தற்போதைய சூழலும் இலங்கைத் தமிழர்களும்

புலம்பெயர்ந்து வாழும் சிலர் சில அமைப்புகளை உருவாக்கி தற்போதைய சூழலில் பல கருத்துக்களை கூறிவருகின்றனர். இவர்களில் பெரும்பாலோனோர் நடைமுறைக்கு சாத்தியமற்ற பல கருத்துக்களை கூறி வருவதுடன் அழிவுற்று இடம்பெயர்ந்து அகதிகளாக வாழ்ந்து கொண்டு இருப்பவர்களை மீண்டும் ஒரு இக்கட்டான சூழ்நிலைக்கு கொண்டு செல்லும் நிலமைகளையே உருவாக்குகின்றனர். இலங்கை அரசின் இனவாத போக்கு காரணமாக ஈழம் என்றோம் வடக்கு-கிழக்கே கிடைத்தது. மீண்டும் ஈழம் என்றோம் வடக்கு வேறாகவும் கிழக்கு  வேறாகவும் ஆனது. மீண்டும் விடமாட்டோம் என்ற கருத்தே பலராலும் முன்வைக்கப்படுகிறது. இன்று 13 வதை பெறுவதற்கே பாடாய் படுகின்றோம்.

இலங்கைத் தமிழ்கட்சிகள், தமிழக கட்சிகள், புலம்பெயர் அமைப்புகள் என இலங்கைத் தமிழர்களுக்கான ஆதரவு தளம் இயங்குகிறது. ஆனால் இதில் புலம் பெயர் அமைப்புகளின் ஆதிக்கம் அவர்களது கருத்தியல் மற்றயதில் ஆட்சி செலுத்தவதை அவதானிக்கலாம். இலங்கைத தமிழர்களின் அரசியல் தீர்வு தொடர்பான பேச்சுவார்தைகளோ போராட்டங்களோ நடைமுறைக்கு சாத்தியமான கருத்துக்களை உள்ளடக்கியதாக இருக்கிக்கவேண்டும். இது விடயமாக ஈடுபடுபவர்கள் மக்களை உசுப்பேற்றும் நடைமுறைக்கு சாத்தியமற்ற கருத்துக்களை கூறுவதன் மூலம் தமிழர் பிரச்சினை மேன் மேலும் சிக்கல் நிறைந்ததாககே அமையும்.

தற்போது தமிழகத்திலும் புலத்திலும் இலங்கையில் உள்ள சில தமிழ் கட்சிகளும் நடாத்தும் போராட்டங்கள் கையாளும் சொற்பதங்கள் பிரச்சினைகளை முடிவுக்கு கொண்டுவருவதற்கான செயற்பாடுகளாய் இல்லை இவை இலங்கை அரசை மேலும் தமிழர்கள் மீது சந்தேக பார்வையை உண்டாக்குவதாகவே உள்ளது.

ஓவ்வொரு கட்சிக்கும் ஒவ்வொரு அரசியல் பார்வை இருக்கலாம் இதில் தமிழக கட்சிகள் இலங்கைத் தமிழர்கள் கட்சிகள் புலம்பெயர் அமைப்புகள் எதுவாயினும் இலங்கைத் தமிழர் தீர்வு தொடர்பாக நடைமுறைச்சாத்தியமான ஒரு பொதுகருத்துக்குள் வந்தால்மட்;டுமே இலங்கைத் தமிழர் தீர்வு சாத்தியமாகும்.இவர்கள் பொதுகருத்துக்குள் வருவார்களா என்பது நடக்காத ஒன்றே ஏனென்றால் முப்பது வருடங்களுக்கு மேலாக உள்ள பிரச்சினையை நீட்டி பெரிதாக்கிய பங்கு பலருக்கும் உண்டு.இவர்கள் இதை இன்னும் இழுபடவே வைக்க விரும்புகிறார்கள்.

இலங்கைத் தமிழ் கட்சிகள்.

