உள்ளுராட்சி தேர்தலுக்கு இவ்வளவு முக்கியத்துவமா?

(அ. விஜயன்)

எதிர்வரும் 23 திகதி நடைபெறக்போகும் உள்ளுராட்சி சபை தேர்தல் என்பது அரச தரப்பிலும்,தமிழ் தேசிய கூட்டைப்பு தரப்பிலும் ஒரு முக்கியமான தேர்தலாக பார்க்கப்படுகிறது. 'லைட்டு' போடுவதற்கும், ஒழங்கைகளுக்கு கிரவல் போடுவதற்கும், கிராம, நகரத்தின் நலன்களை பாதுகாக்கவும் உறுப்பினர்களை தெரிவு செய்யும் ஓரு தேர்தலே இது. ஆனால் வரும் செய்திகளையும், அறிக்கைகளையும் பார்த்தால் பாராளுமன்ற தேர்தலை விஞ்சி விட்ட தேர்தலாக தெரிகிறது.

'அரசாங்கம் தமிழ் பகுதிகளில் தமிழ் மக்களுக்கு உதவிகளைச் செய்து அவர்கள் மனங்களை வெல்வதன் மூலம் தமிழ் தேசியத்தை அழிக்க நினைக்கிறது. இது தமிழ் மக்களுக்கு ஆபத்தானது. இப்படியான போலி விளங்பரங்கள்கனை கண்டு தமிழ் மக்கள் ஏமாற மாட்டர்கள் என்ற நம்பிக்கை எமக்கு உள்ளது'. என தமிழ் தேசிய கூட்டமைப்பு காரர்கள் தமது வழக்கமான பாணியில் வசனங்கள் பேசிவருகிறார்கள். இந்த வீர வசனங்கள் பேசி தமிழ் வாக்காள பெருமக்களின் நரம்பை கூடேற்றி வோட்டுக்களை பெற அவர்கள் காலம் காலமாக செய்துவரும் உத்திதான் இதுவும் என எண்ணத் தோன்றுகிறது.

தமிழ் தேசியம் உலகெங்கும் கனிந்து மணம் பரப்புவதாக தமிழ் தேசிய கூட்டடைப்பு காரர்கள் நினைக்கிறார்கள் அவர்களது நினைப்புக்கும் அவர்கள் பேச்சுக்கும் அரசாங்கம் தற்போது அளவுக்கு அதிமாக உதவிகள் செய்வதனாலும்.மந்திரிகளை அனுப்பி மக்களை கவர்வதாலும் ஆபத்து வந்து விடும் என நினைக்கிறார்கள் இதனை தடுக்க வேண்டும் இதற்கு அவர்களிடம் இருக்கும் ஒரே ஆயுதம் அவர்களிடம் காலம் காலமாக இருக்கும் வீர வசனங்கள்தான்.

இதுவரை இலங்கை அரசாங்கத்துடன் பலசுற்று பேச்சுகளை நடாத்திய தமிழ் தேசிய கூட்டமைப்பு உருப்படியான விடயங்களை அரசாங்கத்துடன் பேசவில்லை என்ற குற்றச்சாட்டு உள்ளது. அரசாங்கமும் உருப்படியாக எதனை முன்வைக்காமல் இழுத்தடிக்கும் நிலைமையும் காணப்படுகிறது. பேச்சுவாhத்தையை இரு தரப்பும்  தந்திரோபாயமாக கையாள்வது தெரிகிறது. இந்த இரு தரப்பு தந்தரோபாயங்களையும் உலகம் உன்னிப்பாக கவனித்துக் கொண்டிருக்கிறது.இவர்களது தந்திரோபாயங்களால் உருக்குலைந்து சீரழியப்போவது அப்பாவி தமிழ் மக்களே

இந்த நிலைமைகளில்  நடைபெறப்போகும் உள்ளுராட்சி தேர்தல் தமிழ் மக்களின் மனங்களை வெல்ல அரச தரப்புக்கும:,தமிழ் தேசிய கூட்டமைப்பு தரப்புக்கும் முக்கியமாக தெரிகிறது.இரு தரப்பும் சொல்லும் காரணங்கள்,செய்யும் செயல்களால் தமிழ் மக்கள் என்ன முடிவெடுப்பார்க்ள எனபதை பொறுத்திருந்துதான் பார்க்;க வேண்டும்.

தற்போதுள்ள சூழலில் தமிழ் மக்கள் பெரும் குழப்பத்திலே இருப்பார்கள். தமிழ் தேசிய கூட்டமைப்பும் எங்களை ஏமாற்றுகிறது. அரசாங்கமும் எங்களை ஏமாற்றுகிறது.இந்த இக்கட்டான நிலைமையில் நாங்கள் யாரை நம்புவது. தமிழ் மக்களிடம் சரியான தலைமைத்துவம் இதுவரை ஏற்படவில்லை என்ற ஏக்கம் தமிழ் மக்களிடம் இந்த காலகட்டங்களில் மீண்டும் ஒரு தடவை அவர்களது மனக்கதவை தட்டிச் செல்லும்.

உள்ளுராட்சி தேர்தல் முக்கியத்துவம் இதுவரை இலங்கை வரலாற்றில் இப்படி இருந்ததில்லை.இந்த முக்கியத்துவத்தினுள் ஒளிந்து கிடப்பது தமிழர் பிரச்சினையே இதனை தீர்க்க அரசாங்கம் சகல தரப்பினருடனும் பேச வேண்டும். இல்லையேல் வடக்கு-கிழக்கில் நடைபெறும் அனைத்து விடயங்களும் உலகத்துக்கு பெரும்செயல்களாக எடுத்துக் காட்டப்படும். இதற்கான பெறுபேறுகள் ஒன்றும் இல்லாமலே போய்விடும்.

(அ. விஜயன்)(ஆடி 18, 2011)