பாரதிய ஜனதா கட்சி ஆட்சி இலங்கைத் தமிழர்களுக்கு நல்லதையே செய்யும் என நம்புவோம்.

(ஸ்ரனிஸ்)

ஆட்சியை இழந்த காங்கிரசுக்கு இலங்கைத் தமிழர் பிரச்சினையால் ஏற்பட்ட நெருக்கடிகள் இன்று பா.ஐ.க ஆட்சி  பொறுப்பை ஏற்குமுன்பே ஏற்பட்டுவிட்டது. பல மாநிலங்களைக்  கொண்ட இந்தியாவில் ஒரு மாநிலத்தின் பிரச்சினையை நரேந்திரமோடி அரசு எப்படி கையாளப்போகிறது என்பதே இன்று எல்லோர் முன்னுள்ள கேள்வியாக இருக்கிறது. தேர்தலுக்கு முன்னர் காங்கிரஸ் கட்சி மீது இந்தியாவில் உள்ள தமிழர்களுக்கு இருந்த வெறுப்பை விட இலங்கையில் வாழும் சில தமிழர்கள் மற்றும் உலகத் தமிழர்கள் பலருக்கு வெறுப்பு இருந்ததென்பது அவர்கள் காங்கிரசை தூற்றியும் மோடியை போற்றியும் எழுதியதிலும் பேசியதிலும் இருந்து தெரிந்து கொள்ளக் கூடியதாக இருந்தது.

அவர்கள் காங்கிரஸ் இலங்கைத் தமிழர்களுக்கு துரோகம் செய்ததாகவும் பா.ஜ.க ஆட்சிக்கு வந்தால் தனித் தமிழ் ஈழத்துக்கு அந்த அரசு உதவும் எனவும் நட்பாசை கொண்டிருந்தனர்.

பா.ஜ.க எந்த ஒரு கட்சியின் உதவியும் இன்றி ஆட்சி அமைக்க போதுமான ஆசனங்களை பெற்றுவிட்ட தேர்தல் முடிவுகள் வெளியானவுடன் பா.ஜ.க கட்சிகாரர்கள் துள்ளிக் குதித்தார்களோ என்னவோ  ஐரோப்பாவிலும் இலங்கையின் வடக்கு கிழக்கிலும் தமிழர்கள் பலர் துள்ளிக்குதித்துள்ளார்கள்.

ஆனால் தற்போது அவர்கள் பா.ஜ.க வசைபாட தொடங்கிவிட்டார்கள்.இவ்வளவு சீக்கிரம் இந்த மாற்றம் நிகழும் என அவர்கள் நினைத்திருக்க மாட்டார்கள். பல மாநிலங்களையும் பல வகை சமூகங்களையும் பல வகை பிரச்சினைகளையும் தன்னகத்தே கொண்ட இந்திய கண்டத்தில் இவை நிகழும் என்பதை இவர்கள் ஏன் உணர மறுத்தார்கள்.

பலரும் ஈழம் ஈழம் என்று குரல் கொடுத்த போதும் இந்திய அரசு இலங்கைத் தமிழர்களுக்கு உரிய தீர்வு இதுதான் என்று 1987 இல் தெளிவாக சொல்லி ஒரு ஒப்பந்தத்தையும் எற்படுத்தியது.

இத்தகையை ஒரு தீர்வே தெற்காசிய பிராந்தியத்தின் அமைதிக்கு குந்தகம் ஏற்படா வண்ணம் அமையும் என்பதில் இந்திய அரசு திடமாக நம்பிருந்தது. அதைத்தான் தற்போதையை இந்திய அரசம் நம்புகிறது.

அப்படியான ஒரு நம்பிக்கையின் பிரதிபலிப்பையே இன்று பா.ஜ.க யும் கொண்டுள்ளது.அதன் காரணமாகவே வரும் 26ம் தேதி பதவியேற்புக்கு தெற்காசிய நாடுகளின் தலைவர்களை அழைத்திருப்பதாகும்.

அதிலே இலங்கை அதிபர் பங்கு பற்றுவது தொடர்பாக இன்று மீண்டும் சர்;ச்சை ஏற்பட்டுள்ளது.இந்த சர்ச்சை இன்று பா.ஜ.க க்கு பெரும் தலைவலியாக எற்பட்டுள்ளது.

ஒருவரும் பாக்கியில்லாமல் தமிழத்தில் ஆளும் கட்சி முதல் சாதாரண அமைப்புகள் வரை தங்களது எதிர்ப்புகளை காட்டத் தொடங்கியுள்ளார்கள்.

இலங்கை அதிபரின் வருகையை பா.ஜ.க யின் தமிழக பொறுப்பாளர் பொன்.ராதாகிருஷ்ணன் நியாயப்டுத்தி பேசும் அளவுக்கு நிலைமைகள் தலைகீழாக மாறிவிட்டது.தமிழக கட்சிகள் இலங்கைத் தமிழர் பிரச்சினையில் எதை எதிர்பார்த்தார்களோ அது நடக்கவில்லை என்ற ஆதங்கத்தில் அறிக்கைள் விடத்தொடங்கியுள்ளனர்.

இலங்கை அதிபர்  பதவியேற்பு நிகழ்சிக்கு வந்து செல்லும் வரை இன்னும் போராட்டங்கள் தீவிரமடையும் நிலைமைகளே உள்ளன.

பா.ஜ.க தமிழகத்தில் ஒரு வலுவான கட்சியாக இல்லை அத்துடன் 2016 இல் தமிழக சட்டசபை தேர்தல் நடைபெறவுள்ளது.இவற்றை எல்லாம் அந்த கட்சி கருத்தில் கொள்ளாமல் இந்திய நலன் பிராந்திய நலன் ஆகியவற்றையே கருத்தில் எடுத்தள்ளதாக தெரிகிறது.இது பாராட்ட வேண்டிய விடயமே.

பாகிஸ்தான் அதிபர் இந்தியா வருவதை பாகிஸ்தான் பிரிவினைவாத இயக்கங்கள் எதிர்க்கிறது. இதையும் மீறி அவர் பதவி நிகழ்சியில் பங்கேற்பதாக அறிவித்துள்ளார்.

இலங்கை அதிபர் வடக்கு முதல்வரை அழைத்தாகவும் வடக்கு முதல்வர் அதை நிராகரித்ததென்பதும் தமிழர்களின் எதிர்காலத்துக்கு ஒப்பில்லாத செயலாகும்.

இந்தியாதான் இலங்கை பிரச்சினையை தீர்க்க வேண்டும் என பலர் இன்றும் நம்பிருக்கும் இந்த வேளையில் இப்படியான புறக்கணிப்புகள் இலங்கைத் தமிழர்களுக்கே பின்னடைவை எற்படுத்தும்.

நல்லெண்ணத்துடன் செயற்படுவதும் ஒத்துழைப்புடன் நடப்பதுமே என்றும் நல்லவகைகளை ஏற்படுத்தும்.

இந்தியாவில் அமைய இருக்கும் பா.ஜ.க இலங்கை தமிழர்களுக்கு நல்லதையே செய்யும் என நம்புவோமாக

ஸ்ரனிஸ்