குறிப்பாக வடக்கு,கிழக்கை பிரதிநிதித்துவ படுத்தும் கட்சிகளிடையே அரசில் தீர்வு தொடர்பாக ஒத்த கருத்து இல்லை சில கட்சிகள்  அரசிற்கு ஆதரவாகவும் சில கட்சிகள் புலிகளின் கருத்தியலையும் கொண்டிருக்கின்றனர். இந்த முரன்பாடு இலங்கை அரசாங்கத்துக்கு சாதகமான விடயமாக அமைந்து விட்டது. அரச ஆதரவு கதையை அல்லது அரச எதிர்ப்பு கதையை கேட்டு கேட்டு மக்களுக்கு காது செவிடாகக்குறையயாக இருந்தாலும்  மக்கள் அரச எதிர்ப்பு கதையை பெரிதும் ரசிக்கின்றர். அவர்கள் இலங்கை அரசின் செயல்பாடுகளை விரும்பாதவர்களாகவே வாழ்கின்றனர். இந்த போக்கும் ஆபத்தானதுதான் மக்களின் மனநிலை அப்படி இருக்கும் போது அரச எதிர்ப்பு தமிழ் கட்சிகள் தங்களது மாகாணசபை கனவுகளையும், பாராளுமன்ற கனவுகளையும் இலகுவாக பெறுவதற்கான வாய்ப்புகளே உள்ளன.

அரச ஆதரவு கட்சிளை மக்கள் தேர்தல் நேரத்தில் மட்டுமே ஓரங்கட்டுகிறார்கள் மற்றப்படி அவர்களிடமும் அவர்கள் பல விடயங்களுக்காகச் சென்று வருவதும் உண்டு. அவர்களிடம் இடம்மாற்றம், வேலைவாய்ப்பு, அபிவிருத்தி தொடர்பானவைகளை அங்கு சென்று சாதித்துவிடுகிறார்கள். அவர்களும் விழுந்து விழுந்து உதவிகள் செய்கிறார்கள்.

இன்று அரச எதிர்ப்பு கட்சியினர் மக்களுக்கு ஒன்றும் செய்யவில்லை என்பது மக்களுக்குத் தெரியும் ஆனால் அவர்கள் அரசாங்கத்துக்கு எதிராக பேசுவதையும் காரசாரமான அறிக்கைகள் விடுவதையும் பெரிதும் ரசிக்கிறார்கள்.இந்த ரசனை காரணமாக அரச எதிர்ப்பு கட்சியினர் தங்களது சொந்த வளங்களை பெருக்கி தங்களது தனிப்பட்ட வாழ்கையை வளப்படுத்திக்கொள்கிறார்கள்.அவர்கள் இன்றுவரை மக்களுக்கு ஒன்றும் செய்யாதவர்களாகவே உள்ளனர்.

அரசாங்கத்தின் பாரிய தவறுகளாலே சகலதிற்குமான வடிகால்களாக உள்ளது.யுத்தம் முடிவடைந்து நான்காண்டுகளுக்கு மேலாகியும் துளி கூட தழிழர் பிரச்சினையை தீர்த்து வைக்க நினைக்கவில்லை.வடக்கு மாகாண சபைக்கான அதிகாரத்தை கொடுப்பதிலும் இலங்கை அரசாங்கதிற்கு அக்கiறை இருப்பதாக தெரியவில்லை. பதிலாக அவற்கைக் கொடுக்காமல் ஏமாற்ற என்ன வழிகள் இருக்கின்றன என்பதையே தேடுவதாக தெரிகிறது.

தமிழர்கள் வாழ்வு கண்டு வேதனைப்படும் சமூக ஆர்வலர்கள்,மாற்றுக்கருத்துள்ளோர் மக்களுக்கு ஏதாவது செய்ய வேண்டும் என அல்லும் பகலும் எண்ணிக்கொண்டிருப்போருக்கு தற்போதைய சூழல் ஒவ்வாதவையாகவே காணப்படுகிறது.இந்த உணர்ச்சியூட்டும் அரசியலில் மக்களை மீட்க என்ன வழி என தேடிக்கொண்டே இருக்கின்றனர்.

தமிழக கட்சிகள்

இலங்கைத் தமிழர் பிரச்சினைகைளில் தமிழக கட்சிகளின் பங்குகள் காத்திரமானவையாக 1983 களில் இருந்ததென்னவோ உண்மை ஆனால் இன்று தங்களை வளப்படுத்திக்கொள்ள இதனைப் பயன்படுத்துகிறார்கள் என்ற ஒரு கருத்தும் உள்ளது.

