24வது தியாகிகள் தினம்

19.06.1990 அன்று   தோழர்பத்மநாபா மற்றும் பன்னிரெண்டு பேரை புலிகள் சென்னை கோடம்பாக்கத்தில் வைத்து சுட்டுக் கொன்ற தினமான ஜீன்19 ஐ தோழர்பதமநாபா சார்ந்த கட்சியினர் தியாகிகள் தினமாக உலகமெங்கும் அனுஷ்டிக்கின்றனர். இத்தினத்தில் ஜனநாயகம், சுதந்திரம், அமைதிக்காக போராடி மரித்த போராளிகளையும், பொது மக்களையும் நினைவு கூர்ந்து அவர்களின் தியாகங்களை கௌரவப்படுத்தி அவர்களுக்காக அஞ்சலி செலுத்தி  வருகின்றனர். தோழர்பத்நாபா அவர்கள் சுயநலமற்ற வாழ்க்கையையே வாழந்தார்.அவரிடம் மனிதநேயம் இருந்தது. கட்சி அங்கத்தவர்களை பெரிதும் மதிக்கும் மனித பண்பும் காணப்பட்டது.அவர் கட்சியின் பொதுச்செயலாளராக இருந்து கட்சியை உரிய மரிதையுடன் நடத்தினார்;.அரவது காலத்தில் கட்சி கட்டமைப்பு குலையாமல் சீரிய முறையில் செயல்பட்டது. அவருக்கு பின்னரான காலத்தில் கட்சியின் கட்டமைப்பை சீரமைக்க பலர் முயற்சி செய்தாலும அது சிலரது சுயநலபோக்கால் சீரழிவு பாதைக்கே சென்றது.

இன்றும் பல தோழர்கள் தோழர்பத்மநாபா போன்ற மனிதர்; போல் எவரும் இல்லையே என ஆதங்கப்பட்டு பேசுவவதை கேட்கக் கூடியதாக இருக்கின்றது என்றால் தோழர்பத்மநாபா அவர்களின் மனிதநேயமே அதற்கு பிரதான காரணமாகும்.

இலங்கைத் தமிழர்கள் அரசில் தீர்வு தொடர்பாகவும் அவர் 1987 இல் ஏற்பட்ட இந்திய-இலங்கை ஒப்பந்தத்தை ஏற்றுக் கொண்ட விடயம் என்பதே அவரது தீர்க்க தரிசனமானமான முடிவாகும்.அவர் என்றும் அழிவுப்பாதைக்கு எதிரான கருத்துகளையே கொண்டிருந்தார்.மக்கள் அமைதியுடன் வாழவேண்டும் என்றும் நாட்டில் ஜனநாயகம் தளைக்க வேண்டும் என்றும் அருப்பாடுபட்;டு அதற்கான செயற்பாடுகளில் இறங்கி செயற்பட்டார்.

தோழர்பத்மநாபா அவர்கள் இனங்களிடையே முரன்பாட்டை தோற்றுவித்து அதில் அரசியல் ஆதாயம் தேட முயலவில்லை மாறாக இன ஐக்கியமே பிரச்சினைகளை தீர்க்க பிரதானமானது என எண்ணினார்.அதன் ஒரு கட்டமாகவே அவர் முதல் முதலாக அமைந்த வடக்கு-கிழக்கு மாகா அரசில் சிங்கள,முஸ்லீம் அமைச்சர்களை இடம்பெறச் செய்தார்.

குறிப்பாக அவர் இந்தியாவின் நன்பனாக செயற்பட்டார். அவர் இந்தியாவே எமது பிரச்சினையை கரிசனையுடன் பார்த்து தீர்த்தும் வைக்கும் ஒரே சக்த்தி என்பதை ஆணித்தரமாக நம்பி இந்தியாவுடனான உறவினை அவர் எச்சந்தர்ப்பத்திலும் உதறித்தள்ள விரும்பவில்லை.

இன்றைய இத் தினத்தில் நாம் தோழர்பத்மநாபா அவர்களின் கொள்கைகளை எண்ணிப்பார்த்து அவரது வழியைப் பின்பற்றுவது கட்சிக்கும் ஒரு மனிதனின் தனிப்பட்ட வாழ்க்ககைக்கும் பொருத்தமாக அமையும்.

எமது உரிமைகப் போராட்டத்தில் பல்லாயிரக் கணக்கானோர் தியாகம் செய்த போதிலும் இதுவரை அவர்களது தியாத்திற்கு எந்த பலாபலன்களும் கிடைக்காமல் இன்னும் எம்மக்கள் ஏமாற்றமடைந்தே வருகின்றனர்.

(ஸ்ரனிஸ்)