நினைத்தேன் எழுதுகிறேன்.

(அ.செல்வகுமார்)

வித்தியாராணி, புலிகளின் சோதியா படையணியின் முன்னணி தளபதிகளில் ஒருவராக இருந்தவராம். அந்நதப் பெண் இணையதளத்தில் அளித்த பேட்டி தொடர்பான அவர்கருத்துகளில் எல்லாவற்றிலும் உடன்பட்டு போக என்னால் முடியாது போனாலும், அவர் பிரபாகரன் தொடர்பாகவும் அவரது போராட்ட முறை தொடர்பாகவும் கூறிய கருத்துக்கள் இன்னும் பலரை வித்தியா ராணி  போல் ஆக்க காத்துக்கிடக்கிறது என்பதை அந்த அப்பாவி போராளி வித்தியா ராணி அறியவாய்ப்புகள் இல்லை. தமிழக அரசியல் வாதிகள் தொடர்பாகவும்,மீண்டும் பிரபாகரகரன் வருவார் என கூறுபவர்கள் தொடர்பாகவும் கூறிய கருத்துக்களில் யதார்த்தம் காணப்பட்டது.

ஏனென்றால் தமிழக அரசியல் வாதிகள் இன்றும் 1983 ஆம் ஆண்டுகளின் போது உள்ள மாயையிலும், தங்களது அரசியல் இருப்புக்காக யார் இலங்கைத் தமிழர் பிரச்சனையில் முன்னணியில் இருக்கிறோம் என்பதை காட்டவே முயற்சிக்கிறார்கள்.

இந்த அரசியல் இருப்பு முயற்சி இலங்கைத் தமிழர்கள் வாழ்வில் எதனையும் பெற்றுத் தந்துவிடாது. என்பதனையும். 'பிரபாகரன் இறந்துவிட்டார் இனி அடுத்த கட்டம் என்ன' என்பதனை தமிழக அரசியல்வாதிகள் சிந்திக்காத வரை தமிழக அரசியல் வாதிகளின் இலங்கைத் தமிழர்கள் தொடர்பாக கூறும் கருத்துக்கள் அவர்களின் கட்சி அரசியலுக்கு சரிவந்தாலும் இலங்கைத் தமிழர்கள் வாழ்வில் எதனையும் எற்டுத்திவிடாது.

ஒரு போராளியாக இருந்து தன் குழந்தைகளை காக்க விபச்சாரியாக மாறி இருப்பதென்னபது மனதை தொட்டுவிட்டகாரணத்தால் என் கருத்துக்களை பதிவு செய்ய விருப்பிய காரணத்தால் இதனை பதிவு செய்கிறேன்.

தான் ஒரு போராளியாக இருந்த   காரணத்தால் தனக்கு யாரும் வேலை தரவில்லை பிச்சை எடுத்தேன் ஒரு முதியவரிடம் பிச்சை கேட்ட போது அவர் படுக்கஅழைத்தார். அதன் பின்னர்  விபச்சாரி ஆனேன்; என அந்த புலி பெண் கூறியிருப்பது    மற்றய போராளி இயக்கங்களையும் சிந்திக்க செய்துள்ளது.

நமது சமூகம் இன்று மட்டுமல்ல தொன்று தொட்டோ ஒரு ஆதிக்க வெறி பிடித்த சமூகம்.அந்த சமூகம் 'அடுத்த வீ;ட்டின் அடுப்பில் பூனை படுத்து படுத்தாலும்'; கவலைப்டாத சமூகமாக இருந்தால் தான் பலர் தமிழ் ஈழ போராட்டத்தில் ஈடுபட்டனர்.அந்த தமிழ் ஈழத்துக்கு பின்னர் பல அர்த்தம் கொடுக்கப்பட்டாலும்.உண்மையில் ஏற்றத்தாழ்வும்,இலங்கை அரசின் இனவெறியுமே பலரை இந்த போராட்டத்தில் இணைத்து போரளியாக்கியது.

தமிழ் ஈழம் அது கனவாகி போய்விட்டது.  நம்மில் பலர் நல்வழிகளில் இருக்கிறார்கள்  அவர்கள் துன்பப்படுபவர்களை இனங்கண்டு உதவிகளை செய்ய முன்வரவேண்டும்.

இன்று பலர் பத்து குடும்பங்களுக்கே உதவி செய்ய கூடிய பொருளாதார பலத்தை பெற்று வாழ்கிறார்கள்..இது அவர்களுக்கு இந்த ஈழ போராட்டம் ஏற்படுத்திக் கொடுத்தது என்பதை அவர்கள் புரிய வேண்டும்.

இன்று போராளி இயக்கம் என்றால் அது புலிகள் தான் என்றுள்ளது. அப்படியல்ல போராளிகள் என்றால் அது அனைத்து இயக்கங்களிலும் ஆயுதம் ஏந்தி போராடியவர்களையே குறித்து நின்றது.

பின்னர் போராளிகள் என்றால் புலிகள் தான் என்றாகி, மற்றயவர்களின் போராட்டம் தியாகம், எல்லாம் கேவலமாக்கட்டது.

மற்றய போராளி குழுக்களின தியாகம் அவர்களது அர்ப்பணிப்பு எப்போது புறக்கணிக்கப்பட்டதோ அன்றே ஈழ போராட்டம் திசை மாறியது.

தன் குழந்தைகைளை பாதுகாக்க அந்த பெண் அந்தத் தொழில் ஈடுபட்டதை உடனே சமூக அக்கறை உள்ள அனைவரும் தடுத்தி நிறுத்தி, அந்த பெண் கௌரவமாக வாழ  மாற்று வழி தேடி கொடுக்க வேண்டும். அவளது பிள்ளைகளின் அடிப்படை தேவைகளை கவனித்து அவர்களது பசி போக்கி அவளது பிள்ளைகளுக்கு  நல்ல கல்வி கொடுக்க வேண்டும்.

அந்த பெண் புலி மட்டுமல்ல பல இயக்கத்திலும் இருந்தவர்கள் இன்று வௌ;வேறு பட்ட   பல துன்பங்களை அனுபவித்து வருகிறார்கள். அவர்களது துன்பங்களை இந்த தமிழ் சமூகம் உணரவேண்டும் அவர்களது மறுவாழ்வு தொடர்பாக சிந்திக்க வேண்டும்.

அப்படி இது தொடர்பாக அக்கறை எடுக்காது போகும் பட்சத்தில் தமிழ் ஈழம், அரசியல் தீர்வு என்பன தொடர்பாக போடும் கோஷங்கள் கட்சியில் உள்ளவர்களையும் அது தொடாபாக பேசுபவர்களை  மட்டுமே வாழ வைக்கும் என இந்த போராட்டத்தால் பாதிக்கப்ட்டவர்கள் எண்ணத் தோன்றும்.

அவர்களது எண்ணத்திற்கு வலுசேர்க்க நாம் துணை போகாமல் அவர்களது அடிப்படை தேவைகளில் அக்கறை கொள்வோம்.