சாதிவெறி ஒழிய வேண்டும்

(ஸ்ரனிஸ்)

கடந்த 25.4.13 அன்று மகாவலிபுரத்தில் வன்னியர் சங்கம் சார்பில் நடைபெற்ற சித்திரை பவுர்ணமி விழாவிற்கு வன்னியர் சங்கத்தினர் அனுமதி கேட்டபோதே, போலிசார் இதனால் ஏற்படும் சாதகபாதங்களை மனதில் கொண்டு பல நிபந்தனைகளை விதித்தனர். அவர்கள் நினைத்ததைப்போல் சம்பவங்கள் நடைபெற்று முடிந்துவிட்டன. இந்த விழாவில் அப்பட்டமாக சாதியம் பேசினர் கூடவே பிரபாகரனினதும், வீரப்பனினதும் வழியில் நடப்போம் என உறுதி மொழியும் எடுத்தனர்.

இந்த விழாவிற்கு உத்தரபிரதேச முதல்வர் அகிலேஷ் யாதவ் அவர்களை பங்கேற்க செய்ய வேண்டும் என ராமதாசின் புதல்வர் அன்புமனி பெரும் பிராயசித்தம் எடுத்தார். இவர்களின் சாதி அரசியலை புரிந்த அகிலேஷ் அதனை தவிர்த்து அந்த விழா நாட்களுக்கு முனனர் சென்னையில் ஒரு ஓட்டலில் சம்பிரதாயத்துக்கு கலந்து கொண்டு உத்தரபிரதேசம் பறந்துவிட்டார். அவருக்கு தெரியும் மாயாவதிடம் தான் அரசியல் செய்யும் தந்திரம்.

கிழக்கு கடற்காரை சாலையில் வன்னியர் சங்கத்தினர் நடாத்தும் விழா இடமான மகாவலிபுரம் எனும் இடத்துக்கு சற்றே தொலைவில் உள்ள மரக்காணம் எனும் இடத்தில் நடந்த சம்பவம் என்பது தர்மபுரியில் நடந்த சம்பவத்துக்கு இம்மியளவும் பிசகாததாக  நடைபெற்றுள்ளது.

இதனால் இரண்டு அப்பாவி உயிர்கள் இறந்துள்ளனர் திருமாவளவன் பார்வையிலும் ராமதாஸ் பார்வையிலும்  அவர்கள் சாதிக்காhரர்கள். எமது பார்வையில் அவர்கள் மனிதர்கள்.

இந்த அப்பாவி மனிதர்கள் எவ்வாறு தலைவர்களின் அரசிலுக்கு பலியாகிறார்கள் இதனை எப்படி அரசியல் வாதிகள் தங்களது அரசிலுக்கு பயன்படுத்தகிறார்கள.; இதனால் அப்பாவி மக்கள் ஒன்றும் இல்லாமல் ஆனார்கள் என்பது சகல நாடுகளிலும் நடைபெற்றுள்ளது.

ராமதாசின் கட்சியும்,திருமாவளவனின் கட்சியும் சாதியத்தை மையமாக கொண்ட கட்சிகள்தான் என்பது ஊரறிந்தது.இவர்கள் நடாத்தும் அரசியலில் சிக்கி பாழாய்போகும் அப்பாவி மக்கள் இதனை இன்னும் உணராமல் அவர்களுக்கு பின்னால் கொடிபித்து மாண்டுபோவது மனவேதனையை கொடு;க்கிறது.

இன்னுமொரு முக்கியமன விடயம் இந்த இரு கட்சிகளும் இலங்கைத் தமிழர்களுக்காக குரல்கொடுக்கின்றன.குறிப்பாக விடுதலைப்புலிகளையும் அவர்களின் அடிப்படை வாதத்தையும் ஆதரிக்கின்றன.ஆனால் தமிழர்களுக்கு மேல் அவர்களது சாதியே அவர்களுக்கு பெரிதாக தெரிகிறது.

தமிழகத்தை பொறுத்தவரை ஒரு குறிப்பிட்டவர்கள் சகலவிதத்திலும் தங்கள் வாழ்க்கையை மேப்படுத்தியுள்ளனர்.அது அரசியல் பொருளாதார ரீதியாக உள்ளது.ஆனால் இன்றும் தமிழகத்தில் பல கிராமங்கள்  அடிப்படை வசதியில்லாமல் இ;ன்றும் பல கிலோ மீற்றர் தூரம் சென்று பஸ் பிடிப்பதும் ஏரி,குளத்தில் குளிப்பதுமான பல கிராமங்கள் உள்ளன.

இப்படியான நிலைமைகளை மாற்றம் செய்ய சாதி உணர்வோ,தமிழ் உணர்வோ பொருந்துமா இதனை மாற்றம் செய்ய எந்தவகை கொள்கை பொருத்தமானதாக இருக்கும் என்பததை தமிழக சாதிகட்சிகள் உணரவேண்டும்.

தற்போதைய நவீன உலகில் சாதியம் பேசுபவர்கள் தலையெடுக்கமாட்டர்கள் மாறாக அவர்கள் தாங்களே தங்களது அரசியல் வாழ்வுக்கு குழிதோண்டுபவர்கள் என்பதே உண்மை.

மரக்காணம் கலவரம் தொடர்பாக தமிழக அரசு சட்டசபையில் அறிவித்த அறிவித்தல் என்பது சாதிய வெறிபிடித்த கட்சிகளுக்கு ஒரு கலகத்தை ஏற்படுத்தும் இன்றய காலகட்டத்தில் இந்த அறிவித்தல் இன்றியமையாததாகும்.