற தயக்கம் அவர்களிடம் இருக்கிறது காங்கிரசோ,தி.மு.க வோ இலங்கை தமிழர்களுக்காக ஏதும் செய்தால் இது ஒரு கபட நாடகம் என்கிறார்கள். இவர்களது அரசியலுக்காக இலங்கைத் தமிழர்கள் பல காலமாக பயன்படுத்துப்பட்டுள்ளனர்.

தற்போது ஈ.என்.டி.எல.எப் நடாத்தும் பாதயாத்திரைக்கும் எதிர்ப்பு கிளம்பியுள்ளது எதிர்ப்பை கிளப்பியவர் வேறு யாருமல்ல அண்ணன் வைகோ, இது அவர் புலிகளிடம்  இருந்து கற்றுக் கொண்டவை போல் தெரிகிறது அவர் இதனை விடுத்து அண்மையில் வெளியிட்ட அறிக்ககையே இதனை கோடிட்டு காட்டுகிறது.

விரைவில் தமிழகத்தில் தேர்தல் வர இருப்பதால் ஈ.என்.டி.எல்.எப் நடாத்தும் பாதயாத்திரையை  காங்கிரசும்,இந்திய உளவுப்படையும்தான் செய்ய சொல்லியுள்ளது என புலிகள் கூறுவது போலும் கூறியுள்ளார்.

ஈ.என்.டி.எல.எப் இன் இந்த பாதயாத்திரை என்பது இந்தியா இலங்கையில் மீண்டும் தலையிடச் செய்வதற்கு நல்தொரு சமிக்கையாகும்.

(அ. விஜயன்)