வடக்கு-கிழக்கு இணைவதற்கு, அனைவரும் குரல்கொடுக்க வேண்டும்.

(அ. விஜயன்)

இலங்கையில் ஒரு அரசியல் தீர்வு ஏற்படும் இடத்து அது இணைந்த வடக்கு-கிழக்கினுள்ளே ஏற்பட வேண்டும். தனித் தமிழ் ஈழம்,   கனவாய் போனது.   வடக்கு-கிழக்கு இணைந்த நிலப்பரப்பிலாவது எம் மக்கள் அரசில் தீர்வினை பெற்று வாழவேண்டாமா?

தனி நாடு,தமிழர் தாயகம்,என்வபற்றுக்காக நாம் பலவற்றை இழந்து நிற்கிறோம் ஆனால் நம்பிடையே உள்ள குரோத மனப்பான்மையால் நல்ல பல சந்தர்பங்களையும்,நல்ல பல வாய்ப்புகளையும் தட்டிக் கழித்து விட்டோம்.  இதன் பின்னராவது வடக்கு-கிழக்கு   இணைக்க வேண்டிய சந்தர்பங்கள் ஏற்படும் போது அதற்காக குரல் கொடுப்பதற்கும், இணைப்பின் தேவையால் ஏற்படும் நன்மைகளை உணர்த்த தளங்கள் ஏற்படும் போதெல்லாம் அவற்றை பயன்படுத்திக் கொள்ள வேண்டும்..

தமிழ் கட்சிகளின் அரங்கத்தில் தமிழ் மக்கள் விடுதலைப் புலிகள் கட்சி இணைந்த போது அது ஓரு பிரதேசக்கட்சி என நினைத்தி;ருந்தவர்களுக்கு சம்மட்டியால் அடித்ததை போல் இருந்திருக்கும். ஏனென்றால் பிரதேச வாதக் கோசத்துடன் புலிகளின் இருந்து பிரிந்து வந்தவர்கள், வடக்கு – கிழக்கு இணைப்பிற்குள்ளே அரசியல் தீர்வு என  யோசனைகளை முன்வைத்த கட்சிகளுடன் இணைந்து கொண்டது.

இந்த இணைவானது தமிழ் பேசும் மக்களை பிரித்தர்ள நினைப்பவர்களின் தூக்கத்தை கலைத்திருக்கும். தமிழ் கட்சிகளின் அரங்கத்தில் தமிழ் மக்கள் விடுதலைப் புலிகள் இணைந்ததை எண்ணி சந்தோசப்பபட்டவர்களுக்கு பேரிடியையும், பிரித்தாள நிணைப்பவர்களுக்கு, சந்தோசத்தைக் கொடுக்குமாப்போல், அண்மையில் தமிழ் மக்கள் விடுதலைப் புலிகளால் தெரிவிக்கப்பட்ட கருத்துக்கள் அமைந்துவிட்டன.

பிரதேச வாதம் என்பது ஒரு ஜாதி,.இனம்,மதம் என்பவற்றைப் போல் ஒரு மனிதனை இலகுவில் தூண்டிவிடக் கூடியது இவை மனித குல வளர்ச்சிக்கு ஆபத்தானவை இந்த பிரிவினைகளுக்கு நாம் ஒரு போதும் துணை போக் கூடாது. இணைந்த வடக்கு-கிழக்கிற்குள் எமது பிரச்சினையை பேசித் தீர்த்துக் கொள்ள வேண்டும்.

தமிழ் தேசிய கூட்டமைப்பும் அண்மையில் தமிழ் கட்சிகளின் அரங்க தலைவர்களிடம் சாதகமான பதிலை அளித்துள்ளனர். எல்லா தமிழ் கட்சிகளும் இணைந்து செயல்பட முன்வந்துள்ள இந்த வேளையில் தமிழ் மக்கள் விடுதலைப் புலிகள் கட்சியின் அண்மைய கருத்து எல்லோரையும் வேதனைப்பட வைத்துள்ளது.

வடக்கு- கிழக்கு இணைய வேண்டும் என்ற கருத்தானது கிழக்கின் தலைவர்ளிடம் இருந்து வெளிவரவேண்டும். இது தொடர்பான சாதக,பாதங்களை மக்களிடம் எடுத்துச் சொல்லவேண்டும்.

சந்தேகங்களை பேசித் தீர்த்துக் கொள்ள வேண்டும். வடக்கு-கிழக்கு இணைந்த மாகாண அரசு ஏற்படுமிடத்து, முதல்வர்,துணை முதல்வர் என நியமித்து கிழக்கைச் சோந்தவரும், வடக்கை சோந்தவரும் மாறி மாறி இருப்பதற்கான வழிகளை செய்து கொள்முடியும் இதன் மூலம் அனைவரும் திருப்;திப்பட சந்தர்பங்கள் ஏற்படும்.

(அ. விஜயன்) (கார்த்திகை 10, 2010)