தமிழக தேர்தல் வெல்லப் போவது யார்?

(அ. விஜயன்)

தமிழ்நாடு மாநிலத் தேர்தல் ஏப்பரல் 13 திகதி நடைபெறும் என இந்திய தேர்தல் ஆணையம் அறிவித்துவிட்டது. கட்சிகள் கூட்டணி அமைப்பது இன்னமும் இறுதியாகவில்லை இந்த அறிவிப்பை தொடர்ந்தும் அதுவும் துரிதகதியில் நடந்துவிடும். 

கூட்டணி தொடர்பாக பல ஊகங்கள் பேசப்பட்டபோதும் இழுபறியாக இருந்த விஜயகாந்தின் தே.மு.தி.க, அ.தி.மு.க வுடனே சேர்ந்து போட்டியிடப்போகிறது இன்னும் ஓரிரு நாட்களில் தொகுதி பங்கீடு இறுதியாகிவிடும். தி.மு.க வுடன் சில்மிசம் செய்த காங்கிரஸ் தி.மு.க வுடனே சேர்ந்துவிடும். அ.தி.மு.க தலையில் ஓரணியும், தி.மு.க தலைமையில் ஓரணியும், பாரதிய ஐனதாகட்சி ஒரணியாகவும்  தமிழக தேர்தல் களம் சூடு பிடிக்கப் போகிறது. பாரதிய ஐனதா கட்சியை பொறுத்த மட்டில் இம்முறை பரிதாபமான ஒரு நிலையிலே இருக்கிறது. அதனுடன் எந்தக் கட்சியும் கூட்டுச் சேரும் நிலை இல்லை அக்கட்சி சேர்ந்தால் அ.தி.மு.க வுடன் சேர வேண்டும் தேசிய கட்சியான அக்கட்சி அணித்தலைமையை தவிர்த்து அ.தி.மு.க வுடன் சேரும் வாய்ப்புகள் இல்லை.

தேர்தல் பிரச்சாரத்துக்காக ஒவ்வொரு அணியினரும் பல விடயங்களை கையில் வைத்திருக்கின்ற  போதும். அ.தி.மு.க தலைமையிலான அணியினர் பிரதானமாக கையில் வைத்திருப்பது 'ஸ்பெக்ரம்’ ஊழல், இலங்கைத் தமிழர் பிரச்சினை, மீனவர் பிரச்சினை, குடும்பஆட்சி என்பனவாகும். இவற்றை மீறி தி.மு.க தலைமையிலான அணியினரின் பிரச்சாரம் எப்படி அமையப் போகிறது.  தம்மால் செயற்படுத்தப்படும் நல்ல திட்டங்கள் அடிப்படையாக கொண்டு அமையப் போகின்றது.

தி.மு.க அரசின் மக்கள் நல திட்டங்களான கலைஞர் உயிர்காக்கும் காப்பீட்டுத் திட்டம், காங்கிரிட் வீட்டுத் திட்டம் என்பன தமிகத்தின் ஏழை, எளிய மக்களிடம் நல்ல வரவேற்பை பெற்றுள்ளது. கலைஞர் உயிர்காக்கும் திட்டமானது தமிழக ஏழை மக்களுக்கு கிடைத்த வரப்பிரசாதமாகவே பார்க்கப்படுகிறது. தமிழகத்தில் உள்ள சில தனியார் வைத்தியசாலையின் படிக்கட்டுகளை கூட பணக்காரர்கள்தான் மிதிக்கமுடியும், அங்கு வைத்தியம் பார்ப்பது என்பது பணக்காரர்களால் மட்டுமே முடியும், என்ற நிலையில் இருந்து இன்று சாதாரணமானவர்களும்  அவ்வகை  வைத்தியசாலையின் கட்டில்களில் படுத்து  வைத்தியம் பார்க்கும் நிலையை ஏற்படுத்தியது கலைஞரின் உயிர்காக்கும் வைத்திய திட்டமாகும. இது தி.மு.க அணியினரை மண்கவ்வ வைத்துவிடாது.

ஸ்பெக்ரம் ஊழல் பிரச்சனை எனபது படித்தவர்கள் மத்தியில் அதன் தார்ப்பரியம் விளங்கக் கூடியதாக உள்ளது. கிராமத்து பாமர மக்களிடம் அதன் தாக்கம் குறைவாகவே உள்ளது. அவர்களுக்கு தேவை உணவு, உறங்க இடம், வைத்தியம். மீனவர் பிரச்சினை, இலங்கைத் தமிழர் பிரச்சனை உணர்வு பூர்மானது. அது அன்றைக்கு கத்தும் போது இரத்தம் சூடேறும் பிறகு மறந்துவிடுவார்கள்.

இறுதியாக நடைபெற்ற  பாராளுமன்ற தேர்தலின் போது இலங்கைத் தமிழர் பிரச்சினைக்காக தமிழகமே கொந்தளித்தது. ஆனால் போராட்டத்தை நடத்திய கட்சிகள் இலங்கைத் தமிழர்களுக்காக ஈழத்தையே பெற்றுக் கொடுப்போம் எனக்கூடச் சொன்னார்கள். ஆனால் அவ்வகை கட்சிகளை மக்கள் பாராளுமன்றம் அனுப்பியதன் எண்ணிக்கை மிக மிக குறைவாகத்தானே இருந்தது.

தி.மு.க அரசின் மேல் சொன்ன திட்டங்கள் பாமர மக்களிடம் நல்ல வரவேற்றை பெற்றுள்ள போதும். ஆட்சி மாற்றம் அ.திமு.க தலைமையிலான அணியினருக்கு கைகொடுக்கப்போகிறது.  அது இழுபறி நிலை வெற்றி வாய்ப்பாகத்தான் இருக்கும்.

(அ. விஜயன்) (பங்குனி 04, 2011)