இலங்கைத் தமிழர் பிரச்சினை தொடர்பாக பல கட்சிகள் தெட்டத்தெளிவாக பல உண்மைகளை புரிந்து வைத்தள்ளனா.; சில கட்சிகளும்  அவர்களது தொலைக்காட்சிகளும் மிகவும் மிகைப்படுத்திய கருத்துக்களையே சொல்கின்றனர்.இவர்கள் மக்களை உணர்ச்சி ஊட்டும் செயல்களை நன்கு செய்கிறார்கள்.இவர்களுக்கு புலம் பெயர் அமைப்புகள் சிலவற்றின் ஆசிர்வாதமும் உண்டு.

இவர்களும் இலங்கை தமிழர் பிரச்சினையில் ஒரு பொதுக்கருத்தில் இல்லை பொதுவான போராட்டங்களாவும் நடத்தியதில்லை.ஆளாளுக்கு ஒரு போராட்டம் இலங்கைத் தமிழர் பிரச்சினை தொடர்பான போராட்டங்களை நடாத்துபவர்கள் இடையே போட்டி மனப்பான்மை அதிகமாக காணப்படுவதையும் இவர்களிடம் அவதானிக்கலாம்.

இவர்கள் தங்களை மாற்றிக்கொண்டு நடைமுறைக்கு சாத்தியமானதொரு திட்டத்தை வகுத்து எல்லா கட்சிகளும் பொதுதளத்தில் நின்று போராடி இந்திய மத்திய அரசை வற்புறுத்தினாhல் ஒழிய இலங்கைத் தமிழர் வாழ்வில் ஏதும் இவர்களால் நடந்துவிடும் என்பது சந்தேகமே

புலம்பெயர் அமைப்புகள்

இன்று இலங்கையில் உள்ள அரச எதிர்ப்பு தமிழ் கட்சிகள் இடையேயும் தமிழகத்தில் உள்ள சில அமைப்புகளிடையேயும் புலம் பெயர் அமைப்புகளின் ஆதிக்கம் வெகுவாக உள்ளது.இன்றுள்ள தொழில்நுட்பமும் அவர்கள் தொடர்பு கொள்ள பல வசதிவாய்ப்புகளை தேடிக்கொடுத்துள்ளது..எந்த அமைப்பு நினைத்தாலும் தமிழகத்தில் உள்ள அவர்களது தொடர்புகளை வைத்து 'ஸ்கைப்' வழியாக பத்திரிகையாளர்கள் சந்திப்பை நடத்துகிறார்கிறார்கள். அவர்களது கருத்துக்களை எந்த தயக்கமுமின்றி பரப்புகிறார்கள்.தற்போது தமிழகத்தில் உள்ள சூழலும் அதற்கு சாதகமாக அமைந்துவிடுகிறது.

பொதுவாக புலம்பெயர் அமைப்புகள் தமிழகம்தான் எங்களுக்கு நம்பிக்கையாக உள்ளது நீங்கள் நம்பிக்கையுடன் செயல்பட்டால் நாங்களும் உங்களுக்கு உறுதுணையாக இருப்போம் என பச்சையாக சொல்கிறார்கள். இவர்களது கருத்துக்கள் பொதுவாக தனிஈழம் தொடர்பானதாகவே காணப்படுகிறது. வெளிநாட்டில் உள்ள நெடியவன்,வினாயகம் போன்றோர் இலங்கையில் புலிகளை வேரூன்ற செய்ய பல முயற்சிகள் மேற்கொண்டனர் அது இலங்கை அரசால் முளையிலேயே கிள்ளப்பட்ட சம்பவங்களும் நடந்தேறியுள்ளன. இவர்களது இத்தகைய செயற்பாடுகள் இலங்கைத் தமிழர்களுக்கு என்றும் ஆபத்தானது. மாற்றுவழி தேட முயல்வோர் இவற்றுக்கெல்லாம் முற்றுப்புள்ளி வைக்க வேண்டும்.இலங்கையில் இன்னும் ஏழைகளும் இல்லாதோரும்,தொழில் தேடி அலைவோரும் சாதிவெறிக்குள் அகப்பட்டோரும், வேற்றுமை பார்க்கப்படுவோரும் இருக்கிறார்கள் என்பதையும் உணரவேண்டும்.

(ஸ்ரனிஸ்)